KASA 11:12 - Jinghpaw Common Language Bible 2009

¹² Dai Chyoi Pra ai Wenyi gaw myit n ganung nga ai sha shanhte kaw hkan sa na ngai hpe tsun ni ai. Yopa mare na kam sham ai hpu nau ni marai kru mung ngai hte rau hkan nang ma ai rai nna anhte yawng Korneli a nta de shang sa ga ai.

Jinghpaw Hanson Version Bible

¹² Myit n ganung ai sha, shanhte kaw hkan sa na, Chyoi pra ai Wenyi ngai hpe tsun ni ai; ndai hpunau kru mung ngai hte rau sa nna, dai wa a nta de anhte shang saga ai.

KASA 11:12 ပူးပေါင်းရင်းမြစ်များ

MAHTE 1:20

Ya, shi ndai lam hpe naw myit aru yu nga yang, Madu a lamu kasa langai mi yupmang hta shi hpe hkum shadan dan nna, “Dawi a kasha Yosep e, Mari hpe na a madu jan hku hkap la na hkum hkrit et, hpa majaw nga yang, shi a na-um nasin gaw, dai Chyoi Pra Ai Wenyi a majaw byin wa ai rai nga ai.

YAWHAN 16:13

Rai ti mung Karai Kasang hte seng ai teng man ai lam hpe shadan dan ai Wenyi du sa jang, nanhte hpe dai teng man ai lam yawng mayawng hpe hpaw madun dan na ra ai. Dai Wenyi gaw shi a myit hte maren tsun na ra ai n rai, shi na la lu ai made tsun dan na ra ai; htawm hpang de byin na ra ai lam ni hpe mung, shi nanhte hpe tsun dan na ra ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 10:23

Petru gaw, shanhte hpe nta nhku de saw shaga jashawn nhtawm shana shayup nna manam daw mu ai. Ya hpang shani shi hkyen la nna shanhte hte rau sa wa ai. Yopa mare na kam sham ai ni nkau mi mung shi hte rau hkan nang sa ma ai.

KASA 10:45

Maigan masha ni mung Chyoi Pra ai Wenyi chyeju kumhpaw kumhpa hpe hkam la ma ai majaw Yopa mare de na Petru hte rau sa du ai matu gadoi hkam la sai Yuda masha ni gaw mau mahka nga ma ai.

KASA 11:13

Shaloi dai wa gaw, shi a nta e lamu kasa yu sa tsap ai hte Yopa mare de masha shangun nna, ‘Petru ngu ai Simun hpe shaga su!

KASA 13:2

Ya shanhte Madu hpe nawku daw jau let lusha gam nga ma yang, dai Chyoi Pra ai Wenyi gaw, “Shawlu Yan Barnaba hpe ngai shaga da ai amu gun hpai na matu san da mu,” ngu nna shanhte hpe tsun mu ai.

KASA 13:4

Shing rai, Chyoi Pra ai Wenyi e shan hpe shangun dat mu ai hte maren shan gaw Seluki de du yu wa nna dai yang na li jawn nhtawm Kupru de du ma ai.

KASA 15:7

Dai lam hpe galu galang san htai lai hkat ai hpang, Petru rawt nna shanhte hpe, “Hpu nau ni e, maigan masha ni dai Kabu Gara Shiga na la nna kam sham wa na matu Karai Kasang gaw lai wa sai tsawmra na sai aten kaw nna dai Kabu Gara Shiga hpe tsun shana dan na nanhte a kata kaw na Karai Kasang ngai hpe lata san da sai gaw nanhte chye nga myit dai.

KASA 15:9

Madu gaw shanhte hte anhte a lapran e hpa jashai ginhka ai lam n galaw ai sha, shanhte kam sham ai a marang e, shanhte a yubak mara ni hpe raw dat kau ya mu ai,

KASA 28:15

Roma mare na kam sham ai hpu nau ni gaw anhte sa wa ai lam shiga na shajang nna hkap tau la na matu, Api gat hte manam jarawp masum du hkra sa ma ai. Pawlu shanhte hpe mu jang, shi Karai Kasang hpe shakawn kungdawn nna myit n-gun grai lu la nga ai.

KASA 8:29

Dai Chyoi Pra ai Wenyi gaw Hpilip hpe, “Htawra gumra leng de sa nna rau htep hkan nang u,” ngu wu ai.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

2 HTESALONI 2:2

Madu bai du sa na Nhtoi du ra ai, nga nna masha ni tsun ai ga a majaw, nanhte a myit mang ai lam hta akajawng sha myit shuk shak ai hte n zim n zam rai shamu shamawt mat ai lam n byin malit ga, nanhte hpe shadum shahprang dat nngai. Shing nga ai ga gaw, anhte myihtoi ga tsun ai shaloi, shing n rai mungga hkaw tsun ai shaloi, shing n rai laika ka ai shaloi lawm ai ga re ai ngu nna myit yang myit la na manit dai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.