KASA 1:1 - Jinghpaw Common Language Bible 2009

¹ Tsaw ra ai Htawhpilu e: Madu Yesu magam bungli galaw hpang ai shani kaw nna,

Jinghpaw Hanson Version Bible

¹ Yesu gaw, shi a lata la ai kasa ni hpe, Chyoi pra ai Wenyi hte ga matsun hkang da ngut nna, ntsa de shalun la hkrum ai nhtoi du hkra,

KASA 1:1 ပူးပေါင်းရင်းမြစ်များ

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

LUKA 1:24

Dai hpang shi a madu jan Elisabet na-um nasin hkum rai wa nna nta kaw na n pru ai shata manga tup up rawng nga ai.

LUKA 1:3

Ngai mung dai lam ni mahkra hpe nnan byin wa ai kaw nna npawt ndung hkren azin ayang san sagawn la ngut ai hpang arawng lu ai Htawhpilu e, na a matu matut manoi hkrak jaw ai hku Madu Yesu galaw ai hte sharin shaga ai lam ni hpe ka da yang mai na re ngu nna myit lu nngai.

LUKA 14:22

Gade n na yang shangun ma wa bai wa nna, ‘Madu e, nang shangun ai hte maren galaw ngut se ai, rai ti mung dung shara masha tsawmra mi a matu naw nga nga ai,’ ngu wu ai.

LUKA 24:19

Shi gaw, “Hpa lam ni rai ta?,” ngu nna bai san mu yang, shan gaw, “Nazaret mare na Yesu a lam rai nga ai; Ndai wa gaw myihtoi langai mi rai nna, Karai Kasang a man e mung, masha yawng a man e mung shi tsun ai hte galaw ai lam shagu hta n gun atsam rawng ai wa rai nga ai ngu nna myit sawn da hkrum ai wa rai nga ai.

LUKA 3:23

Yesu amu galaw hpang ai shaloi asak sumshi ning daram rai wa sai; shi gaw masha ni a myit yu ai hte maren, Yosep a kasha rai nga ai; Yosep gaw Heli a kasha Heli gaw Mahtat a kasha, rai nga ai.

KASA 2:22

Israela masha ni e, ga ndai ni hpe madat la mu! Karai Kasang gaw mauhpa magam amu ni hte lamik kumla ni hpe Nazaret wa ngu ai Yesu a lata hte nanhte a man e madun dan sai. Dai rai nna shi gaw Karai Kasang kaw na daru magam ahkang aya lu ai wa re ai lam dan leng wa sai. Dai lam ni gaw nanhte a man e byin lai wa sai majaw nanhte ni nan chye nga myit dai.