KASA 11:24 - Jinghpaw Common Language Bible 2009

²⁴ Barnaba gaw masha kaja langai mi rai nna, Chyoi Pra ai Wenyi hte mung, makam masham hte mung hpring tsup ai wa rai nga ai. Masha law law hpe dai Madu hpang de jat bang wa shangun wu ai.

Jinghpaw Hanson Version Bible

²⁴ kaning rai nme law, dai wa gaw masha kaja rai nna, Chyoi pra ai Wenyi hte mung, makam masham hte mung, hkum tsup ai wa rai nga ai: masha law law wa hpe dai Madu hpang de jat bang wa shangun mu ai.

KASA 11:24 ပူးပေါင်းရင်းမြစ်များ

2 SAMUELA 18:27

Sin langa wa gaw, “Shawng e kagat sa wa ai wa gaw Ahimaza zawn rai nga ai hpe ngai mu lu nngai,” ngu nna tsun wu ai. Hkawhkam wa gaw, “Shi gaw kaja ai masha langai mi rai nga ai majaw shiga kaja gun sa na ra ai,” ngu nna tsun wu ai.

SHAKAWN KUNGDAWN 112:5

Masha kaga wa hpe ntaw ntsang hkoi ya nna, shi a kan bau bungli hpe ding man ai hku galaw nga ai wa gaw a nga ai.

SHAKAWN KUNGDAWN 37:23

Dai Madu gaw masha wa hpe shi sa ang ai lam hta woi wa ai; shi hta sharawng awng ai ni hpe makawp maga ya nga ai.

GA SHAGAWP 12:2

Dai Madu gaw mai kaja ai masha ni hpe ra sharawng ti mung; n hkru ai amu maw mawn ai masha ni hpe shi daw dan nga ai.

GA SHAGAWP 13:22

Mai kaja ai masha wa gaw shi a kashu ni a matu sut gan sali wunli ngam da ya na ra ai; rai ti mung, yubak kap ai wa a sut gan chyawm gaw ding hpring ai masha ni hpang de du mat na ra ai.

GA SHAGAWP 14:14

N shawp n kap ai masha ni shanhte lu la ging ai hte maren, hkam la lu na mara ai; Mai kaja ai masha ni gaw shanhte galaw ai amu hte maren shabrai hpe hkam la lu na mara ai.

MAHTE 12:35

Kaja ai wa gaw tinang a kaja ai sut dek hta na kaja ai arai ni shapraw wu ai; n kaja ai wa mahtang gaw, n kaja ai sut dek hta na n kaja ai arai ni shapraw wu ai.

MAHTE 19:17

Yesu gaw, “Nang gaw mai kaja ai amu hte seng ai lam, hpa rai ngai hpe san yu n ta? Kaja ai wa Langai mi sha nga ai. Nang nan asak hkrung ai de shang mayu n yang gaw jep ai tara hpe hkan sa u,” ngu nna shi tsun wu ai.

LUKA 23:50

Yuda mung na Aramahti ngu ai mare kaw na, Yuda mung bawng salang hpung hta lawm ai Yosep mying ai wa langai mi nga ai. Dai wa gaw mai kaja ai hte hkungga ging ai masha langai mi rai nna Karai Kasang a Mungdan du sa wa na ra ai lam hpe myit mada nga ai wa mung rai nga ai.

YAWHAN 7:12

Shawa masha ni hta mung shi a lam gadum gahte nga ai lam grai law ai hte, nkau mi gaw, “Shi gaw masha kaja rai nga ai,” nga ma ai. Bai nkau mi gaw, “N rai, mung masha ni hpe lam shadam nga ai,” nga shajang ma ai.

KASA 11:21

Madu a n-gun atsam mung shanhte hta nga nga ai rai nna, masha dawwa kaba kam sham ai hte Madu hpang de kayin wa ma ai.

KASA 2:4

Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

KASA 2:47

Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

KASA 24:16

Dai rai nna ngai gaw Karai Kasang a man e mung, masha a man e mung, ra n rawng ai sha tut nawng htauli htaula myit san pra nga lu hkra atsam htum hkra a shaja nga nngai.

KASA 5:14

Rai ti mung, Karai Kasang hpe hkap la kam sham ai numsha, lasha hpung kaba grau grau nna dai hpung hta jat bang wa ma ai.

KASA 6:3

Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai.

KASA 6:5

Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai.

KASA 6:8

Stehpan gaw Karai Kasang kaw na chyeju ra n rawng hkra hkam sha ai wa, n-gun atsam hpring tsup ai wa rai nna, mung masha ni a man e lamik kumla kaba ni hte mauhpa amu ni madun dan nu ai.

KASA 9:31

Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

ROMA 15:15

Rai ti mung, ndai laika hta ginlam nkau mi hte seng nna nanhte hpe sadi jaw ai hta ngai gaw Karai Kasang jaw ai chyalai ahkaw ahkang a majaw nden ja ai hte ka dat nngai.

ROMA 5:7

Kaja wa ding hpring ai masha langai mi a matu mara marai langai ngai si hkam na yak nga ai; mai kaja ai masha a matu mara chyawm gaw, si hkam gwi na pyi, langai ngai nga nhten.