KASA 10:16 - Jinghpaw Common Language Bible 2009

¹⁶ Ndai zawn masum lang byin ai hpang dai arai hpe sumsing lamu de bai dawm la kau wu ai.

Jinghpaw Hanson Version Bible

¹⁶ Masum lang shing nga nhtawm, dai rai hpe sumsing lamu de, shaloi jang dawm la wu ai.

KASA 10:16 ပူးပေါင်းရင်းမြစ်များ

NINGPAWT NINGHPANG 41:32

Nang mu kahtap ai yup mang a lachyum gaw dai amu hpe Karai Kasang shagrin shangang nna dai hpe du na ra ai kade n na ai aten hta shi shabyin dat na ra ai lam rai nga ai.

EZEKELA 11:24

Karai Kasang a wenyi gaw shi a shingran hta ngai hpe pawn la nna Babelon mung na bawng dung ai ni hpang de ngai hpe bai woi nhtang wa ni ai. Dai hpang shingran hkoi mat wa nna,

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

KASA 10:15

Dai nsen kalang mi bai ngoi pru ai gaw, “Karai Kasang e san seng ai ngu ai arai hpe n san n seng ai ngu nna hpa mung hkum myit la et,” nga nna tsun ai.

KASA 10:17

Ya Petru gaw, dai shingran a lachyum a lam naw myit sumru yu nga yang, Korneli shangun dat ai ni gaw Simun a nta hkan tam san nna mu chye manu ai rai nna, ya nta ndaw e sa tsap nga ma ai.

2 KORINHTU 13:1

Ya ngai gaw nanhte hpang de masum lang ngu na bai du sa wa na nngai. Chyum laika hta mung, “Mara shagun da ai lam langai ngai hpe chye ya ai sakse lahkawng, shing n rai lahkawng hta jan ai sakse ni a ga hte shagrin da lu na rai nga ai,” nga nna tsun da nga ai.