JAW JAU 9:3 - Jinghpaw Common Language Bible 2009

³ Dai hpang Israela amyu masha ni hpe htingrai hkungga a matu bainam la langai mi, wan nat hkungga a matu ra n rawng ai hte laning mi ladu hkrum sai sagu la langai mi,

Jinghpaw Hanson Version Bible

³ Bai Israela amyu masha ni hpe, Nanhte mung, htingrai hkungga di na matu, nam la langai mi; wan nat hkungga di na matu ra n rawng ai hte ladu hkrum sai dumsu kasha langai mi, sagu kasha langai mi:

JAW JAU 9:3 ပူးပေါင်းရင်းမြစ်များ

NINGPAWT NINGHPANG 37:31

Dai hpang bainam langai mi hpe shanhte sat nna, Yosep a palawng hpe de a asai hta kapruk bang mu ai.

EZRA 10:19

Shanhte gaw shanhte a madu jan ni hpe jahka kau na nga ga sadi jaw ma ai, shanhte shut kau ai yubak mara a matu sagu la langai mi shagu hkungga shatai let nawng ya ma ai.

EZRA 6:17

Dai ap nawng hpawng a matu, shanhte gaw usu latsa, sagu lahkawng tsa, hte sagu kasha mali tsa hpe shagu hkungga shatai let, Israela amyu bawsang shagu a matu, mara raw hkungga shatai na bainam shi lahkawng hpe mung nawng jau ya ma ai.

PRU MAT 12:5

Nanhte gaw sagu hpe rai ti mung, bainam hpe rai ti mung, lata san da lu na rai myit dai, rai ti mung dai gaw hpa mung ra n rawng ai hte laning mi ladu hkrum sai ala rai lu na myit dai.

ESAIA 53:10

Dai Madu gaw, “Shi hkrum sha ang ai nni nkri gaw nye a myit ra lam rai nga ai; shi a si hkam ai amu gaw mara raw dat ya na shagu hkungga rai nga ai. Dai rai nna, shi gaw shi a aru arat ni hpe mu na ra ai; shi gaw asak galu ai hte hkrung nga na ra ai, shi hku nna sha, nye a yaw shada ai lam awng dang wa na ra ai.

JAW JAU 10:16

Mawshe gaw htingrai hkungga a matu bainam tam san shaja nga yang, dai hpe nat kau nga manu ai hpe chye wu ai. Dai lam a majaw Eleaza hte Ihtama yan hpe shi pawt wu ai rai nna,

JAW JAU 12:6

Shadang sha shing n rai shayi sha shangai ai rai ti mung jasan jaseng ai nhtoi gu jang, wan nat hkungga a matu hkrudu shing n rai ura langai mi, dai Madu a hpung shingkang shanu nga ai Sum a shang wa chyinghka lam de hkinjawng wa kaw la sa na rai nga ai.

JAW JAU 14:10

Matsat ya ngu na shani e, shi gaw ra n rawng ai sagu la lahkawng hte laning mi ladu hkrum sai sagu yi hte hpawn tsanlun sau hte kayau ai shadung pawng manga, tsanlun sau hpak mi la sa na rai wu ai.

JAW JAU 16:15

Dai hpang amyu masha ni a matu htingrai hkungga shatai na bainam hpe mung shi sat nna, de a asai hpe Chyoi Pra Htum ai Shara de la sa nhtawm magap a ntsa e mung, Ga Shaka Sumpu a man e mung, usu sai hpe galaw ai zawn dai hpe lapri bun na rai wu ai.

JAW JAU 16:5

Israela shawa hpung ting gaw htingrai hkungga a matu bainam la lahkawng, wan nat hkungga a matu sagu la langai, Arun hpe sa ap ya na rai ma ai.

JAW JAU 23:12

Dai nsi naisi hkungga sak jaw ai shani hta ra n rawng ai laning mi ladu hkrum sai sagu la kasha hpe wan nat hkungga shatai nna nawng jau na rai wu ai.

JAW JAU 4:23

shi a hkungga shatai na matu ra n rawng ai bainam la langai mi la sa na rai wu ai.

JAW JAU 4:3

Hkinjawng Kaba wa nan yubak tawt lai nna amyu masha ni hpe mara kap hkra galaw ai rai yang, shi gaw ra n rawng ai usu hpe shi tawt lai kau ai yubak mara a matu dai Madu hpe shagu hkungga nawng jau na rai wu ai.

JAW JAU 9:2

Arun hpe, “Ya nang htingrai hkungga a matu ra n rawng ai usu kasha langai mi hte wan nat hkungga a matu sagu la langai mi la nna dai Madu hpe nawng jau na rai ndai.

JAW JAU 9:4

mahku hkungga a matu dumsu usu hte sagu la, la sa na tsun su. Dai ni hpe namman sau hte kayau ai shadung hkungga hte hpawn dai Madu hpe nawng jau na rai myit dai. Dai Madu gaw shanhte kaw dai ni dan pru na ra ai majaw shanhte dai hpe dai ni jang galaw ra na rai ma ai,” ngu nna tsun wu ai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.