KASA 10:19 - Jinghpaw Common Language Bible 2009

¹⁹ Petru mung, shingran de a lam naw myit sumru nga yang, dai Wenyi gaw, “Yu u, nang e masha masum nang hpe tam nga ma ai, rawt u, yu wa sit.

Jinghpaw Hanson Version Bible

¹⁹ Petru mung, shingran de a lam myit naw sumru nga yang, Wenyi gaw, “Yu u, masha lahkawng nang hpe tam nga ma ai: rawt u, yu wa sit;

KASA 10:19 ပူးပေါင်းရင်းမြစ်များ

YAWHAN 16:13

Rai ti mung Karai Kasang hte seng ai teng man ai lam hpe shadan dan ai Wenyi du sa jang, nanhte hpe dai teng man ai lam yawng mayawng hpe hpaw madun dan na ra ai. Dai Wenyi gaw shi a myit hte maren tsun na ra ai n rai, shi na la lu ai made tsun dan na ra ai; htawm hpang de byin na ra ai lam ni hpe mung, shi nanhte hpe tsun dan na ra ai.

KASA 10:18

Shanhte gaw, “Simun Petru mying ai manam langai ndai nta hta n nga a ni?,” ngu nna jahtau san yu ma ai.

KASA 10:3

Lani mi na shana de daw hkying masum daram e, Lamu kasa langai mi shi kaw du sa wa nna, “Korneli e!” nga nna shi hpe shaga ai hpe shingran langai mi hta leng leng mu wu ai.

KASA 11:12

Dai Chyoi Pra ai Wenyi gaw myit n ganung nga ai sha shanhte kaw hkan sa na ngai hpe tsun ni ai. Yopa mare na kam sham ai hpu nau ni marai kru mung ngai hte rau hkan nang ma ai rai nna anhte yawng Korneli a nta de shang sa ga ai.

KASA 13:2

Ya shanhte Madu hpe nawku daw jau let lusha gam nga ma yang, dai Chyoi Pra ai Wenyi gaw, “Shawlu Yan Barnaba hpe ngai shaga da ai amu gun hpai na matu san da mu,” ngu nna shanhte hpe tsun mu ai.

KASA 15:7

Dai lam hpe galu galang san htai lai hkat ai hpang, Petru rawt nna shanhte hpe, “Hpu nau ni e, maigan masha ni dai Kabu Gara Shiga na la nna kam sham wa na matu Karai Kasang gaw lai wa sai tsawmra na sai aten kaw nna dai Kabu Gara Shiga hpe tsun shana dan na nanhte a kata kaw na Karai Kasang ngai hpe lata san da sai gaw nanhte chye nga myit dai.

KASA 21:4

Dai kaw kam sham ai nkau mi hpe tam mu nna, dai mare hta sanit ya hkring nga ga ai. Shanhte mung Chyoi Pra ai Wenyi e shadut ai hte maren, Pawlu hpe Yerusalem mare de n sa na lam tsun mu ai.

KASA 8:29

Dai Chyoi Pra ai Wenyi gaw Hpilip hpe, “Htawra gumra leng de sa nna rau htep hkan nang u,” ngu wu ai.

1 KORINHTU 12:11

Rai ti mung dai chyeju atsam yawng mayawng hte chyawm gaw, dai Wenyi langai sha e nan shabyin wu ai rai nna, shi myit ra ai hte maren, shi gaw langai hte langai hpe laklai ai chyeju atsam kumhpa kaga ga garan kachyan shagu wu ai.

1 TIMOHTI 4:1

Htawm hpang de masha nkau mi gaw makam masham hpe kabai kau na mara ai; shanhte gaw masu hkalem ai wenyi ni a ga madat nna nat ni a sharin shaga ai lam ni hta hkan sa na mara ai lam dai, Wenyi gaw asan sha tsun nga ai.