KASA 1:7 - Jinghpaw Common Language Bible 2009

⁷ Yesu gaw, “Wa gaw shi a ahkaw ahkang hte daw dan masat da ai aten ahkying ladaw hpe nanhte chye lu na ahkang n nga ai,” ngu nna tsun mu ai.

Jinghpaw Hanson Version Bible

⁷ Shi gaw, “Wa gaw shi a hpung shingkang hte, hkang tawn ai aten hte ahkying ladaw hpe, nanhte chye shara n nga ai:

KASA 1:7 ပူးပေါင်းရင်းမြစ်များ

YOBA 24:1

Karai Kasang gaw tara jeyang na matu mung, shi hpe daw jau ai ni a matu teng man rap ra ai nhtoi hpe mung hpa majaw n masat da ya a ni?

Daniela 2:21

Shi gaw aten ahkying hte ladaw ni hpe hkang nga ai; shi gaw hkawhkam ni hpe hkaw dung shangun nna bai shayu kau nga ai; shi gaw hpaji byeng-ya hte chye na hkawn hkrang ai nyan jaw ya nga ai.

MAHTE 20:23

Bai Yesu gaw, “Nye a gawm hpe nanhte kaja wa lu na marin dai; rai ti mung, nye a hkra maga hte pai maga de kadai dung nga lu na ngu ai hpe gaw ngai lata la na ahkang n lu nngai: dai shara ni gaw nye a Wa lajang da ya ai ni a matu mara she rai nga ai,” ngu nna shanhte hpe tsun mu ai.

MAHTE 24:36

“Rai ti mung, dai du na ra ai shani hte ahkying hpe chyawm gaw kadai mung n chye lu ai; lamu kasa ni hte Kasha wa pyi dai hpe n chye lu ai; Wa hkrai sha dai hpe chye lu ai.

MARKU 10:40

Rai ti mung nye a hkra maga hte pai maga de kadai dung lu na ngu nna lata san da na ahkang ngai n lu nngai. Dai gaw, Karai Kasang shi hkyen lajang da ya ai masha ni a matu she rai na rai nga ai,” ngu nna tsun mu ai.

MARKU 13:32

“Rai ti mung, dai shani hte ahkying galoi du na ngu ai hpe Wa hta kaga kadai mung n chye lu ai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

KASA 17:26

Madu gaw shawng nnan masha langai mi hpe hpan da nna dai wa hta nna masha amyu danghta hpe mayat maya hkrat wa shangun nhtawm, mungkan shara shagu hta nga pra shangun ma ai. Shanhte asak hkrung nga pra ai du hkra ladaw ni hte buga jarit ni hpe mung tau hkrau masat da ya mu ai.

EHPESU 1:10

Aten ladaw gu jang Karai Kasang e jahkum shatsup na ra ai dai yaw lajang da ai lam gaw, sumsing lamu lahta tang hte ginding aga ntsa na hpan da ai arai yawng mayawng hte hpe Hkristu hpe baw shatai nna shabawn gumhpawn da na lam rai nga ai.

TARA JAHPRANG 29:29

“Dai Madu anhte a Karai Kasang lam nkau mi hpe makoi magap da nga ai. Rai ti mung shi a tara hpe shapraw dan ai rai nna anhte hte anhte a amyu matu mara ni dai hpe htani htana madat mara hkan sa na rai nga ga ai.

1 TIMOHTI 6:15

Langai sha rai nga ai daru magam hpung shingkang rawng nna up hkang ai wa, hkawhkam ni a Hkawhkam Madu ni a Madu, Karai Kasang gaw, aten ladaw du jang Madu Yesu hpe kalang mi bai dan pru shangun na ru ai.

2 TIMOHTI 3:1

Hpang jahtum nhtoi ni hta yak la ai aten ni du na ra ai hpe dum nga mu.