KASA 10:4 - Jinghpaw Common Language Bible 2009

⁴ Shi gaw hkrit let dai lamu kasa hpe azi yu nna, “Madu e hpa lam rai ta?,” ngu nna san wu ai. Shaloi lamu kasa gaw, “Na a akyu hpyi ai hte alu jaw ai lam hpe Karai Kasang sharawng awng ya nga ai rai nna nang hpe htan ya na jin nga chyalu rai nga ai.

Jinghpaw Hanson Version Bible

⁴ Shi gaw dai wa hpe azi yu nna, “Madu e, hpa lam rai ta?” ngu nna hkrit let shi hpe san wu ai. Dai wa chyawm gaw, “Na a akyu hpyi ai hte alu jaw ai lam, Karai Kasang a man e, masat dingsat matu hkrang salit dai.

KASA 10:4 ပူးပေါင်းရင်းမြစ်များ

2 HKAWHKAM LABAU 32:24

Ndai aten daram hte hta, Hkawhkam Hezekia ganoi si wa na daram machyi hkrum nga ai. Shi akyu hpyi ai hte dai Madu mung shi bai mai tsai wa na kumla shi hpe jaw wu ai.

2 HKAWHKAM LABAU 6:33

shanhte a akyu hpyi ga hpe madat ya u. Nang nga ai sumsing lamu hta shanhte a nsen hpe na ya nhtawm shanhte nang hpe galaw shangun ai amu hpe galaw ya u; shaloi mungkan masha ni yawng gaw na a amyu masha Israela ni galaw ai zawn nang hpe chye wa nna na a ga hpe madat mara na mara ai. Nang nawku daw jau hkam na matu ngai galaw da se ai ndai Nawku Htingnu hpe shanhte chye lu na mara ai.

SHAKAWN KUNGDAWN 141:2

Nye a akyu hpyi ai ga hpe manam pyaw ai baw lawban zawn; nye a lata sharawt ai gaw shana de na hkungga hpe zawn, hkap la ya e.

SHAKAWN KUNGDAWN 20:3

Na a nawng jau ai hkungga ni yawng hte hpe shi hkap la u ga; na a shagu hkungga yawng hte hpe mung ra sharawng nga u ga.

ESAIA 43:26

“Tara rung de sa ga; na a mara shagun ai lam jashawn u! Nang teng man nga ndai hpe sakse madun na matu na a amu jashawn u!

ESAIA 45:19

Ngai gaw machyi shim ai hku n tsun yu nngai, nye a yaw shada ai lam hpe makoi magap n galaw yu nngai. Katsi katsang re ai shara hta ngai hpe tam na matu, Israela amyu masha ni hpe ngai n lajin yu nngai. Ngai gaw dai Madu rai nga nngai, ngai gaw teng man ai ga hpe tsun nngai; Teng man ai amu hpe ngai chye shangun nngai.”

Daniela 10:11

Dai lamu kasa gaw ngai hpe, “Daniela e, Karai Kasang nang hpe tsaw ra nga ai majaw rawt tsap let ngai tsun dan na ga hpe sadi sahka hte madat la u. Ngai hpe nang hpang de shangun dat ai,” ngu nna tsun wu ai. Dai lam hpe shi tsun nga yang, ngai rawt tsap nga tim pyi naw gari ashun nga nngai.

JAW JAU 2:2

Arun a shadang sha hkinjawng ni hpang de la sa na rai wu ai. San da hkrum ai hkinjawng wa gaw mani ai shadung, namman hte lawban hta na latup mi magra la nhtawm dai Madu hpe dai ni yawng nawng jau sai masat kumla langai zawn tawn hkungri ntsa e nat nawng na rai wu ai. Dai lusha a manam pyaw ai sangau hpe dai Madu awng sharawng nga ai.

MALAHKI 3:16

Dai hpang, dai Madu hpe hkrit kamyin ai ni gaw shada da tsun nga ma ai, dai Madu hpe hkrit kamyin ai hte shi hpe hkungga ai ni ka matsing laika buk langai hta ka jahkrat da nga ai.

MAHTE 26:13

Nanhte hpe ngai teng teng tsun made ga, ndai Kabu Gara Shiga hpe mungkan ga ting shara shagu hkan e hkaw dan ai shaloi, ndai numsha hpe myit dum nga na matu shi galaw sai kaja ai amu hpe mung tsun hkai dan na maru ai,” ngu nna shanhte hpe tsun mu ai.

LUKA 1:29

Mari dai ga a majaw masin kahpra nna, “Ndai shachyen ai ga gaw, kaning nga ai ga rai na ra i?,” nga nna myit aru yu nga ai.

LUKA 24:5

Dai numsha ni hkrit kajawng nna ga de gum dagup taw nga ma ai. Dai yan gaw, “Hkrung nga ai wa hpe si ai ni nga ai shara kaw hpa rai tam nga myit ta?

KASA 10:31

‘Korneli e, na a akyu hpyi ai ga Karai Kasang na ya sai, na a alu jaw ai lam hpe mung Karai Kasang matsing da nu ai.

KASA 14:9

Shi mung dai kaw dung nga let, Pawlu tsun ai ga ni hpe madat nga ai, Pawlu gaw dai wa hta mai wa lu hkra kam sham ai myit rawng nga ai hpe shi mu wu yang, shi hpe azi yu let,

KASA 22:10

Bai ngai gaw, ‘Madu e, ngai hpa galaw na rai ta?,’ ngu we ai. Shaloi Madu gaw, ‘Rawt u, Damasku mare de sa wa su; nang galaw na matu Karai Kasang lajang masat da ai lam shagu dai mare e nang hpe tsun dan na ra ai,’ nga nna ngai e bai tsun ai.

KASA 3:4

Shan chyawm gaw shi hpe jawm azi yu nna Petru gaw, “An hpe mada yu mi!,” ngu wu ai.

HPILIPI 4:18

Nanhte shagun jaw dat ai arung arai alu yawng lu la sai lam hte jahpan ya nang e madun dan nngai. Dai gaw ra ai hta pyi jan hkra rai sai. Dai alu arung arai ni hpe Epahprodi la sa ya ai majaw ngai ra ai hta pyi jan hkra lu ni ai. Dai arai ni gaw Karai Kasang kaw nawng ya ai manam pyaw ai bat zawn mung, Karai Kasang ra sharawng ai hte hkap la ging ai shagu hkungga zawn mung rai nga ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

HEBRE 13:16

Mai kaja ai amu galaw na nanhte shada da karum shingtau hkat na lam hpe hkum malap kau myit, hpa majaw nga yang, shing re ai hkungga ni gaw Karai Kasang hpe sharawng awng shangun nga ai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

SHINGRAN 8:4

Manam pyaw ai baw nat nawng ai wan hkut gaw Karai Kasang a man e tsap nga ai lamu kasa a lata na, Karai Kasang a masha ni a akyu hpyi ai ga hte rau, mawng lung wa ai.

1 SAMUELA 3:10

Dai Madu gaw sa nna dai yang e tsap let shawng na zawn, “Samuela! Samuela!,” ngu nna shaga wu ai. Samuela mung, “Tsun rit, na a shangun ma wa madat nga nngai,” ngu nna htan wu ai.