JAW JAU 8:9 - Jinghpaw Common Language Bible 2009

⁹ Shi gaw shi a baw hta bunghkaw hkaw ya nna de a man e dai Madu shi hpe hkang da ai hte maren ap nawng ai chyoi pra masat kumla rai nga ai ja htanbam bam ya wu ai.

Jinghpaw Hanson Version Bible

⁹ Shi a baw hta bunghkaw hkaw ya nna, dai chyoi pra ai ja htan bam mung man maga, bunghkaw hta, bam ya wu ai.

JAW JAU 8:9 ပူးပေါင်းရင်းမြစ်များ

PRU MAT 28:4

Shanhte hpe ndai sinda magap, hpa hkai lawng, ntsa palawng, maka ka ai palawng, bunghkaw hte shingkyit ni hpe galaw na matu tsun na rai ndai. Shanhte gaw na a nhpu Arun hte shi a shadang sha ni a matu ndai hkinjawng hpun palawng ni galaw na rai ma ai; shanhte gaw nye a matu hkinjawng amu gun hpai let daw jau lu na rai ma ai.

PRU MAT 29:6

Shi hpe bunghkaw hkaw ya nhtawm de a ntsa e, ‘Dai Madu a matu ap nawng ai,’ ngu nna tawk ka da ai chyoi pra ai ap nawng kumla gyit shakap da na rai wu ai.

PRU MAT 40:16

Mawshe gaw dai Madu hkang da sai hte maren, lam shagu hpe hkan galaw wu ai.

JAW JAU 8:36

Dai re ai majaw, dai Madu Mawshe hpe hkang da mada yawng Arun hte shi a shadang sha ni mung lam magup hkan galaw ma ai.

ZEHKARIA 3:5

Shi gaw Yawshu a baw hta san seng ai bunghkaw hkaw ya na matu ali ama ni hpe hkang dat wu ai. Shanhte mung hkang dat ai hte maren galaw ya ma ai, dai hpang dai Madu a lamu kasa dai yang e tsap nga yang, shanhte shi hpe bu hpun palawng nnan jahpun ya ma ai.