JAW JAU 8:6 - Jinghpaw Common Language Bible 2009

⁶ Mawshe gaw Arun hte shi a shadang sha ni hpe shawng de woi sa wa nhtawm hka shin na matu tsun wu ai.

Jinghpaw Hanson Version Bible

⁶ Shing rai Mawshe gaw Yehowa hkang da ai hte maren Arun hte shi a shadang sha ni hpe shaga la nna hka shin ya nhtawm,

JAW JAU 8:6 ပူးပေါင်းရင်းမြစ်များ

SHAKAWN KUNGDAWN 26:6

Madu e, ngai mara n kap nga nngai hpe madun lu na matu, nye a lata hpe ngai kashin nngai; nawku daw jau na matu na a tawn hkungri hpe shinggrup hkawm nngai.

SHAKAWN KUNGDAWN 51:2

Nye a n hkru n shawp ai lam yawng hte hpe kashin kau ya nna, nye a yubak kaw na ngai hpe jasan jaseng la e!

SHAKAWN KUNGDAWN 51:7

Nye a yubak hpe la kau ya e, shing rai jang, ngai san pra wa lu na nngai; ngai hpe kashin la e, shing rai jang, ngai gaw hkyen hta pyi grau hpraw wa lu na nngai.

PRU MAT 29:4

“Nye a hpung shingkang shanu nga ai Sum chyinghka de Arun hte shi a shadang sha ni hpe woi sa nna htung lai hte maren, hka shin na shanhte hpe tsun u.

PRU MAT 30:19

Arun hte shi a shadang sha ni gaw shanhte a lagaw lata shin na hka lang na rai ma ai;

PRU MAT 30:20

shanhte gaw Sum kata de garai n shang yang mung, lusha hkungga nawng jau na matu tawn hkungri de garai n shanang sa yang mung lang na rai ma ai. Shaloi shanhte sat kau ai hkrum na ma ai n rai.

PRU MAT 40:12

“Arun hte shi a shadang sha ni hpe mung Sum a shang wa chyinghka lam de woi shang wa nna, htung hte maren hka shin na rai ma ai.

ESAIA 1:16

Nanhte a hkum ni hpe asan aseng kashin kau mu. Ngai mu mada ai nanhte galaw nga ai n hkru ai amu ni yawng hpe jahkring kau mu. Rai sa, n hkru ai amu galaw ai hpe kau da ai hte

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

JAW JAU 16:4

Dai hpang dai Madu gaw hkan sa na ga matsun ni jaw ya wu ai. Arun gaw dai Chyoi Pra Htum ai Shara de garai n shang yang hka shin nna hkinjawng hpun palawng bu hpun let lachyit palawng galu, labu kadun, shingkyit hte bunghkaw ni sumraw bu hpun na rai wu ai.

JAW JAU 8:5

shawa hpung masha ni hpawng nga ma yang, shi shanhte hpe, “Ya ngai galaw na lam gaw dai Madu hkang da ai lam rai nga ai,” ngu nna tsun wu ai.

ZEHKARIA 13:1

Chyahtum Chyalai N-gun rawng ai dai Madu gaw, “Dai aten du jang, Dawi a amyu matu mara ni hte Yerusalem mare masha ni a yubak mara hte hpara sumla nawku ai htung lai len jasan jaseng kau na hka hpawk langai pru wa na ra ai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

EHPESU 5:26

Madu shi a asak hpe nawng kau ai lam gaw, dai hpung hpe hka hte jasan jaseng kashin kau nhtawm, shi a mungga hte Karai Kasang kaw nawng jau ai hte

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

HEBRE 9:10

Dai lam ni gaw shahpa luhpa hte jasan jaseng ai htung lai amyu myu hte seng nna galaw ai lam ni sha rai nga ai. Dai ni gaw, Karai Kasang e ningnan bai gram lajang na ra ai aprat garai n du ai laman gan tawn da ai ntsa lam hte seng ai hkan sa tara ni rai nga ma ai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.