JAW JAU 8:12 - Jinghpaw Common Language Bible 2009

¹² Shi gaw namman sau loi mi la nhtawm Arun a baw hta ru jaw ya nna aya dang ya wu ai.

Jinghpaw Hanson Version Bible

¹² Dai chya ai namman hpe Arun a baw hta ru jaw nhtawm, shi hpe chya nna shachyoi shapra wu ai.

JAW JAU 8:12 ပူးပေါင်းရင်းမြစ်များ

SHAKAWN KUNGDAWN 133:2

Dai gaw, Arun a baw hte nhka mun kaw nna, shi a palawng du hkawp du hkra, byawng hkrat mat wa ai manu dan ai namman sau zawn rai nga ai.

PRU MAT 28:41

Na nhpu Arun hte shi a shadang sha ni hpe ndai hpun palawng ni hte shabu jahpun na rai nga ndai. Dai hpang shanhte hpe aya dang ya nna ap nawng ai hte tsanlun sau chya ya ai hte hkinjawng amu hte nye a matu daw jau amu galaw na rai ma ai.

PRU MAT 29:7

Dai hpang namman sau la nhtawm shi a baw ntsa e ru bun let, shi hpe namman sau chya ya na rai nga ndai.

PRU MAT 30:30

Dai hpang Arun hte shi a shadang sha ni hpe namman sau chya ya nhtawm, nye a amu hta hkinjawng amu gun hpai nga na matu shanhte hpe aya dang ya na rai nga ai.

JAW JAU 10:7

Nanhte gaw dai Madu a namman sau chya nna ap nawng da hkrum manit dai majaw si ai mung n hkrum myit ga; Sum a shang wa chyinghka shinggan de hkum pru myit,” ngu nna tsun wu ai. Shanhte mung Mawshe tsun ai hte maren galaw ma ai.

JAW JAU 4:3

Hkinjawng Kaba wa nan yubak tawt lai nna amyu masha ni hpe mara kap hkra galaw ai rai yang, shi gaw ra n rawng ai usu hpe shi tawt lai kau ai yubak mara a matu dai Madu hpe shagu hkungga nawng jau na rai wu ai.

JAW JAU 7:36

Dai shani e, nat nawng ai kumhpa daw chyen ni, shanhte hpe jaw na matu dai Madu gaw Israela masha ni hpe hkang da nu ai. Israela amyu masha ni gaw ndai hkang da ai tara ni hpe prat mi hte prat mi madat mara lu na rai ma ai.

JAW JAU 8:30

Mawshe gaw chya na namman sau hte tawn hkungri ntsa na sai loi mi la nhtawm Arun hte shi a shadang sha ni hte shanhte a hpun palawng ni hta lapri bun ya wu ai. Ndai hku nna shanhte hpe mung, shanhte a hpun palawng ni hpe mung dai Madu hta ap nawng ya wu ai.