KASA 1:15 - Jinghpaw Common Language Bible 2009

¹⁵ Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

Jinghpaw Hanson Version Bible

¹⁵ Dai nhtoi hte yang, masha latsa e hkun daram rai hpawng nga ai kahpu kanau ni a ka-ang e Petru rawt tsap nna,

KASA 1:15 ပူးပေါင်းရင်းမြစ်များ

MAHTE 13:31

Ga shadawn kaga mung Yesu shanhte hpe kahtap tsun mu ai gaw, “Sumsing Lamu a Mungdan gaw, masha langai mi e la nna shi a yi hta hkai ai chyinghkrang tum hte bung nga ai.

LUKA 22:32

Rai ti mung, na a kam sham ai myit n hten lit ga ngu nna, nang Simun a matu ngai akyu hpyi da ni ai. Shing rai nang ngai hpang de bai kayin dum wa yang, na nhpu nnau ni hpe shangang shakang ya lu na rai ndai.”

YAWHAN 14:12

Nanhte hpe ngai kaja wa teng teng tsun made ai gaw, ngai hpe kam sham ai wa gaw, ngai galaw ai amu lu galaw na ra ai, rai sa, dai hta grau kaba ai amu mung lu galaw na ra ai; hpa majaw nga yang, ngai gaw Wa hpang de wa na nngai.

YAWHAN 21:23

Dai majaw dai sape gaw si na n rai, nga ai ga gaw, Yesu a hpang hkan nang ai hpu nau ni hta chyam bra mat wa ai. Rai ti mung dai sape hpe n si na re ngu nna Yesu tsun ai n rai, “Ngai du sa ai nhtoi du hkra, shi hpe ngai asak hkrung nga shangun mayu yang mung, nang hte hpa seng a ta?,” nga nna tsun ai sha rai nga ai.

KASA 10:23

Petru gaw, shanhte hpe nta nhku de saw shaga jashawn nhtawm shana shayup nna manam daw mu ai. Ya hpang shani shi hkyen la nna shanhte hte rau sa wa ai. Yopa mare na kam sham ai ni nkau mi mung shi hte rau hkan nang sa ma ai.

KASA 11:1

Maigan amyu masha ni mung, Karai Kasang a mungga hkap la ma ai, nga ai lam hpe kasa ni hte Yuda mung ting hkan na kam sham ai kahpu kanau ni na ma ai.

KASA 11:12

Dai Chyoi Pra ai Wenyi gaw myit n ganung nga ai sha shanhte kaw hkan sa na ngai hpe tsun ni ai. Yopa mare na kam sham ai hpu nau ni marai kru mung ngai hte rau hkan nang ma ai rai nna anhte yawng Korneli a nta de shang sa ga ai.

KASA 11:26

Shi hpe mu jang Antioki de woi wa wu ai. Ya, shan gaw laning mi tup dai hpung masha ni hte rau hpawng nga ma ai rai nna masha law law hpe sharin shaga lu ma ai, sape ni mung Hkristan ni ngu ai mying hpe Antioki mare hta shawng lu la ma ai.

KASA 11:29

Sape ni gaw, Yuda mung na kahpu kanau ni hpang de langai hte langai rai lu ai made karum dat na nga, myit daw dan da ma ai.

KASA 12:17

Petru gaw shanhte atsin sha rai nga na matu lata dingsi nhtawm shi hpe Madu e htawng hta na kaning rai shaw la ai lam, shanhte hpe tsun dan nna, “Ndai lam ni Yaku hte kam sham ai kahpu kanau ni hpe tsun shana dan mu,” ngu mu ai; shaloi shi pru nna shara kaga de sa mat wa ai.

KASA 14:2

Rai ti mung, n kam n sham ai Yuda masha ni gaw maigan masha ni hpe woi kasu kabrawng nna kam sham ai ni hpe n ju n dawng na hku nhtang gumlau mu ai.

KASA 15:1

Ya Yuda mung na ni nkau mi Antioki mare de sa du nna, kam sham ai hpu nau ni hpe, “Nanhte Mawshe a jep ai Tara hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

KASA 15:3

Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 16:2

Shi gaw Lustra mare hte Ikoni mare na hpu nau ni a man e sari sadang lu nna shakawn hkrum ai wa rai nga ai.

KASA 16:40

Shaloi Pawlu yan Sila gaw dai htawng na pru wa nna, Ludi a nta de shang wa ma ai. Dai kaw kam sham ai hpu nau ni hte hkrum nna shanhte hpe shalan shabran n-gun jaw ai ga ni tsun da nhtawm pru mat wa ma ai.

KASA 17:10

Shana ahkying du ai shaloi jang, kam sham ai hpu nau ni gaw Pawlu yan Sila hpe Beria mare de shangun kau dat mu ai. Dai de du yang, shan gaw Yuda Tara jawng hta shang bang wa ma ai.

KASA 17:14

Shaloi jang Hkristan hpu nau ni gaw Pawlu hpe hka kau de sa kau dat mu ai, Sila yan Timohti chyawm gaw naw hti nga ma ai.

KASA 17:6

Rai ti mung shan hpe n mu jang, shanhte gaw Yasun hte kam sham ai hpu nau ni nkau mi hpe mare du agyi hpang de dun garawt sa nna, “Ndai ni gaw mungkan ting hpe gale galau di hkawm ai ni rai ma ai! Ya anhte a mare de du mara ai rai nna Yasun gaw shi a nta hta shan hpe hkap la mu ai.

KASA 18:18

Pawlu gaw Korinhtu mare hta nhtoi tsawmra wa na hkra nga nga ai. Dai hpang kam sham ai ni hpe shakram da nna Priskila yan Akula hte rau li jawn let Suri mung de sa wa ma ai. Karai Kasang kaw ga shaka tawn da ai lam nga ai majaw, Kanhkeria mare kaw na hkali hte garai n pru yang shi a baw doi kau wu ai.

KASA 18:27

Bai shi gaw Ahkaia mung de rap sa wa na myit daw dan ai rai nna, Ehpesu mare na kam sham ai ni gaw shi a matu Ahkaia mung na kam sham ni hpang de, Apolo hpe hkap hkalum la na matu shachyen ya ai hte lajin ai laika jaw dat ya mu ai. Ya shi Ahkaia mung de du ai shaloi Karai Kasang a chyeju hte shi gaw kam sham ai ni hpe grai wa shadaw shangang karum mu ai.

KASA 21:17

Ya Yerusalem de anhte du jang, kam sham ai hpu nau ni kabu gara ai myit hte hkap la mi ai.

KASA 21:20

Shing nga tsun dan ai hpe na jang shanhte yawng Karai Kasang hpe shagrau sha-a ma ai. Dai hpang shanhte gaw Pawlu hpe, “Hpu wa e Yuda masha ni hta na kam sham ai ni gade hkying mun law nga ma ai lam, shanhte yawng dai jep ai Tara hta myit jung ai hkrai rai nga ma ai lam nang chye nga ndai.

KASA 21:7

Turu mare kaw nna bai matut sa wa ga yang, anhte gaw Toleme mare de du ga ai. Dai yang na kam sham ai ni hte hkrum shachyen shaga nna shanhte hte lani mi rau nga ga ai.

KASA 22:5

Ngai tsun nga ai lam teng nga ai gaw Hkinjawng Agyi Kaba wa hte salang hpawng ting sakse hkam lu ma ai; ngai gaw shanhte kaw na, Damasku mare e nga ai Yuda hpu nau ni hpang de ka dat ai laika ni hpe la gun let dai mare e nga ai Yesu a lam hkan ai masha ni hpe rim la nna Yerusalem mare de gyit dun wa nhtawm zingri na matu dai de lung wa nngai.

KASA 28:14

Dai mare kaw kam sham ai hpu nau nkau mi hte hkrum nna shanhte hte rau sanit ya hkring nga na hpyi ma ai majaw anhte hkring nga ga ai. Dai hpang Roma mare de du ga ai.

1 KORINHTU 15:6

Dai hpang lang lata sha shi a hpang hkan nang ai hpu nau manga tsa jan kaw dan pru wu ai. Shanhte hta na malawng maga ya du hkra naw hkrung nga shajang ma ai; nkau mi chyawm gaw yup pyaw mat wa masai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 3:4

Rai ti mung Sardi hpung hta tinang a hpun palawng ni hpe awu asin n shakap ai ni nkau mi lawm nga lit dai. Shanhte gaw ging dan ai ni rai nga ma ai majaw, hpraw ai bu hpun let, ngai hte rau hkawm sa lu na mara ai.