KASA 11:20 - Jinghpaw Common Language Bible 200920 Rai ti mung, shanhte hta na Kupru hte Kureni mung na kam sham ai kaga nkau mi Antioki de du ma ai rai nna, Yuda n re ai maigan Heleni masha ni hpe Madu Yesu a lam Kabu Gara Shiga hpe htawn tsun ma ai. အခန်းကိုကြည့်ပါ။Jinghpaw Hanson Version Bible20 Rai timung, shanhte hta na Kupru hte Kureni mung na ni nkau mi, Antioki de hkan du ma ai rai nna, Madu Yesu a kabu gara shiga, Heleni masha ni hpe mung tsun dan ma ai. အခန်းကိုကြည့်ပါ။ |
Dai hpang kasa ni hte salang ni gaw hpung masha yawng hte bawng ban nna shanhte hta na masha nkau mi hpe lata la nhtawm, Pawlu yan Barnaba hte rau Antioki de shangun dat na lam myit hkrum daw dan ma ai. Shanhte gaw kam sham ai ni grai hkungga ai hte kam mai ai Barsaba ngu ai Yuda hte Sila yan hpe lata la nna,
Epikuri lam hte Sto-i lam hkan ai hpaji sara ni nkau mi shi hte dangrang hkat ma ai. Nkau mi gaw, “Ndai chye shakawng ai du ladi masha wa hpa tsun shakut nga ai kun?,” nga nna san ma ai. Nkau mi gaw, “Maigan masha ni a hpara ni a lam tsun dan ai wa rai sam ai,” nga nna mung htan shajang ma ai, shanhte shing nga tsun ai gaw, Kasa Pawlu gaw Yesu Hkristu hte si ai kaw na bai hkrung rawt wa ai lam hkaw tsun nga ai majaw rai nga ai.
Ya gade nna yang, Sape ni law htam wa ma ai rai nna Grik ga shaga ai Yuda ni hte Yuda majing ni a lapran e aput angun nga nna ga shai hkat wa ma ai. Grik ga shaga ai Yuda masha ni mahtang shani shagu jai na gumhpraw garan ai hta shanhte a maga na gaida jan ni hpe hprai kau nna shadawng da ya mi ai, nga nna tsun mara ai.