KASA 10:23 - Jinghpaw Common Language Bible 2009

²³ Petru gaw, shanhte hpe nta nhku de saw shaga jashawn nhtawm shana shayup nna manam daw mu ai. Ya hpang shani shi hkyen la nna shanhte hte rau sa wa ai. Yopa mare na kam sham ai ni nkau mi mung shi hte rau hkan nang sa ma ai.

Jinghpaw Hanson Version Bible

²³ Dai rai nna, shi shanhte hpe shaga jashawn nhtawm, manam daw mu ai. Ya hpang shani e shi rawt nna, shanhte hte rau sa wa ai; Yopa mare na kahpu kanau ni nkau mi mung hkan nang ma ai.

KASA 10:23 ပူးပေါင်းရင်းမြစ်များ

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 10:29

Dai majaw nang ngai hpe shaga dat yang ngai hpa n ningdang ai sha hkan nang sa ring ngai; dai rai nna hpa lam a majaw ngai hpe shaga myit ta? ngu nna ngai nang hpe san nga nngai,” ngu nna tsun mu ai.

KASA 10:33

Dai majaw, shaloi jang ngai nang hpang de shangun dat nna, ya nang du ai gaw mai kaja nga ai dai rai nna, dai Madu nang hpe hkang da mada hte hpe madat mara la na matu ya anhte yawng ndai kaw Karai Kasang a man e rai nga saga ai,” ngu nna tsun wu ai.

KASA 10:45

Maigan masha ni mung Chyoi Pra ai Wenyi chyeju kumhpaw kumhpa hpe hkam la ma ai majaw Yopa mare de na Petru hte rau sa du ai matu gadoi hkam la sai Yuda masha ni gaw mau mahka nga ma ai.

KASA 11:12

Dai Chyoi Pra ai Wenyi gaw myit n ganung nga ai sha shanhte kaw hkan sa na ngai hpe tsun ni ai. Yopa mare na kam sham ai hpu nau ni marai kru mung ngai hte rau hkan nang ma ai rai nna anhte yawng Korneli a nta de shang sa ga ai.

KASA 28:15

Roma mare na kam sham ai hpu nau ni gaw anhte sa wa ai lam shiga na shajang nna hkap tau la na matu, Api gat hte manam jarawp masum du hkra sa ma ai. Pawlu shanhte hpe mu jang, shi Karai Kasang hpe shakawn kungdawn nna myit n-gun grai lu la nga ai.

KASA 9:36

Ya, Yopa mare hta Tabihta mying ai kam sham ai; numsha langai mi nga ai. (Shi a mying hpe Grik ga hku Dorka ngu ai rai nna de a lachyum “Chyahkyi” ngu ai re.) Shi gaw shi a aten hpe kaja ai amu bungli galaw nna matsan mayan ni hpe karum madi shadaw alu jaw ai lam hta jai lang nga ai.

KASA 9:38

Yopa mare gaw Luda mare hte nau wa n tsan nga ai rai nna, Petru dai yang e nga nga ai lam kam sham ai ni na ma yang shanhte masha marai lahkawng hpe, “Anhte hpang de alawan sa wa rit,” ngu nna Petru hpe sa tsun na matu dat dat mu ai.

KASA 9:42

Dai lam shiga Yopa ginwang ting gumhkawng chyam bra wa ai rai nna masha law law wa dai Madu hpe kam sham ma ai.

2 KORINHTU 8:21

Dai Madu a man e sha n rai, masha a man e mung, teng man htap htuk ai amu galaw na gaw anhte a yaw shada ai lam nan rai nga mali ai.

HEBRE 13:2

Nanhte a nta ni hta manam ni hpe hkap hkalum daw jau na hkum malap kau myit. Shing rai daw jau ai nkau mi gaw lamu kasa ni hpe n dum shami daw jau hkrup masai.

1 PETRU 4:9

Aput apai n nga ai sha, nanhte shada da manam hkalum ai lam hta ra n rawng hkra galaw daw nga mu.