JAW JAU 9:2 - Jinghpaw Common Language Bible 2009

² Arun hpe, “Ya nang htingrai hkungga a matu ra n rawng ai usu kasha langai mi hte wan nat hkungga a matu sagu la langai mi la nna dai Madu hpe nawng jau na rai ndai.

Jinghpaw Hanson Version Bible

² Ya nang htingrai hkungga di na matu ra n rawng ai dumsu kasha langai mi, wan nat hkungga di na matu ra n rawng ai sagu la langai mi la nna, Yehowa a man e nawng jau u, ngu wu ai.

JAW JAU 9:2 ပူးပေါင်းရင်းမြစ်များ

PRU MAT 29:1

“Da ndai gaw ngai hpe nawku daw jau ai amu hta hkinjawng amu ap nawng gun hpai na matu Arun hte shi a shadang sha ni hpe nang galaw shangun na lam rai nga ai. Ra n rawng ai usu kasha hte sagu la lahkawng, la sa na rai ndai.

EZEKELA 29:1

Anhte a bawng dung ai shi ning na shata shi a shi lahkawng ya shani e, dai Madu gaw ngai hpe ga shaga wu ai.

JAW JAU 1:10

Sagu hte bainam langai ngai nawng jau ai rai yang, dai hta lang ai hkungga gaw ra n rawng ai ala rai lu na rai nga ai.

JAW JAU 1:3

Dai wa gaw shi a dumsu hpe wan nat hkungga nawng jau ai rai yang, ra n rawng ai usu langai la sa na rai wu ai. Dai hpe dai Madu a hpung shingkang shanu nga ai Sum a shang wa chyinghka lam hta tawn da lu na rai nga ai. Dai Madu gaw dai wa hpe hkap la na ra ai.

JAW JAU 16:3

Shi gaw htingrai hkungga a matu usu langai, wan nat hkungga a matu sagu la langai la sa ngut ai hpang chyu sha dai Chyoi Pra Htum ai Shara de shi shang mai na rai wu ai,” ngu nna tsun wu ai.

JAW JAU 16:5

Israela shawa hpung ting gaw htingrai hkungga a matu bainam la lahkawng, wan nat hkungga a matu sagu la langai, Arun hpe sa ap ya na rai ma ai.

JAW JAU 4:3

Hkinjawng Kaba wa nan yubak tawt lai nna amyu masha ni hpe mara kap hkra galaw ai rai yang, shi gaw ra n rawng ai usu hpe shi tawt lai kau ai yubak mara a matu dai Madu hpe shagu hkungga nawng jau na rai wu ai.

JAW JAU 8:14

Mawshe gaw htingrai hkungga a matu, usu dun la nna de a baw hta Arun hte shi a shadang sha ni lata mara da ma ai.

JAW JAU 8:18

Dai hpang Mawshe gaw wan nat hkungga a matu sagu la dun la nna de a baw hta Arun hte shi a shadang sha ni a lata mara da nga ai.

JAW JAU 9:3

Dai hpang Israela amyu masha ni hpe htingrai hkungga a matu bainam la langai mi, wan nat hkungga a matu ra n rawng ai hte laning mi ladu hkrum sai sagu la langai mi,

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

HEBRE 5:3

Shi nan gawng kya nga ai majaw, masha kaga ni a yubak mara a matu sha n rai, shi nan a yubak mara a matu mung hkungga nawng la ra nga ai.

HEBRE 7:27

Shi gaw kaga hkinjawng agyi ni zawn shawng e tinang lu ai yubak mara ni a matu shani shagu hkungga nawng ya ra ai n rai. Shi gaw shi hkum nan hpe hkungga shatai nna nawng ya ai shaloi kalang mi hte ngut hkra nawng kau nu ai.