KASA 10:41 - Jinghpaw Common Language Bible 2009

⁴¹ Shing rai shadan dan ai gaw masha shagu hpe n rai, sakse a matu nga nna Karai Kasang e tau hkrau nna lata san da ai anhte ni a man e sha shadan dan mi ai. Anhte gaw shi si ai kaw na bai hkrung rawt wa ai hpang shi hte rau lu rau sha ai ni rai ga ai.

Jinghpaw Hanson Version Bible

⁴¹ si ai ni kaw na shi bai rawt ai hpang e, anhte gaw shi hte rau lu sha lu ga ai.

KASA 10:41 ပူးပေါင်းရင်းမြစ်များ

LUKA 24:30

Shi gaw shan hte rau shat sha na dung nga yang, muk la nna shaman nhtawm, ahkyep alep di ngut jang, shan hpe jaw mu ai.

LUKA 24:48

Nanhte ni gaw ndai lam ni a sakse ni rai nga myit dai.

YAWHAN 14:17

Shi gaw Karai Kasang hte seng ai dai teng man ai lam hpe shadan dan na ra ai Wenyi rai nga ai. Mungkan ga gaw dai Wenyi hpe n mu n chye ma ai majaw, n hkap la lu ma ai. Rai ti mung nanhte chyawm gaw dai Wenyi hpe chye myit dai; hpa majaw nga yang, shi gaw nanhte hte rau rai nga ai, nanhte hta mung rawng nga ai.

YAWHAN 14:19

Loi hkring mi rai jang, mungkan ga gaw ngai hpe n mu dat na nu ai; nanhte chyawm gaw naw mu lu na marin dai; hpa majaw nga yang, ngai ahkrung nga nngai majaw, nanhte mung ahkrung nga na marin dai.

YAWHAN 14:22

(Yuda Iskarut n re ai) kaga Yuda gaw, “Madu e, mungkan ga hpe na a hkum n shadan dan ai sha gara hku nna anhte hpe na a hkum shadan dan lu na a ta?,” ngu nna san wu ai.

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

YAWHAN 15:27

Nanhte mung, shawng nnan kaw nna ngai hte rau nga nga manit dai majaw, nye a lam sakse hkam ya na marin dai, ngu mu ai.

YAWHAN 21:13

Dai rai nna Yesu gaw shanhte nga ai de sit sa nhtawm, muk la nna shanhte hpe jaw mu ai, nga hpe mung dai hte maren sa jaw mu ai.

KASA 1:22

Dai wa gaw hkalup sara Yawhan a hkalup hte seng ai mungga hkaw tsun ai ten kaw nna, sumsing lamu de Madu Yesu hpe anhte kaw na shalun la hkrum ai ten du hkra Madu Yesu hte, rau hkawm rau sa ai anhte ni hta lawm ai wa langai mi rai ra ai.”

KASA 1:4

Shing rai shanhte sa du nna hpawng nga ma yang, Yesu gaw, “Yerusalem mare kaw na hkum pru mat wa myit, nanhte hpe ngai tsun da sai nye Wa jaw da sai ga ndat hte seng ai chyeju kumhpa hpe ala nga mu.

KASA 10:39

Israela mungdan hta mung, Yerusalem mare hta mung, Madu shi galaw hkawm sa ai amu ni yawng mayawng a sakse ni, anhte rai nga ga ai. Dai wa hpe nan shanhte hpun hta hpri hte dit nna jen sat kau nu ai.

KASA 13:31

Bai shi gaw Galile mung kaw nna Yerusalem de shi hte rau lung wa ai ni hpe, nhtoi tsawmra wa na hkra shi hkum shadan dan mu ai. Shanhte gaw ya shi a Israela amyu masha ni a man e shi a matu sakse ni tai nga ma ai.