KASA 1:6 - Jinghpaw Common Language Bible 2009

⁶ Kasa ni Yesu hte rau hkrum zup nna hpawng nga ma yang, shanhte gaw, “Madu e, ndai aten e, Israela amyu masha ni hpe dai Mungdan bai de ya na rai sani?,” ngu nna shi hpe san mu ai.

Jinghpaw Hanson Version Bible

⁶ Dai rai nna, naw hpawng nga ma yang shanhte gaw, “Madu e, dai Mungdan Israela masha ni hpe, ndai aten e bai de ya na rai sa ni?” ngu nna shi hpe san mu ai.

KASA 1:6 ပူးပေါင်းရင်းမြစ်များ

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

ESAIA 1:26

Ngai gaw nanhte hpe moi moi e nanhte hta nga yu sai zawn re ai mung du ni hte hpaji jaw sara ni hpe jaw ya na nngai. Dai hpang Yerusalem gaw ding hpring ai, sadi dung ai mare ngu shamying hkrum na ra ai.”

YEREMIA 33:26

Dai amu hpe ngai tup hkrak galaw ni ai zawn, ndai nye a ga shaka hpe Yaku a aru arat ni hte mung, nye a shangun ma Dawi hte mung, ngai shangang shakang da na nngai. Abraham, Isak hte Yaku ni a aru arat ni a ntsa e up hkang na matu Dawi a aru arat langai mi hpe ngai lata san da na nngai. Ngai gaw nye a amyu masha ni hpe matsan dum nna shanhte hpe kalang mi bai ngamu ngamai shangun na nngai,” ngu nna tsun ai.

Daniela 7:27

Ginding aga ntsa na mungdan ni yawng a daru magam n-gun hte galu kaba ai lam gaw Tsaw Htum ai Karai Kasang a amyu masha ni a lata de ap kau ai hkrum na ra ai. Shanhte a hkawhkam daru magam n-gun gaw galoi mung htum mat na ra ai n rai; Ginding aga ntsa na up hkang du ni yawng mayawng mung shi hpe daw jau ai hte shi a ga madat mara na mara ai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

AMO LAIKA (AMOS) 9:11

Dai Madu gaw, “Ngai gaw daw hten mat ai nta langai zawn rai nga ai Dawi a mungdan hpe bai gaw gap da ai shaloi dai nhtoi du wa na ra ai. Ngai gaw de a bunghku ni hpe bai lajang ai hte dai hpe bai gaw gap da na nngai. Ngai gaw dai hpe bai gaw gap ai hte moi na zawn bai de da na nngai.

MIHKA 5:2

Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

MAHTE 17:11

Shi htan nna, “Elia gaw kaja wa shawng numshawn du sa nna, yawng mayawng hte hpe lajang shajin da lu na ra ai gaw teng nga ai.

MAHTE 20:21

Yesu gaw, “Nang hpa mi ra nga n ta?,” nga nna san wu ai. Dai num gaw, “Nang Hkawhkam tai nna up nga ai shaloi, ndai nye a kasha yan lahkawng hpe na a hkra maga langai mi, pai maga langai mi dung nga lu na ahkang jaw na lam ngai hpe ga sadi jaw rit,” ngu wu ai.

MAHTE 24:3

Yesu gaw Tsanlun Bum ntsa e dung nga yang, shi a sape ni hkrai shi kaw sit sa nna, “Dai hte gaw galoi me byin wa na rai ta? Nang bai du na aten hte mungkan ga htum mat na aten hpe madun dan ai hku nna hpa baw lamik kumla ni byin pru wa na ra ta? Anhte hpe tsun dan mi,” ngu mu ai.

MARKU 9:12

Shi gaw, “Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ‘Masha Kasha gaw nni nkri law law hpe mung, ningdang nyet kau ai mung hkrum sha na wu ai,” nga nna hpa rai ka da nga a ta?

LUKA 17:20

Hparishe nkau mi gaw Yesu hpe, Karai Kasang a Mungdan galoi du na lam san ma ai. Shi gaw, “Karai Kasang a Mungdan du ai gaw, myi hte yu nna mu lu ai hku du na n rai.

LUKA 19:11

Dai lam ni hpe masha ni madat nga ma yang, Yesu gaw shanhte hpe ga shadawn langai mi hte tsun wu ai. Yesu gaw Yerusalem mare de du na ni sai majaw mung, Karai Kasang a Mungdan gaw alawan dan pru magang ra ai nga nna myit sawn la shajang nga ma ai.

LUKA 22:29

Dai re ai majaw, nye Wa gaw ngai hpe up hkang na ahkang aya jaw ai zawn, ngai mung nanhte hpe, up hkang na ahkang jaw made ai.

YAWHAN 21:21

Petru gaw dai wa hpe mu jang, Yesu hpe, “Madu e, rai taw, ndai wa gaw gara hku rai na rai ta?,” ngu nna san wu ai.