KASA 1:13 - Jinghpaw Common Language Bible 2009

¹³ Sape ni gaw mare de shang nna shanhte manam ai nta ntsa gawk de shang nna nga nga ma ai. Dai ni gaw, Petru, Yawhan, Yaku, Andre, Hpilip, Htawma, Barhtolume hte Mahte, Alhpe a kasha Yaku, Zelutu ngu ai Simun hte Yaku a kasha Yuda hte rai ma ai.

Jinghpaw Hanson Version Bible

¹³ Du wa ma yang shanhte nga nga re ai ntsa gawk de lung wa ma ai: dai ni gaw, Petru, Yawhan, Yaku, Andre, Hpilip hte Htawma, Barhtolume hte Mahte, Alhpe a kasha Yaku, Zelutu ngu ai Simun, Yaku a kasha Yuda hte rai ma ai.

KASA 1:13 ပူးပေါင်းရင်းမြစ်များ

MAHTE 9:9

Yesu gaw dai shara kaw na sa mat wa yang, shi a kang hta ai sum e dung nga ai Mahte ngu ai kang hta ai wa hpe mu hkrup nna, “Ngai kaw hkan nang rit,” ngu shi hpe tsun wu ai. Shaloi Mahte rawt nna shi kaw hkan nang nga ai.

MARKU 14:15

Shaloi shi gaw, lajang shachyip jahting da ai ntsa gawk kaba langai mi nan hpe madun na ra ai. Dai yang e anhte a matu ra mara shachyip da mala,” ngu nna matsun nhtawm shangun dat mu ai.

MARKU 14:33

Petru, Yaku, Yawhan hte hpe gaw shi hte rau shaga woi mat wa ai. Shi myit mak wa ai hte myit ru myit tsang ai lam, shi hta byin nna,

MARKU 2:14

Yesu matut nna hkawm sa mat wa yang, Alhpe a kasha kang hta ai Lewi ngu ai wa hpe shi a kang hta ai sum e dung nga ai hpe mu hkrup wu ai. Yesu gaw, “Ngai kaw hkan nang rit,” ngu nna shi hpe tsun wu yang, Lewi mung rawt nna Madu a hpang hkan nang nga ai.

MARKU 5:37

Shaloi Petru, Yaku hte Yaku a kanau Yawhan hta kaga, kadai hpe mung shi hte rau hkan nang sa na ahkang n jaw mu ai.

MARKU 9:2

Ya kru ya na ai hpang Yesu gaw, Petru. Yaku, Yawhan hte hpe shaga la nhtawm, tsaw ai bum de woi lung wa mu ai rai nna, dai yang e shanhte hkrai rai nga ma ai. Shanhte yu nga yang, Yesu a ahpraw nsam galai mat wa nna,

LUKA 22:12

Shaloi shi gaw jahting shachyip tawn ai ntsa gawk kaba langai mi nan hpe madun na ra ai. Dai kaw shachyip lajang da na rai myit dai,” ngu nna tsun dat mu ai.

YAWHAN 11:16

Dai rai nna (Marun ngu ai) Htawma gaw, “Anhte yawng mung Sara hte rau si hkam na matu hkan nang saga,” ngu nna shi a sape manang ni hpe tsun mu ai.

YAWHAN 14:22

(Yuda Iskarut n re ai) kaga Yuda gaw, “Madu e, mungkan ga hpe na a hkum n shadan dan ai sha gara hku nna anhte hpe na a hkum shadan dan lu na a ta?,” ngu nna san wu ai.

YAWHAN 18:17

Shaloi chyinghka sin ai numsha gaw Petru hpe, “Nang mung dai masha wa a sape ni hta langai mi n rai n ni?,” ngu nna san wu ai. Shi gaw, “N rai nngai,” ngu nna htan wu ai.

YAWHAN 21:2

Simun Petru hte (Marun mying ai) Htawma, Galile mung Hkana kahtawng na Nahtanela, Zebedi a kasha yan, kaga Yesu a sape lahkawng, yawng hte rau rai nga ma ai.

KASA 12:17

Petru gaw shanhte atsin sha rai nga na matu lata dingsi nhtawm shi hpe Madu e htawng hta na kaning rai shaw la ai lam, shanhte hpe tsun dan nna, “Ndai lam ni Yaku hte kam sham ai kahpu kanau ni hpe tsun shana dan mu,” ngu mu ai; shaloi shi pru nna shara kaga de sa mat wa ai.

KASA 15:13

Shan ga shaga htum jang, Yaku mung “Hpu nau ni e, Nye ga madat ya yu mi!

KASA 2:14

Dai hpang Petru gaw kaga sape ni shi langai hte rau rawt tsap nna nsen shaja let dai masha ni hpe tsun mu ai gaw, “Yuda mung na ni hte Yerusalem mare e nga nga ai ni nlang hte e, ndai lam nanhte chye na myit ga, nye a ga hpe mung madat la mu!

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

KASA 20:8

Dai anhte hpawng nga ai ntsa gawk hta e pyengdin law law tu nga ai.

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

KASA 4:19

Rai ti mung Petru yan Yawhan chyawm gaw, “Karai Kasang a ga madat na hta, nanhte a ga madat yang, Karai Kasang a man e mai n mai gaw, nanhte she daw dan yu mu.

1 KORINHTU 15:7

Dai hpang Yaku kaw, dai hpang kasa ni yawng hte kaw, shi dan pru dan mu ai.

GALATI 1:19

Dai Madu a kanau Yaku hta kaga kasa gale kadai hpe mung ngai n mu nngai.

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.

2 YAWHAN 1:1

Asak kaba sai ngai salang wa kaw nna, teng man ai hku ngai tsaw ra nga ai Karai Kasang e lata la hkrum ai Majan hte shi kashu kasha ni hpang de ga shana dat nngai. Nang hpe ngai chyu sha n rai, teng man ai lam ni hpe chye chyang ai ni yawng mayawng kaja wa tsaw ra nga ma ai.

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.