JAW JAU 8:23 - Jinghpaw Common Language Bible 2009

²³ Mawshe gaw dai hpe sat nhtawm asai loi mi la nna Arun a hkra na lapyen hta mung, hkra lata yungnu hta mung, hkra lagaw yungnu hta mung chya ya wu ai.

Jinghpaw Hanson Version Bible

²³ Sagu dai hpe sat nhtawm Mawshe gaw de a sai la nna, Arun a hkra na lapyen hta mung, hkra lata yung nu hta mung, hkra lagaw yung nu hta mung chya ya wu ai.

JAW JAU 8:23 ပူးပေါင်းရင်းမြစ်များ

PRU MAT 29:20

Dai hpe sat nhtawm, de a asai nkau mi la nna Arun hte shi a shadang sha ni a hkra maga na na lapyen hta mung, hkra lata yungnu hta mung, hkra lagaw yungnu hta mung chya ya na rai ndai. Naw ngam ai asai hpe chyawm gaw tawn hkungri a man mali grup grup de ru hkaw na rai ndai.

PRU MAT 29:21

Tawn hkungri ntsa na asai hte namman sau loi mi la nna Arun hte shi a hpun palawng hta mung, shi a shadang sha ni hte shanhte a hpun palawng ni hta mung lapri bun ya na rai ndai. Shi hte shi a shadang sha ni hte shanhte a hpun palawng ni gaw ngai hta ap nawng da hkrum na mara ai.

JAW JAU 14:14

Hkinjawng wa gaw dai sagu la a asai loi mi la nna jasan jaseng na wa a hkra na lapyen hta mung, hkra lata yungnu hta mung, hkra lagaw yungnu hta mung chya ya na rai wu ai.

JAW JAU 14:17

Shi gaw shi a lata lahpan hta na namman loi mi hpe mung, sagu la a asai loi mi hpe mung la nna jasan jaseng hkrum sai wa a hkra na lapyen, hkra lata yungnu, hkra lagaw yungnu ni hta chya ya na rai wu ai.

JAW JAU 14:25

Dai hpang shi gaw sagu sat nhtawm sai loi mi la nna jasan jaseng na wa a hkra na lapyen hta mung, hkra lata yungnu hta mung, hkra lagaw yungnu hta mung chya ya na rai wu ai.

JAW JAU 14:28

Shi gaw lata hta naw ngam nga ai namman hpe jasan jaseng na wa a hkra na lapyen, hkra lata yungnu, hkra lagaw yungnu ni hta mi na sai chya ai shara hta nan hkan nna chya kahtap na rai wu ai.

JAW JAU 7:37

Ndai ni gaw wan nat hkungga, shadung hkungga, htingrai hkungga, mara raw hkungga, aya dang hkungga hte mahku hkungga ni a tara lam ni rai nga ai.

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

ROMA 6:13

Dai hta n-ga nanhte a hkum hkrang daw shan hpe mung n hkru n shawp ai hta asung jashawn na matu yubak hpe hkum ap ya myit. Shing rai na malai nanhte si ai kaw na hkrung rawt ai n re ai hku nna mung, ding hpring mai kaja ai lam ni hta jai lang hkam na matu mung tinang hkum hkrang hpe Karai Kasang kaw sak ya mu.

ROMA 6:19

(Nanhte gaw hkum shan hta gawng kya nna chye na na atsam nan n rawng nga myit dai majaw masha chye na loi ai shani shagu shaga ai baw ga hte tsun nngai.) Shawng de kalang mi nanhte gaw n hkru n kaja ai lam amyu myu galaw u ga nanhte a daw shan ni hpe awu asin re ai hte n hkru n shawp ai a lata de mayam tai na matu mahkra ap kau manit dai. Dai hte maren, ya e nanhte gaw san seng mai kaja ai amu galaw lu u ga, ding hpring ai a mayam ni tai na matu nanhte a daw shan ni mahkra hpe ap ya lu na rai myit dai.

1 KORINHTU 1:2

Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

1 KORINHTU 6:20

Madu gaw nanhte hpe jahpu manu daw nna mari da sai ni rai nga myit dai; dai re ai majaw, nanhte a hkum hkrang hpe Karai Kasang a hpung shingkang dan hkung na matu jai lang nga mu.

HPILIPI 1:20

Ngai gaw galoi mung nye a lit hpe n hprai ai sha, aten shagu hta rai ti mung, grau nna ya e rai ti mung, magrau grang ai atsam marai hte hpring tsup let, ngai hkrung ti mung, si ti mung nye a asak hkrung lam ting hta Hkristu a hpung shingkang dan hkung shangun na gaw nye a ra sharawng dik ai lam hte myit mada ai lam rai nga li ai.

HPILIPI 2:17

Lama rai nna, ngai sat kau hkrum wa ai rai yang, dai gaw nanhte Karai Kasang kaw nawng ya ai nanhte a makam masham a hkungga hte daw jau ai hkungri a ntsa e nye a asak hpe dumhpung hkungga zawn ru jaw nawng jau kau timung, ngai kabu nga nna nanhte hte rau kabu ninglaw nga nngai.

1 HTESALONI 5:22

n hkru n kaja ai lam shagu hpe koi yen kau mu.

HEBRE 2:10

Yawng mayawng hpe hpan da nna bau sin yu lanu lahku nga ai Karai Kasang gaw, kasha ni law law hpe hpung shingkang hkam la shangun lu na matu nni nkri hkam ai hku nna Yesu hpe jahkum shatsup ya wu ai. Ning rai Karai Kasang galaw ai lam gaw mai ang ai lam sha rai nga ai, hpa majaw nga yang, shanhte hkye hkrang la hkrum na matu woi wa ai wa gaw Yesu nan rai nga ai.

HEBRE 5:8

Shi gaw Karai Kasang a Kasha nan rai nga ai, rai ti mung nni nkri hkam ai hte madat mara ai lam hpe sharin la wu ai.