KASA 1:26 - Jinghpaw Common Language Bible 2009

²⁶ Shaloi shanhte gaw dai yan lahkawng hta na langai mi hpe lata la na matu hpaida da ma yang, Mahtia hta ang wa ai majaw shi hpe lata san da ma ai. Dai kaw nna shi gaw dai kasa shi langai hta jat lawm wu ai.

Jinghpaw Hanson Version Bible

²⁶ Shaloi shanhte hpaida hte lata nna, dai hpaida gaw Mahtia hta ang wa ai: dai kaw nna shi gaw dai kasa shi langai hta shang lawm wa ai.

KASA 1:26 ပူးပေါင်းရင်းမြစ်များ

1 HKAWHKAM LABAU 24:5

Eleaza hte Ihtama yan a amyu matu ni gaw Nawku Htingnu na du salang ni hte wenyi lam hta woi awn ningbaw ai ni rai nga ma ai majaw hpaida da let bungli lit lata la nga ma ai.

NEHEMIA 10:34

Anhte mung, amyu masha ni mung, hkinjawng ni hte Lewi masha ni mung, madat da ai Tara hte maren, dai Madu anhte a Karai Kasang hpe shagu hkungga nat nawng na matu gara amyu lakung ni mahtang ju hpun shaw ang ai hpe daw dan ya na matu shaning shagu hpaida hte lata na ga ai.

NEHEMIA 11:1

Ningbaw ni gaw Yerusalem hta nga nga ma ai, naw ngam ai amyu masha ni hta na marai shi hta na dinghku langai mi chyoi pra ai Yerusalem de sa nga nga na matu hte naw ngam nga ai ni kaga kahtawng mare ni hkan sa nga na lam hpaida da ma ai.

GA SHAGAWP 16:22

Hpaji byeng-ya gaw hpaji rawng ai wa a matu, asak hka hpawk rai nga ai; angawk ai wa hpe hpaji jaw shakut ai lam gaw aten hpe majoi mi shama kau ai sha rai nga ai.

GA SHAGAWP 16:33

Masha ni gaw Karai Kasang a myit ra ai lam hpe sharin la na matu hpaida da nga ma ti mung; Karai Kasang shi nan dai mahtai hpe daw dan ya nga ai.

JAW JAU 16:8

Arun gaw nlung lahkawng hpe, “Dai Madu a matu,” bai langai mi hpe, “Azazela a matu,” ngu nna masat shakap nhtawm hpaida da na rai wu ai.

YONA 1:7

Sanghpaw masha ni gaw shanhte shada da, “Anhte hpe ndai tsin-yam tsindam hkrum shangun ai wa gaw kadai rai nga ai hpe mara shagun lu na matu hpaida da nna tam yu ga,” nga nna tsun hkat ma ai. Shanhte dai hku galaw ma yang, Yona hta ang wa nga sai.

MARKU 6:30

Kasa ni gaw Yesu kaw wa zup nna, shanhte galaw sai lam hte sharin shaga ai lam yawng mayawng shi hpe shana dan mu ai.

KASA 1:23

Dai rai nna shanhte gaw, marai lahkawng hta na langai mi hpe san da na matu Yustu mying hkawt mying ai Barsaba ngu ai Yosep hte Mahtia ngu ai yan hpe tang shawn ma ai.

KASA 13:19

Shi gaw Hkanan mung na masha amyu sanit hpe shaza kau nna shi a amyu masha ni hpe garan ya nhtawm dai mungdan a madu shatai nu ai.

KASA 2:14

Dai hpang Petru gaw kaga sape ni shi langai hte rau rawt tsap nna nsen shaja let dai masha ni hpe tsun mu ai gaw, “Yuda mung na ni hte Yerusalem mare e nga nga ai ni nlang hte e, ndai lam nanhte chye na myit ga, nye a ga hpe mung madat la mu!

YAWSHU 14:2

Dai Madu Mawshe hpe hkang da nu ai hte maren, dai amyu bawsang jahku hte chyen mi hpe hpaida da let Yawdan hka a sinna hkran na lamu ga karan ya wu ai.

YAWSHU 18:10

Yawshu gaw shanhte a matu dai Madu hte bawng ban let hpaida da nna ngam nga ai Israela amyu bawsang ni hpe amyu langai hte langai a matu lamu ga masat ya wu ai.

SHINGRAN 21:14

Dai mare a bunghku hpe npawt nhpang nlung shi lahkawng a ntsa e gaw da nna, dai ni a ntsa e Sagu Kasha a kasa ni shi lahkawng a mying shingteng ni hpe ka kap da nga ai.