JAW JAU 8:11 - Jinghpaw Common Language Bible 2009

¹¹ Shi gaw namman sau loi mi la nna tawn hkungri a ntsa e sanit lang lapri bun let dai hte seng ai arai nlang hte hpe mung, ntsin htung hte de a shadun ni hpe mung dai Madu a matu ap nawng da wu ai.

Jinghpaw Hanson Version Bible

¹¹ Dai namman hte tawn hkungri a ntsa e sanit lang lapri bun nna, tawn hkungri hte seng ai rai nlang hpe mung ntsin htung hte de a shadun hpe mung chya nna shachyoi shapra wu ai.

JAW JAU 8:11 ပူးပေါင်းရင်းမြစ်များ

PRU MAT 16:14

Dai numri ni hkoi mat jang, dai nam mali na ga man hta hkyen dingsi zawn din din re ai arai kaji mi taw nga ai.

PRU MAT 16:19

Mawshe gaw shanhte hpe, “Kadai mung dai hta na loi mi hpe pyi hpawt ni a matu n tawn da lu na rai myit dai,” ngu nna tsun wu ai.

PRU MAT 29:36

Nang gaw shani shagu shagu hkungga usu langai ngai nawng jau lu na rai ndai; shaloi yubak raw dat ai hkrum na rai ndai. Dai gaw tawn hkungri hpe jasan jaseng ya nga ai. Dai hpang dai hpe shachyoi shapra na matu tsanlun sau chya ya na rai ndai.

PRU MAT 29:37

Dai amu hpe shani shagu ngu na nhtoi sanit ya tup galaw na rai ndai. Tawn hkungri gaw tsep kawp chyoi pra wa nna, dai hpe sa ahtawk hkra ai wa hte hkra ai arai hpa mung, de a chyoi pra ai daru magam hpung shingkang a majaw machyi ai hkrum na rai wu ai.

PRU MAT 30:29

Ndai hku nna dai amu ni hpe ap nawng galaw ai hte dai ni mung tsep kawp chyoi pra mat na mara ai; dai ni hpe ahtawk hkra ai wa mung, ahtawk hkra ai arai hpa mung de a chyoi pra ai daru magam hpung shingkang n-gun a majaw machyi tsin-yam hkrum na rai ma ai.

PRU MAT 4:17

Ndai dawhkrawng hpe mung nang hte rau lang da u; dai hte mahtang mauhpa lamik kumla ni hpe shabyin lu na rai ndai,” ngu nna tsun wu ai.

PRU MAT 4:6

Dai Madu gaw Mawshe hpe kalang mi bai, “Na a lata hpe palawng galu kata de bang dat u,” ngu nna tsun wu ai. Mawshe mung tsun ai hte maren galaw nna shi a lata hpe bai shaw la wu yang, hkyen zawn ateng apang rai hpraw nna ana kap mat wu ai.

ESAIA 52:15

Rai ti mung, ya chyawm gaw masha amyu baw law law ni shi hpe yu mau na mara ai, hkawhkam ni gaw ga n shaga ai sha mau mat na mara ai. Shanhte gaw shanhte galoi mung n chye na yu ai arai lama mi hpe mu lu nna chye na wa na mara ai,” ngu nna tsun ai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

JAW JAU 14:16

dai hpe shi a hkra layung hte tsing la let dai Madu a man e sanit lang lapri bun na rai wu ai.

JAW JAU 4:17

dai hta shi layung kapruk la nhtawm nba grang a man e sanit lang lapri bun na rai nga ai.

JAW JAU 4:6

Shi gaw sai hta shi a layung kapruk la nhtawm chyoi pra ai nba grang a man e sanit lang lapri bun na rai wu ai.

TITU 3:6

Karai Kasang gaw, anhte hpe hkye hkrang la ai Madu Yesu a marang e, Chyoi Pra ai Wenyi hpe anhte a ntsa e n taw n tsang ru bun ya mi ai.