KASA 10:34 - Jinghpaw Common Language Bible 2009

³⁴ Shaloi Petru ga tsun hpang nna, “Karai Kasang gaw, masha myi man n tau nga ai gaw ya ngai kaja wa chye se ai.

Jinghpaw Hanson Version Bible

³⁴ Shaloi Petru ga hpaw nna, “Karai Kasang masha myi man n tau ai gaw, ya ngai gaja wa chye se ai:

KASA 10:34 ပူးပေါင်းရင်းမြစ်များ

2 HKAWHKAM LABAU 19:7

Dai Madu anhte a Karai Kasang gaw ru hka amu hta masu hkalem ai lam, myi man tau ai lam hte mayun kumhpa la ai lam ni hpe n yu sharang lu nga ai majaw dai Madu hpe shagrau sha-a nna sadi sahka hte galaw mu.

YOBA 34:19

Shi gaw masha shagu hpe hpan da nga ai majaw, mung up du ni hpang maga n lawm, matsan mayan masha ni hta sut su ai ni a myi man tau ya ai n rai.

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

MAHTE 5:2

shi shanhte hpe sharin shaga hpang mu ai gaw:

LUKA 20:21

Dai kin-yu ni gaw, “Sara e, nang tsun sharin shaga ai lam ni gaw teng man nga ai hpe anhte chye ga ai. Nang gaw masha langai mi a arawng aya madang hpe myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai gaw anhte chye ga ai.

KASA 10:33

Dai majaw, shaloi jang ngai nang hpang de shangun dat nna, ya nang du ai gaw mai kaja nga ai dai rai nna, dai Madu nang hpe hkang da mada hte hpe madat mara la na matu ya anhte yawng ndai kaw Karai Kasang a man e rai nga saga ai,” ngu nna tsun wu ai.

KASA 15:9

Madu gaw shanhte hte anhte a lapran e hpa jashai ginhka ai lam n galaw ai sha, shanhte kam sham ai a marang e, shanhte a yubak mara ni hpe raw dat kau ya mu ai,

KASA 8:35

Shaloi ga tsun hpaw ai hte dai chyum ga hta npawt hpang nhtawm, Yesu hte seng ai Kabu Gara Shiga shi hpe hkai dan wu ai.

ROMA 2:11

Hpa majaw nga yang, Karai Kasang gaw masha shagu hpe myi man n lata ai maren sha, jeyang daw dan nga ai.

ROMA 3:29

Karai Kasang gaw Yuda amyu masha ni a Karai Kasang sha rai ni? Tara maigan masha ni a Karai Kasang mung rai nga ai n rai ni? Rai sa, shi rai nga ai.

GALATI 2:6

Arawng lu ai ningbaw ningla n san ai ni - shanhte kaja wa ningbaw ningla ni re ai n re ai gaw nye a matu hpa laklai ahkyak n rai nga ai; hpa majaw nga yang Karai Kasang gaw shinggan lam mu mada ai hku yu nna n daw dan ai. Dai arawng lu ai n san ai ningbaw ningla ni gaw ngai hpe hpaji jaw ai lam ningnan hpa mi n nga ai.

EHPESU 6:9

Madu ni e, nanhte mung dai hte maren nanhte a mayam ni a ntsa e galaw hkan sa nga mu; shanhte hpe jahkrit ai lam ni jahkring kau mu. Nanhte hte nanhte a mayam ni gaw sumsing lamu hta e Madu langai sha hte seng ai ni rai nna dai Madu gaw langai hte langai hpe myi man n lata ai sha tara daw dan ai wa rai nga ai hpe myit dum nga mu.

TARA JAHPRANG 1:17

Nanhte tara daw dan ai amu ni hta myi man tau ai lam madun lu na myit dai n rai; shi kadai wa mi rai nga ai rai tim, myi man n lata ai sha masha shagu hte hpe maren mara jeyang lu na rai myit dai. Nanhte daw dan ai amu ni gaw Karai Kasang kaw na rai nga ai majaw kadai hpe mung hkrit agam lu na myit dai n rai; nanhte a matu daw dan hparan yak ai amu pru wa ai rai yang, ngai hpang de shashawn myit; dai hpe ngai daw dan ya na de ai,’ ngu nna sharin matsun se ai.

TARA JAHPRANG 10:17

Dai Madu nanhte a Karai Kasang gaw Karai ni yawng hta daru magam n-gun tsaw htum ai wa rai nga ai. Shi gaw galu kaba nna chyalai n-gun hte hpring nga ai majaw hkrit kang mai nga ai. Shi gaw masha a myi man hpe tau ai n rai, mayun kumhpa hkap la ai n rai.

TARA JAHPRANG 16:19

Tara jeyang ai lam hta n teng n man ai hku myi man tau ya ai lam madun lu na myit dai n rai; mayun kumhpa ni la sha lu na ma ai n rai; dai gaw hpaji rawng ai ni hte ding man ai ni a myi hpe shamak kau ya nhtawm shanhte a tara daw dan ai lam hpe shut kau shangun nga ai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

KOLOSE 3:25

N ding n man ai hku galaw ai masha shagu hpe shi galaw ai n ding n man ai amu a matu bai htang jaw ai hkrum na ra ai. Hpa majaw nga yang, Karai Kasang gaw tara jeyang ai lam hta myi man tau yu ai lam n nga lu ai.

YAKU 2:1

Nye a hpu nau ni e, nanhte gaw hpung shingkang rawng ai Madu anhte a Madu Yesu Hkristu hpe kam sham ai ni re ai hte maren, masha ni hpe shinggan lam hku mu mada da ai hta hkan nna langai hte langai hpe shai ai hku galoi mung hkum kanawn mazum nga myit.

YAKU 2:4

nanhte a kata e lachyen lahka re ai lam ni hpe shabyin nna, n hkru n kaja ai maw mawn ai myit hte daw dan ai ni tai ai majaw, mara lu myit dai.

YAKU 2:9

Rai ti mung nanhte gaw masha ni hpe shanhte a shinggan lam hku mu lu ai hta hkan nna hkap la kanawn mazum myit yang gaw, nanhte mara lu myit dai rai nna Tara tawt lai ai masha langai mi hku nna dai tara gaw nanhte hpe jeyang daw dan hkrum na myit dai.

1 PETRU 1:17

Dai hta kaga masha yawng hte hpe myi man n lata ai sha langai hte langai tinang galaw ai hte maren tara jeyang chye ai Karai Kasang kaw nanhte akyu hpyi myit yang, shi hpe, “Wa e,” ngu nna hpyi myit dai, Dai rai nna ndai mungkan hta nanhte asak hkrung nga ai laman hta shi hpe hkrit hkungga nga mu.