KASA 10:3 - Jinghpaw Common Language Bible 2009

³ Lani mi na shana de daw hkying masum daram e, Lamu kasa langai mi shi kaw du sa wa nna, “Korneli e!” nga nna shi hpe shaga ai hpe shingran langai mi hta leng leng mu wu ai.

Jinghpaw Hanson Version Bible

³ Lani wa mi ahkying jahku daram e, Karai Kasang a lamu kasa shi kaw du nna, “Korneli e,” nga nna shi hpe shaga ai gaw, shingran hta leng leng mu wu ai.

KASA 10:3 ပူးပေါင်းရင်းမြစ်များ

SHAKAWN KUNGDAWN 55:17

Jahpawt manap, shani ka-ang hte shana na aten ni hta, nye a hpyi aput ai hte madai ai nsen gaw shi kaw hkrang lung wa ai; shi gaw nye a nsen hpe na ya na ra ai.

PRU MAT 33:17

Dai Madu gaw Mawshe hpe, “Ngai nang hpe kaja wa grai chye ai hte nang hpe awng sharawng nga nngai majaw nang hpyi lajin ai hte maren ngai hkan galaw na nngai,” ngu nna tsun wu ai.

ESAIA 45:4

Ngai lata la sai amyu masha ngu ai nye a shangun ma Israela hpe karum na matu, ngai nang hpe san da nngai. Nang ngai hpe n chye ti mung, ngai nang hpe galu kaba ai arawng sadang jaw ni ai.

MAHTE 27:46

Shana de hkying masum daram hta Yesu gaw nsen kaba hte “Elo-i Elo-i lema sabak htani,” nga nna jahtau ai. De a lachyum gaw, “Nye a Karai Wa e, nye a Karai Wa e, hpa rai nang ngai hpe kau da nga n ta?,” nga ai rai lu ai.

LUKA 1:11

Shaloi dai Madu a lamu kasa langai mi gaw, manam pyaw ai nat nawng ai hkungri a hkra maga de, shi hpe tsap shadan dan wu ai.

LUKA 2:13

Ya, dai lamu kasa hte rau, lamu na lamu kasa wunawng wuwa ga daga, akajawng sha dan pru nna, Karai Kasang hpe shakawn kungdawn let,

KASA 10:17

Ya Petru gaw, dai shingran a lachyum a lam naw myit sumru yu nga yang, Korneli shangun dat ai ni gaw Simun a nta hkan tam san nna mu chye manu ai rai nna, ya nta ndaw e sa tsap nga ma ai.

KASA 10:19

Petru mung, shingran de a lam naw myit sumru nga yang, dai Wenyi gaw, “Yu u, nang e masha masum nang hpe tam nga ma ai, rawt u, yu wa sit.

KASA 10:30

Korneli gaw, “Lai wa sai masum ya ngu na nhtoi hta, nye a nta e shana de daw hkying masum daram hta ngai akyu hpyi nga nngai. Dai shaloi akajawng sha tu kabrim ai hpun palawng bu hpun ai wa langai mi nye a man e tsap pru nna,

KASA 10:9

Hpang shani, shanhte lam e sa wa nna Yopa mare de ni wa magang yang, Petru gaw shani ka-ang daram hta akyu hpyi na nga, nta ntsa de lung wa ai.

KASA 11:13

Shaloi dai wa gaw, shi a nta e lamu kasa yu sa tsap ai hte Yopa mare de masha shangun nna, ‘Petru ngu ai Simun hpe shaga su!

KASA 27:23

Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,

KASA 3:1

Lani mi na Petru hte Yawhan gaw akyu hpyi ai ten shana de hkying masum hta Nawku Htingnu de lung wa ma ai.

KASA 5:19

Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,

KASA 9:10

Ya Damasku mare e Anani mying ai Hkristan langai mi nga ai. Shi gaw shingran langai mi mu wu ai. Dai shingran hta Madu gaw, “Anani e!,” ngu wu ai. Shi mung, “Madu e, nang e nga nga nngai,” ngu nna htan wu ai.

KASA 9:4

Shi mung ga e kadawng taw mat ai hte, “Shawlu, Shawlu! Nang ngai hpe hpa rai zingri nga n ta?,” nga nna shi hpe tsun nga ai nsen langai mi na wu ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

HEBRE 1:4

Shi hpe Karai Kasang jaw ya ai mying ningsang gaw lamu kasa ni a mying hta grau kaba nga ai rai nna Kasha wa hpe lamu kasa ni hta grau reng ai wa shatai nu ai.