KASA 10:22 - Jinghpaw Common Language Bible 2009

²² Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

Jinghpaw Hanson Version Bible

²² Shanhte gaw, “Dingman nna, Karai Kasang hpe hkrit hkungga ai hte, Yuda amyu ting a man e myi man pa ai, hpyen latsa up ai bu Korneli gaw, nang hpe shi a nta de shaga bang nna, nang tsun ai ga madat la na lam, chyoi pra ai lamu kasa nan shadum dan ai lu la nu ai,” ngu nna tsun dan mu ai.

KASA 10:22 ပူးပေါင်းရင်းမြစ်များ

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

HABAKU 2:4

Ndai gaw mungga rai nga ai: ‘N hkru ai ni gaw hkrung nga lu na ra ai n rai, rai ti mung ding hpring ai ni gaw hkrung nga na ra ai hpa majaw nga yang shanhte gaw Karai Kasang hta sadi dung nga ma ai.’”

MAHTE 1:19

Yosep gaw myit ding hpring nna teng man ai hku galoi mung galaw ai masha langai mi rai nga ai hte maren, shi gaw Mari hpe masha a man e sari jahpoi ai lam n galaw mayu wu ai majaw, shi hte mahtan da ai lam hpe akatsi sha lagyim dawm kau na hkyen nga ai.

MAHTE 2:12

Herod hpang hku bai n hprang wa mu ga, dai Madu gaw yup mang hta shanhte hpe sadi jaw da mu ai majaw, shanhte gaw tinang a mung de, lam kaga hku wa mat ma ai.

MARKU 6:20

Yawhan gaw, ding hpring ai hte chyoi pra ai wa rai nga ai hpe Herod chye wu ai majaw, shi hpe hkrit kamyin ai hte makawp maga nga ai. Herod gaw Yawhan a sharin shaga ai ga na lu ai ten shagu shi a myit hta grai ung ang shangun ai rai tim, shi a ga na la na grai ra nga ai.

MARKU 8:38

Masha langai mi gaw, ndai Karai kata nna tara n nga, n hkru n kaja ai prat aten hta e, ngai hte ngai sharin shaga ai mungga hpe kaya nga a yang gaw, dai Masha Kasha gaw shi a Kawa a hpung shingkang dagraw nna chyoi pra ai lamu kasa ni hte nawng du sa wa yang, dai wa hpe kaya kau na ru ai,” ngu nna shanhte hpe tsun mu ai.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

LUKA 23:50

Yuda mung na Aramahti ngu ai mare kaw na, Yuda mung bawng salang hpung hta lawm ai Yosep mying ai wa langai mi nga ai. Dai wa gaw mai kaja ai hte hkungga ging ai masha langai mi rai nna Karai Kasang a Mungdan du sa wa na ra ai lam hpe myit mada nga ai wa mung rai nga ai.

LUKA 9:26

Masha langai mi gaw, ngai hte nye a sharin shaga ai ga a majaw kaya ai rai yang, dai Masha Kasha gaw, tinang a hpung shingkang hte mung, Kawa a hpung shingkang hte mung, chyoi pra ai lamu kasa ni a hpung shingkang hte mung du sa ai shaloi, dai wa hpe kaya kau na ru ai.

YAWHAN 13:20

Ngai nanhte hpe kaja wa teng teng tsun made ga, ngai shangun dat ai wa kadai hpe rai ti mung, hkap la ai wa gaw, ngai hpe hkap la ai rai nga ai; ngai hpe hkap la ai wa kadai mung, ngai hpe shangun dat ai wa hpe hkap la ai rai nga ai,” ngu nna shanhte hpe tsun mu ai.

YAWHAN 17:20

“Ndai ni a matu sha ngai hpyi nngai n rai, shanhte hkaw tsun dan ai mungga a majaw ngai hpe kam sham wa ai ni a matu mung, ngai hpyi nga nngai.

YAWHAN 17:8

Nang ngai e jaw dat ai mungga hpe, ngai shanhte hpe jaw mawe ai rai nna shanhte mung dai hpe hkap la masai. Nang kaw na ngai du sa ai gaw teng nga ai hpe shanhte chye ma ai hte nang ngai hpe shangun dat ndai hpe mung, kam sham ma ai.

YAWHAN 5:24

Ngai nanhte hpe teng teng tsun made ga, nye a ga madat mara nna ngai hpe shangun dat ai wa hpe kam sham ai wa kadai mung, htani htana asak lu la wu ai. Shi gaw tara daw dan ai n hkrum ai sha, si ai kaw na asak hkrung ai de kawt lai wa ai wa rai nga ai.

YAWHAN 6:63

Asak jahkrung ya ai gaw Karai Kasang a Wenyi rai nga ai; masha a n-gun atsam gaw hpa lam n la nga ai. Ngai nanhte hpe tsun ai ga ni gaw Karai Kasang a asak jaw ya ai Wenyi rai nga ai.

YAWHAN 6:68

Shaloi Simun Petru gaw, “Madu e, anhte kadai hpang de wa na rai nga a ta? Nang gaw htani htana asak jaw ya ai mungga lu ndai.

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

KASA 10:21

Dai rai nna Petru gaw dai ni hpang de yu sa wa nna, “Nanhte tam ai wa ngai rai nga nngai hpa hku hpa lam a majaw sa wa myit ta?,” ngu nna san mu ai.

KASA 10:30

Korneli gaw, “Lai wa sai masum ya ngu na nhtoi hta, nye a nta e shana de daw hkying masum daram hta ngai akyu hpyi nga nngai. Dai shaloi akajawng sha tu kabrim ai hpun palawng bu hpun ai wa langai mi nye a man e tsap pru nna,

KASA 10:33

Dai majaw, shaloi jang ngai nang hpang de shangun dat nna, ya nang du ai gaw mai kaja nga ai dai rai nna, dai Madu nang hpe hkang da mada hte hpe madat mara la na matu ya anhte yawng ndai kaw Karai Kasang a man e rai nga saga ai,” ngu nna tsun wu ai.

KASA 10:6

Shi gaw Simun ngu ai shan hpyi sama a nta na manam langai mi rai nga ai. Dai nta gaw nammukdara makau e rai nga ai,” ngu wu ai.

KASA 11:14

Dai wa gaw, nang hte na nta masha ni hkye hkrang la ai hkrum myit ga, nanhte hpe ga shaga na ra ai,’ nga nna tsun ai lam anhte hpe hkai dan mi ai.

KASA 22:12

“Dai mare hta tara hkungga nna anhte a jep ai Tara hpe madat mara hkan sa ai hte dai yang e nga ai Yuda masha ni yawng a man e myi man pa nna hkungga tawn ai Anani ngu ai masha langai mi nga ai.

KASA 24:15

Shanhte myit mada ai hte maren ngai mung kaja ai ni mi da, n kaja ai ni mi da, si ai kaw na bai hkrung rawt wa na mara ai ngu nna Karai Kasang hta myit mada nga nngai.

KASA 6:3

Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai.

ROMA 1:17

Dai hta kaga, “Karai Kasang hta ding hpring ai wa gaw kam sham ai hte hkrung nga lu na ra ai,” nga nna Chyum ga hta ka da nga ai hte maren Karai Kasang gaw masha ni hpe gara lai hku nna sharawng awng hkap la nga ai lam dai Kabu Gara Shiga hta shadan dan nga ai. Dai gaw shawng ningpawt kaw nna jahtum du hkra kam sham ai lam rai nga ai.

2 KORINHTU 5:18

Dai lam yawng mayawng hpe chyawm gaw Karai Kasang e galaw nu ai, Karai Kasang gaw anhte hpe shi a hpyen ni tai nga ai kaw nna shi a jinghku ni tai wa na matu Hkristu Yesu a marang e galai shai mat shangun mi ai hte, kaga masha ni hpe mung shi a jinghku ni tai wa shangun na matu anhte hpe amu lit ap ya mani ai.

TARA JAHPRANG 30:13

Shing n rai, dai gaw nammukdara wora hkran maga de nga nga ai dai hpe anhte na mai nna, madat la lu hkra, kadai wa nammukdara hpe rap di na rai ta?,’ nga nna nanhte san mai nga myit dai n rai.

1 TIMOHTI 3:7

Shi gaw sari jahpoi ya ai n hkrum u ga hte Nat a mahkam hta n hkrat bang wa u ga, garai n kam n sham ai masha ni a hkungga lara ai hpe hkam la lu ai masha langai mi rai ang nga ai.

HEBRE 10:38

Nye a ding hpring ai masha ni chyawm gaw, kam sham ai hte hkrung nga na mara ai. Rai ti mung shanhte hta na langai ngai sit htingnut htak mat wa a yang gaw, ngai shi hta sharawng awng na nngai n rai,” nga nna tsun nga ai.

HEBRE 11:2

Moi shawng de na masha ni gaw, shanhte a makam masham a majaw Karai Kasang a sharawng awng ai lam hpe lu la ma ai.

HEBRE 12:23

Nanhte gaw Sumsing lamu na jahpan hta lawm ai kasha alat ni a kabu gara hpawng de nga ai hpawng de du nga manit dai. Masha amyu yawng hpe tara dara ai wa ngu ai Karai Kasang hpang de mung, jahkum shatsup hkrum sai ding hpring ai ni a wenyi ni hpang de mung, du nga manit dai.

2 PETRU 3:2

Chyoi pra ai myihtoi ni moi shawng de tsun dan ai ga hpe mung, nanhte a kasa ni a lata hku nna hkye hkrang la ai Madu hkang da ai ga ni hpe mung ngai nanhte hpe bai myit dum shangun mayu nga nngai.

3 YAWHAN 1:12

Masha shagu gaw Demetri a kaja ai lam hpe sakse hkam nga ma ai. Shi a hkan sa galaw ai lam ni mung dai teng man ai mungga hte bung pre nga ai. Anhte mung sakse hkam jat ga ai rai nna, anhte a sakse hkam ai ga teng nga ai gaw nang chye nga ndai.

SHINGRAN 14:10

Karai Kasang a pawt sindawng kahtet ngu ai gawm hta hpring hkra ru bang tawn ai grai ja ai pawt bu ngu ai sabyi ntsin hpe lu lu na ra ai. Dai hta n ga, shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai.