KASA 1:3 - Jinghpaw Common Language Bible 2009

³ Yesu gaw si hkam ngut ai hpang, nhtoi mali shi ya laman kasa ni hpe law law lang shi a hkum shadan dan nna, shi asak hkrung nga ai lam kam ging ai sakse ni hpe madun dan sai. Kasa ni mung shi hpe mu nna, shi shanhte hpe Karai Kasang a Mungdan lam hkaw tsun dan mu ai.

Jinghpaw Hanson Version Bible

³ shi gaw nni nkri hkrum ai hpang, shi hkum chyahkrung hpe, kam ging ai sakse law law hte shanhte hpe madun dan nna, Karai Kasang a mungdan lam hkai dan let, nhtoi mali shi ya laman e, shanhte kaw shi hkum sa pru dan dan di mu ai.

KASA 1:3 ပူးပေါင်းရင်းမြစ်များ

1 HKAWHKAM 19:8

Elia gaw rawt nna lu sha wu ai majaw chyoi pra ai bum ngu ai Sina de nhtoi mali shi ya tup hkawm sa wa na matu dai lusha gaw shi hpe n-gun ram ram jaw ya nga ai.

MAHTE 21:43

“Dai rai nna ngai nanhte hpe tsun made ga, Karai Kasang a Mungdan hpe nanhte kaw na shaw la kau nna asi atsawm sha shapraw ya lu ai amyu hpe jaw kau na ru ai.”

MAHTE 28:9

Akajawng sha Yesu shanhte hte hkrum nna tsun wu ai gaw, “Ngwi pyaw nga myit ga,” ngu mu ai. Shan gaw Yesu hpang de sit sa nna, shi a lagaw hpe ginshum let shi hpe nawku mu ai.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 4:2

Ya shani mali shi ya, shana mali shi na tup, shi lusha gam ai hpang Yesu kawsi wu ai.

MARKU 16:19

Shing rai Madu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

YAWHAN 20:26

Dai hpang matsat ya rai jang, sape ni gaw nhku e bai rawng nga ma ai rai nna Htawma mung shanhte hte rau rai nga ai. Chyinghka ni mung la da nga ai; rai ti mung Yesu sa du nna shanhte a ka-ang e tsap let, “Nanhte ngwi pyaw nga myit ga law,” ngu wu ai.

YAWHAN 21:1

Dai hpang Yesu gaw Tiberi nawng makau e sape ni hpe shi hkum kalang mi bai madun dan mu ai. Dai shaloi na madun dan ai lam gaw ning rai nga ai.

YAWHAN 21:14

Yesu shi si ai kaw na bai hkrung rawt ai hpang, sape ni hpe shi hkum madun dan ai hta na, ndai gaw masum lang na rai nga ai.

KASA 13:31

Bai shi gaw Galile mung kaw nna Yerusalem de shi hte rau lung wa ai ni hpe, nhtoi tsawmra wa na hkra shi hkum shadan dan mu ai. Shanhte gaw ya shi a Israela amyu masha ni a man e shi a matu sakse ni tai nga ma ai.

KASA 19:8

Dai hpang Pawlu gaw tara jawng de shang nna, shata masum tup nden ja ai hte Karai Kasang a Mungdan lam chye na hkap la mu ga, shanhte hte tsun hkai hkat nga nna, woi awn da wu ai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

KASA 28:31

Karai Kasang a mungdan lam hkaw dan ai hte Madu Yesu Hkristu hte seng ai lam n dut n dang nden ja ai myit hte hkaw tsun sharin shaga nga ai.

KASA 8:12

Rai ti mung, Karai Kasang a Mungdan hte seng ai, Madu Yesu Hkristu hte seng ai Kabu Gara Shiga a lam, Hpilip hkaw dan ai hpe kam sham ma yang numsha lasha hkalup hkam la ma ai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

TARA JAHPRANG 9:18

Dai hpang dai Madu a man e lang mi bai nhtoi mali shi ya mali shi na tup hpa mung n lu, n sha ai sha gum dagup let nga nga nngai. Nanhte gaw dai Madu hpe shut kau nna shi hpe masin pawt shangun manit dai majaw ndai amu hpe ngai galaw ni ai.

TARA JAHPRANG 9:9

Dai Madu nanhte hte tawn da ai ga shaka ka da ai lungpa wa la na matu bum de ngai lung wa ai shaloi dai yang e nhtoi mali shi ya, mali shi na, shat n sha, hka n lu ai sha wa nga nga nngai.

KOLOSE 1:13

Shi gaw anhte hpe n hkru n kaja ai nsin a n-gun atsam kata kaw na hkye mawai la nna shi a tsaw ra ai Kasha a mungdan hta shashawn mi ai.

1 HTESALONI 2:12

Anhte gaw nanhte hpe n-gun jaw ai lam hte shadaw shalan ai lam galaw saga ai. Shi a mungdan hta shang sha lu na hte hpung shingkang hkam la lu mu ga, nanhte hpe shaga la ai Karai Kasang hpe sharawng awng shangun ai asak hkrung lam hta e hkawm sa nga na matu anhte matut manoi shadut jahkat saga ai.

1 YAWHAN 1:1

Shawng npawt kaw nna nga nga ai dai asak hkrung ai mungga a lam nanhte hpang de anhte ka dat ga ai. Anhte dai hpe na yu saga ai, myi hte mung mu yu saga ai, rai sa anhte mu yu saga ai rai nna anhte a lata ni hte hkra yu saga ai.