KASA 11:26 - Jinghpaw Common Language Bible 2009

²⁶ Shi hpe mu jang Antioki de woi wa wu ai. Ya, shan gaw laning mi tup dai hpung masha ni hte rau hpawng nga ma ai rai nna masha law law hpe sharin shaga lu ma ai, sape ni mung Hkristan ni ngu ai mying hpe Antioki mare hta shawng lu la ma ai.

Jinghpaw Hanson Version Bible

²⁶ Ya, shan gaw laning mi tup dai Hpung hte rau hpawng nga ma ai rai nna, masha law law hpe sharin shaga lu ma ai; sape ni mung, Hkristu ni, ngu ai amying hpe, Antioki mare hta shawng lu la ai rai nga ai.

KASA 11:26 ပူးပေါင်းရင်းမြစ်များ

ESAIA 65:15

Lata la hkrum sai nye a amyu masha ni gaw na a mying hpe dagam dala ga hku lang wa na mara ai. Tsaw Htum ai dai Madu ngai gaw nang hpe sat kau na nngai. Rai ti mung ngai gaw nye a ga madat mara ai ni hpe mying nnan jaw na nngai.

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

YAWHAN 2:2

Yesu hte sape ni hpe mung, dai poi de shaga da mu ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 11:20

Rai ti mung, shanhte hta na Kupru hte Kureni mung na kam sham ai kaga nkau mi Antioki de du ma ai rai nna, Yuda n re ai maigan Heleni masha ni hpe Madu Yesu a lam Kabu Gara Shiga hpe htawn tsun ma ai.

KASA 11:22

Ndai lam shiga Yerusalem na hpung a na hta kajai gumhkawng shang wa ai rai nna shanhte gaw Barnaba hpe Antioki mare de shangun dat mu ai.

KASA 11:27

Dai aten daram hta Myihtoi nkau mi Yerusalem kaw nna Antioki de sa du ma ai.

KASA 11:29

Sape ni gaw, Yuda mung na kahpu kanau ni hpang de langai hte langai rai lu ai made karum dat na nga, myit daw dan da ma ai.

KASA 14:20

Rai ti mung, kam sham ai sape ni grup rai tsap nga yang, shi rawt nna mare de shang wa ai, hpang shani e shi gaw Barnaba hte rau Derbe mare de sa mat wa ma ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

KASA 14:23

Hpung shagu hta, hpung salang ni hpe lata san da nna lusha gam let akyu hpyi ngut jang shanhte kam sham nga ai Madu a lata hta ap ya da mu ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 14:28

Shing rai shan gaw, dai yang e kam sham ai sape ni hte rau tsawmra wa na hkra hkring nga ma ai.

KASA 18:27

Bai shi gaw Ahkaia mung de rap sa wa na myit daw dan ai rai nna, Ehpesu mare na kam sham ai ni gaw shi a matu Ahkaia mung na kam sham ni hpang de, Apolo hpe hkap hkalum la na matu shachyen ya ai hte lajin ai laika jaw dat ya mu ai. Ya shi Ahkaia mung de du ai shaloi Karai Kasang a chyeju hte shi gaw kam sham ai ni hpe grai wa shadaw shangang karum mu ai.

KASA 19:9

Rai ti mung nkau mi gaw myit ja nna n kam n sham ma ai rai nna, shawa masha ni a man e dai Madu a lam hpe n kaja ai ga ni hte tsun jahpoi asawng ma ai. Dai rai nna Pawlu gaw shanhte kaw na pru nna, sape ni hpe kaga jahka la nhtawm Turanu ngu ai wa a hpaji jawng gawk kaba hta shani shagu tsun bawng sharin shaga hkat nga ai.

KASA 20:1

Ya dai kabring kabrawng lam sim mat ai hpang Pawlu gaw kam sham ai sape ni hpe shaga la nna, shanhte hpe n-gun jaw ai ga ni tsun ngut jang shakram da nhtawm Makedoni mung de sa wa na pru wa ai.

KASA 20:30

Nanhte hta na masha nkau mi gaw masu hkalem ai ga tsun nna kam sham ai ni hpe shanhte hpang de lau la ai aten mung du na ra ai.

KASA 21:4

Dai kaw kam sham ai nkau mi hpe tam mu nna, dai mare hta sanit ya hkring nga ga ai. Shanhte mung Chyoi Pra ai Wenyi e shadut ai hte maren, Pawlu hpe Yerusalem mare de n sa na lam tsun mu ai.

KASA 26:28

Hkawhkam Agripa gaw Pawlu hpe, “Ndai aten kadun mi laman hta sha ngai hpe Hkristan shatai la lu na zawn nawn da wu ni?,” ngu wu ai.

KASA 6:1

Ya gade nna yang, Sape ni law htam wa ma ai rai nna Grik ga shaga ai Yuda ni hte Yuda majing ni a lapran e aput angun nga nna ga shai hkat wa ma ai. Grik ga shaga ai Yuda masha ni mahtang shani shagu jai na gumhpraw garan ai hta shanhte a maga na gaida jan ni hpe hprai kau nna shadawng da ya mi ai, nga nna tsun mara ai.

KASA 6:5

Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai.

KASA 9:19

Dai hpang lu sha mung sha nna n-gun awai la wu ai. Shawlu gaw Damasku mare e sape ni hte rau tawng marang mi nga nga ai.

KASA 9:38

Yopa mare gaw Luda mare hte nau wa n tsan nga ai rai nna, Petru dai yang e nga nga ai lam kam sham ai ni na ma yang shanhte masha marai lahkawng hpe, “Anhte hpang de alawan sa wa rit,” ngu nna Petru hpe sa tsun na matu dat dat mu ai.

1 KORINHTU 11:18

Langai ngu na hta nanhte a hpung zuphpawng ni hta myit n hkrum ninghkap ai ni nga ai lam ngai na nngai; dai mung, daw chyen mi gaw jaw ai ngu nna ngai kam nngai.

1 KORINHTU 12:12

Hkristu gaw daw shan law law rawng ai hkum hkrang hte bung nga ai; dai hkum hkrang a daw shan ni gaw law law rai ma ti mung, hkum hkrang langai sha rai nga ai.

1 KORINHTU 14:23

Dai rai nna, dai Hpung ting zuphpawng nga nna, nlang hte gaw laklai ai ga amyu myu tsun shajang nga ma yang, n chye na ai yu maya masha ni, shing n rai, n kam n sham ai ni du sa wa ma yang gaw, “Nanhte yawng mana bu nga myit dai,” nga nna shanhte tsun na ma ai n rai ni?

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

EHPESU 3:15

Kawa Karai Kasang a man e ngai lahput hput di nna akyu hpyi nngai.

YAKU 2:7

Shanhte gaw nanhte hpe jaw da sai mying kaja hpe jahpoi jahpyak ya ai ni rai ma ai.

1 PETRU 4:14

Nanhte Hkristu a hpang hkan nang ai ni re ai majaw roi asawng ai hkrum myit yang nanhte a lu myit dai. Dai gaw hpung shingkang rawng ai wenyi ngu ai Karai Kasang a wenyi gaw nanhte hta e shanu nga ai lachyum rai nga ai.

1 PETRU 4:16

Rai ti mung Hkristan rai nga ai majaw nni nkri hkrum a yang gaw, dai hpe hkum kaya nga mu; de a malai Hkristu a mying nsang hkam la lu ai majaw Karai Kasang hpe chyeju dum shakawn nga mu.

1 YAWHAN 2:27

Rai ti mung nanhte chyawm gaw, Hkristu shi a wenyi hpe nanhte a ntsa e ru jaw bang ya ai hkrum manit dai rai nna, nanhte hta dai wenyi a shanu nga dingsa kadai mung nanhte hpe sharin shaga na n ra sai. Hpa majaw nga yang, shi a Wenyi gaw nanhte hpe lam shagu hta e sharin shaga nga ai rai nna, shi sharin shaga ai lam gaw teng man nga ai, masu ai lam hpa mung n lawm ai. Dai majaw nanhte gaw dai Wenyi e sharin ai hte maren madat mara hkan sa nna Hkristu hte langai sha rai nga mu.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.