JAW JAU 8:8 - Jinghpaw Common Language Bible 2009

⁸ Shi gaw sinda magap hpe mung dagap ya nna dai hta Urim hte Htumim bang ya wu ai.

Jinghpaw Hanson Version Bible

⁸ Sinda magap mung shi dagap ya nna, sinda magap a kata e Urim hte Htumim bang da ya wu ai.

JAW JAU 8:8 ပူးပေါင်းရင်းမြစ်များ

EZRA 2:63

Urim hte Htumim chye lang ai hkinjawng langai garai n pru dingsa, Karai Kasang hpe nawng jau ya ai lusha hpe shanhte n sha lu na lam, Yuda munggyi shanhte hpe hkang da wu ai.

NEHEMIA 7:65

Urim hte Htumim chye lang ai hkinjawng langai garai n pru dingsa, Karai Kasang hpe nawng jau ya ai lusha n sha lu na lam, Yuda munggyi wa shanhte hpe hkang da nga ai.

PRU MAT 29:1

“Da ndai gaw ngai hpe nawku daw jau ai amu hta hkinjawng amu ap nawng gun hpai na matu Arun hte shi a shadang sha ni hpe nang galaw shangun na lam rai nga ai. Ra n rawng ai usu kasha hte sagu la lahkawng, la sa na rai ndai.

Shawlumon A Mahkawn Ga 8:6

Ngai hta lai nna na a tsaw ra myit masin kadai hpe mung hkum hpaw ya et; ngai hta lai kadai hpe mung hkum ahpum et. Tsaw ra myit gaw si hkrung si htan zawn n-gun ja nga ai; masin pawt ai gaw si hkrung si htan zawn n-gun ja nga ai. Dai gaw wan numli zawn kapaw ayai nna grung nga ai wan zawn hkru nga ai.

ESAIA 59:17

Shi gaw teng man rap ra ai tara ngu ai hpri palawng hpun nna hkye hkrang la ai daru magam n-gun ngu ai hpri gup chyawp chyawp na ra ai. Shi gaw amu ni hpe jaw hkra galaw na hte shut ai hku nni nkri hkam sha nga ai ni a matu ari jaw na hte matai htang na matu grai sharawng awng ai myit hte tinang hkum hta hpun da na ra ai.

BU HKAWM 27:21

Shi gaw nye a myit ra lam hpe Urim hte Htumim hte san ya ai hkinjawng Eleaza hpe kam hpa shamyet shanat na rai wu ai. Ndai hku nna, Eleaza gaw Yawshu hte Israela shawa hpung ting hte shanhte a magam bungli ni yawng hpe matsun madun na rai wu ai,” ngu nna tsun wu ai.

EHPESU 6:14

Dai rai nna nanhte a nshang hpe teng man ai hte shingkyit zawn kyit da nna, ding hpring ai hpe sinda magap zawn dagap nhtawm,

TARA JAHPRANG 33:8

Shi gaw Lewi amyu bawsang hte seng nna, ning nga nna tsun wu ai: “Madu e, nang gaw Urim hte Htumim lang nna na a myit ra ai hku madun dan nga ndai. Nang hta sadi dung ai Lewi shangun ma ni hte hpawn, Masa shara e shanhte hpe nang dinglik yu nit dai. Meriba hka kau e, shanhte hpe teng man ai sakse madun dan nit dai.

1 HTESALONI 5:8

Rai ti mung anhte gaw nhtoi a kashu kasha ni rai nga ga ai majaw htauli htaula hte sadi maja nga ra ga ai. Anhte gaw makam masham hte tsaw ra ngu ai sinda magap hpe dagap nna, anhte a hkye hkrang la hkrum na hpe myit mada ai lam ngu ai hpri gupchyawp chyawp nga ga.

1 SAMUELA 2:28

Tawn hkungri hta daw jau amu galaw na matu mung, manam pyaw ai bat nat nawng na matu mung, hpa hkai lawng hpun nna ngai hte bawng ban jahkrup na matu mung, Israela amyu bawsang ni yawng hta na nye a hkinjawng ni tai nga na matu, shi a dinghku hpe ngai lata la ni ai. Shing rai tawn hkungri ntsa nat ai shagu hkungga kumhtaw hkam la na ahkang ngai shanhte hpe jaw da ni ai.

1 SAMUELA 28:6

shi hpa galaw na lam dai Madu hpe san wu ai. Rai ti mung dai Madu gaw shi hpe yup mang hta mung, Urim hte Htumim lang ai hta mung, myihtoi ni hta mung mahtai loi mi mung n jaw ya wu ai.