KASA 10:11 - Jinghpaw Common Language Bible 2009

¹¹ Shi gaw sumsing lamu hpaw malang wa nna hpajawng kaba zawn re ai jut de jum nna ga de shayu dat ai arai lama mi hpe mu wu ai.

Jinghpaw Hanson Version Bible

¹¹ sumsing lamu hpaw wa ai hte, hpajawng kaba zawn, jut mali de jum nna, ga de shayu dat ai arai hpe mu wu ai:

KASA 10:11 ပူးပေါင်းရင်းမြစ်များ

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

ESAIA 43:6

Shanhte hpe wa shangun na matu dingdung maga de ngai tsun na nngai; shanhte hpe n shingdang lu na matu dingda maga de tsun na nngai. Nye a amyu masha ni tsan ai mung ni kaw na nhtang wa mu ga, mungkan jut shara shagu kaw na nhtang wa mu ga.

ESAIA 56:8

Bawng dung hkrum ai kaw na Israela dum nta de woi wa ai Tsaw Htum ai dai Madu gaw shi a amyu masha ni hte matut mahkai wa na matu kaga masha ni hpe naw woi wa na ra ai, ngu ga sadi tawn da nga sai.

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

MAHTE 8:11

Bai ngai nanhte hpe tsun made ga, sinpraw maga de na hte, sinna maga de na masha ni law law wa du sa wa nna, sumsing lamu a Mungdan hta e, Abraham, Isak, Yaku hte hte rau lusha poi hta dung lu na mara ai.

LUKA 3:21

Masha yawng hkalup hkam la ngut ai hpang, Yesu mung hkalup hkam la nhtawm, akyu hpyi nga yang, lamu hpaw malang wa nna,

YAWHAN 1:51

Bai Yesu gaw, “Ngai nanhte hpe teng teng tsun made ga, sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa, yu wa, rai nga ai hpe nanhte mu na marin dai,” ngu nna shanhte hpe tsun mu ai.

YAWHAN 11:52

Shing rai si hkam ai lam gaw dai amyu a matu sha n rai, shara shagu hkan bra nga ai Karai Kasang a amyu masha ni hpe langai sha di nna, shinggyin jahpawng da na matu si hkam lu na re ai, ngu nna mung myihtoi ga hte tsun ai, rai nga ai.

YAWHAN 12:32

Ngai chyawm gaw ga nna sharawt da ai hkrum jang, ngai masha yawng mayawng hpe ngai hpang de gang la na mawe ai,” ngu tsun wu ai.

KASA 10:12

Dai hta e lagaw mali tu ai baw dusat hte gumrawt hkawm ai baw amyu myu; ntsa malen na u chyazai amyu myu rawng nga ai.

KASA 11:5

“Ngai gaw Yopa mare e akyu hpyi nga yang, ngai myit nawng mat wa nna, hpajawng zawn san ai pa kaba langai mi jut mali de jum nna sumsing lamu de na shaya jahkrat dat ai arai lama mi gaw nye makau e wa hkring nga ai hpe shingran hta ngai mu we ai.

KASA 7:56

Dai shaloi Stehpan gaw “Yu mu! Ngai gaw sumsing lamu hpaw malang nga ai hpe mung, Karai Kasang a hkra maga dai Masha Kasha tsap nga ai hpe mung, ngai mu se ai,” ngu nna tsun mu ai.

ROMA 1:16

Hpa majaw nga yang, dai Kabu Gara Shiga hta awm dawm kam sham myit hkut nga nngai, Dai gaw shawng nnan e Yuda ni dai hpang e maigan masha ni hta kam sham ai ni kadai hpe mung hkye hkrang la hkrum shangun lu ai Karai Kasang a atsam rai nga ai.

ROMA 9:4

Shanhte gaw Karai Kasang e lata la ai amyu rai nga ma ai; Karai Kasang gaw shanhte hpe kasha yin la nna, shi a hpung shingkang shadan dan mu ai hte shanhte hte ga shaka tawn da nna jep ai Tara jaw mu ai. Shanhte gaw teng man ai nawku daw jau ai lam hte Karai Kasang a ndat ga ni hpe mung hkam la lu ma ai.

GALATI 2:15

Anhte gaw Yuda sai jet amyu masha ni rai nga ga ai, Yubak mara lu ai maigan masha ni ngu nna shamying ai ni n rai ga ai.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.

EHPESU 1:10

Aten ladaw gu jang Karai Kasang e jahkum shatsup na ra ai dai yaw lajang da ai lam gaw, sumsing lamu lahta tang hte ginding aga ntsa na hpan da ai arai yawng mayawng hte hpe Hkristu hpe baw shatai nna shabawn gumhpawn da na lam rai nga ai.

EHPESU 3:6

Dai sung htum ai lam gaw, Kabu Gara Shiga a marang e maigan masha ni gaw Yuda masha ni hte rau Karai Kasang a shaman chyeju ni hpe hkam la lu ai ahkang lu la lu ai lam rai nga ai. Shanhte hte Yuda masha ni gaw hkum hkrang langai sha hta na daw shan ni rai nna Hkristu Yesu a marang e Karai Kasang jaw ai ga ndat a sali wunli kamhtaw hkam la na ahkang lu la ma ai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 19:11

Dai hpang, sumsing lamu hpaw malang nga ai hpe ngai mu nngai. Dai yang e gumra hpraw langai mi nga nga ai rai nna, dai hta jawn ai wa gaw, kangka hte teng man ngu ai wa rai nga ai. Shi gaw ding hpring ai hku tara dara ai hte majan gasat nga ai.

SHINGRAN 4:1

Dai hpang, kaga shingran langai mi hta sumsing lamu e hpaw malang nga ai chyinghka langai mi ngai mu nngai. Ngai na hkrup ai ngai hpe tsun nga ai shawng na nsen gaw, pahtau zawn ngoi nga ai hte, “Nang de lung wa rit, htawm hpang e byin na ra ai lam hte hpe ngai nang hpe madun dan de ga,” nga nna tsun ai.