KASA 11:14 - Jinghpaw Common Language Bible 2009

¹⁴ Dai wa gaw, nang hte na nta masha ni hkye hkrang la ai hkrum myit ga, nanhte hpe ga shaga na ra ai,’ nga nna tsun ai lam anhte hpe hkai dan mi ai.

Jinghpaw Hanson Version Bible

¹⁴ nang hte na nta masha ni nlang hkye hkrang la kaw du lu myit ga, shi nang hpe ga tsun dan na ra ai, nga nna sa tsun ai lam, anhte hpe hkai dan mi ai.

KASA 11:14 ပူးပေါင်းရင်းမြစ်များ

NINGPAWT NINGHPANG 17:7

“Nang hte mung, du na ra ai ban na na a amyu matu ni hte mung htani htana ga shaka ngu ai nye a ga sadi hpe ngai shatup na nngai. Ngai gaw na a Karai Kasang mung, na a amyu matu ni a Karai Kasang mung tai nga na nngai.

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

SHAKAWN KUNGDAWN 103:17

Rai ti mung, Madu hpe shagrau sha-a nga ai ni a ntsa e, shi a tsaw ra myit htani htana agrin nga ai,

SHAKAWN KUNGDAWN 112:2

Dai mai kaja ai masha wa a kashu kasha ni mung, ga ntsa e, daru magam n-gun hte hpring wa na mara ai; shi a aru arat ni mung shaman chyeju hkam la lu na mara ai.

GA SHAGAWP 20:7

Myit malang nna jaw ai amu hpe galaw ai kawa hpe lu la ai kasha ni gaw a nga ai.

YEREMIA 32:39

Ngai gaw shanhte hte shanhte a aru arat ni a mai kaja lam a matu asak hkrun lam tup hta ngai hpe aten shagu shagrau sha-a na ngu ai yaw shada lam langai sha shanhte hpe jaw na nngai.

MARKU 16:16

Kam sham nna hkalup hkam la ai wa kadai mung hkye hkrang la ai hkrum na ra ai. N kam n sham ai wa kadai mung daw dan kau ai hkrum na ra ai.

LUKA 19:10

Masha Kasha gaw mat mat ai ni hpe hkan tam nna hkye hkrang la na du sa ai rai nga ai,” ngu nna Zake hpe tsun wu ai.

YAWHAN 12:50

Shi a hkang da ai ga gaw htani htana asak jaw lu ai hpe ngai chye nngai, dai re ai majaw ngai tsun matsun gaw, nye Wa a hkang dat ai hte maren she, ngai tsun nngai law,” ngu nna jahtau tsun wu ai.

YAWHAN 20:31

Rai ti mung, Yesu gaw Karai Kasang a Kasha ngu ai Meshia rai nga ai hpe, nanhte kam sham lu nna, shi hpe kam sham ai a marang e asak hkrung ai lu la myit ga, ngu nna ndai hte wa ka tawn da nga ai.

YAWHAN 4:53

Dai rai nna, dai ahkying gaw, “Na nsha bran salit dai,” ngu nna Yesu shi hpe tsun ai ahkying nan rai nga ai hpe kawa chye wu ai rai nna, shi hkum nan hte shi a nta masha ni nlang hte gaw kam sham mat ma ai.

YAWHAN 6:63

Asak jahkrung ya ai gaw Karai Kasang a Wenyi rai nga ai; masha a n-gun atsam gaw hpa lam n la nga ai. Ngai nanhte hpe tsun ai ga ni gaw Karai Kasang a asak jaw ya ai Wenyi rai nga ai.

YAWHAN 6:68

Shaloi Simun Petru gaw, “Madu e, anhte kadai hpang de wa na rai nga a ta? Nang gaw htani htana asak jaw ya ai mungga lu ndai.

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

KASA 10:43

Shi hpe kam sham ai ni nlang, shi a mying nsang a n-gun atsam marang e, yubak raw dat kau ya ai hkrum na mara ai, nga nna shi a lam hpe myihtoi ni yawng htawn tsun sakse hkam ma ai,” ngu mu ai.

KASA 10:6

Shi gaw Simun ngu ai shan hpyi sama a nta na manam langai mi rai nga ai. Dai nta gaw nammukdara makau e rai nga ai,” ngu wu ai.

KASA 11:13

Shaloi dai wa gaw, shi a nta e lamu kasa yu sa tsap ai hte Yopa mare de masha shangun nna, ‘Petru ngu ai Simun hpe shaga su!

KASA 16:15

Shi hte nta masha ni hkalup hkam la ngut jang, shi gaw, “Dai Madu hpe kam sham ai hta teng man kangka ai jan rai ni ai ngu nna nanhte myit hkut da sai rai yang gaw nye a nta kaw sa nga marit,” ngu nna akroi anoi hpyi ai hte nga shangun mi ai.

KASA 18:8

Krispu mying ai tara jawng agyi wa mung shi a nta masha nlang hte hpawn Madu hpe kam sham ma ai; kaga Korinhtu masha ni law law mung, dai mungga na la nna kam sham ai hte hkalup hkam la ma ai.

KASA 2:39

Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.

1 KORINHTU 1:16

(O rai nga ai, Stehpan hte shi a nta masha ni hpe mung, ngai hkalup jaw mase ai; dai hta kaga gaw kadai hpe jaw nngai kun? ngai n dum lu ni ai.)