KASA 11:19 - Jinghpaw Common Language Bible 2009

¹⁹ Ya Stehpan hpe sat kau ai kaw nna hpang wa ai zingri zingrat lam a majaw bra mat wa ai kam sham ai ni gaw, Hponisha, Kupru hte Antioki mare du hkra len hkawm nna Yuda ni hpe hkrai sha dai mungga hkaw dan ma ai.

Jinghpaw Hanson Version Bible

¹⁹ Ya Stehpan kaw nna hpang ai zingri zingrat lam majaw bra mat wa ai ni gaw, Hpinisi, Kupru mung hte Antioki mare du hkra len hkawm wa nna, Yuda masha ni hpe hkrai sha, dai mungga hkaw dan ma ai.

KASA 11:19 ပူးပေါင်းရင်းမြစ်များ

MAHTE 10:6

Shing rai na malai, Israela amyu hta na dam mat ai sagu ni kaw she shawng sa mu.

YAWHAN 7:35

Ahkang aya lu ai Yuda masha ni gaw, “Anhte n mu hkra ndai wa gaw gade sa wa na ra ai i? Yuda masha ni nga bra hkawm nga ai Grik mare ni de sa nna Grik masha ni hpe hkaw tsun sharin shaga na ra ai kun?

KASA 11:20

Rai ti mung, shanhte hta na Kupru hte Kureni mung na kam sham ai kaga nkau mi Antioki de du ma ai rai nna, Yuda n re ai maigan Heleni masha ni hpe Madu Yesu a lam Kabu Gara Shiga hpe htawn tsun ma ai.

KASA 11:22

Ndai lam shiga Yerusalem na hpung a na hta kajai gumhkawng shang wa ai rai nna shanhte gaw Barnaba hpe Antioki mare de shangun dat mu ai.

KASA 13:1

Ya Antioki mare na hpung hta e myihtoi ni, sara ni nkau mi lawm nang nga ma ai; Dai ni gaw, Barnaba, shan chyang masha ngu ai Simun, Kureni masha Luki, Herod munggyi a kaji kaw nna rau ram kanawn manang rai nga ai Manaen, hte Shawlu ni rai ma ai.

KASA 13:4

Shing rai, Chyoi Pra ai Wenyi e shan hpe shangun dat mu ai hte maren shan gaw Seluki de du yu wa nna dai yang na li jawn nhtawm Kupru de du ma ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 14:26

Dai kaw nna li jawn nhtawm, ya shan gunhpai lai wa sai amu a matu, Karai Kasang a chyeju hta ap nna shangun dat ai lam hpe hkam la ai Antioki mare de bai du wa ma ai.

KASA 15:22

Dai hpang kasa ni hte salang ni gaw hpung masha yawng hte bawng ban nna shanhte hta na masha nkau mi hpe lata la nhtawm, Pawlu yan Barnaba hte rau Antioki de shangun dat na lam myit hkrum daw dan ma ai. Shanhte gaw kam sham ai ni grai hkungga ai hte kam mai ai Barsaba ngu ai Yuda hte Sila yan hpe lata la nna,

KASA 15:3

Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 15:30

Ning rai kasa ni hpe shangun dat yang Antioki mare de sa wa nna dai hpung masha ni yawng hpe jahpawng tawn da nhtawm dai shagun dat ai laika hpe ap ya mu ai.

KASA 15:35

Pawlu yan Barnaba chyawm gaw Antioki mare e matut hkring nga nna manang law law hte, Madu a mungga sharin achyin ya nna, hkaw dan ma ai.

KASA 15:39

Dai nhkan e ga lai nna, langai hte langai hka mat ma ai. Barnaba gaw Marku hpe woi nna Kupru zunlawng de li hte sa wa ai.

KASA 18:22

Ya Kesare mare de du jang, Yerusalem mare de lung wa nna, dai hpung hpe wa jahkrum nhtawm Antioki mare de bai yu wa wu ai.

KASA 21:16

Kesare na sape nkau mi mung, anhte hte rau sa ma ai rai nna, anhte sa manam na rai nga ai, Kupru zunlawng masha Manason ngu ai shawng shawng kaw nna kam sham nga sai sape langai mi a nta kaw sa sa bang da mi ai.

KASA 21:2

Dai kaw Hponisha mung de rap sa wa ai li langai mi hpe mu hkrup nna dai hta jawn sa wa ga ai.

KASA 3:26

Dai rai nna nanhte langai hte langai tinang a n hkru n shawp ai lam ni hta na myit malai kayin wa ai hte shaman chyeju hkam la lu mu ga nga Karai Kasang gaw shi a shangun ma hpe paw pru shangun ai hte nanhte hpang de shawng shangun dat ya sai,” ngu nna tsun mu ai.

KASA 4:36

Dai shaloi Kupru mung na Lewi masha Yosep ngu ai wa nga ai. Shi hpe kasa ni e Barnaba ngu nna mying hkawt shamying mu ai. (De a lachyum gaw shalan shabran n-gun jaw ai wa ngu ai re)

KASA 6:5

Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai.

GALATI 2:11

Rai ti mung Antioki mare de Petru sa du ai shaloi, shi a galaw sa wa ai sat lawat shut nga ai lam dan leng nga ai majaw, ngai shi hpe shawa masha ni a man e mara shagun let daru jet kau we ai.