JAW JAU 7:7 - Jinghpaw Common Language Bible 2009

⁷ Htingrai hkungga hte mara raw hkungga gaw tara langai sha rai nga ai majaw shagu hkungga nawng ya ai dai hkungga shan gaw hkinjawng wa a matu rai nga ai.

Jinghpaw Hanson Version Bible

⁷ Mara raw hkungga mung htingrai hkungga zawn rai nga ai rai nna tara langai sha rai nga ai: dai hte hkap htingrai htingrat ya ai hkinjawng wa gaw, dai hkungga shan mai la na rai wu ai.

JAW JAU 7:7 ပူးပေါင်းရင်းမြစ်များ

2 HKAWHKAM 12:16

Mara raw hkungga hte yubak hkungga ni a matu jaw ya ai gumhpraw hpe chyawm gaw sumpu hta n mahkawng ma ai; dai gaw hkinjawng ni a matu rai nga ai.

2 HKAWHKAM 12:17

Dai aten hta Suri Hkawhkam Hazaela gaw Gat mare hpe shang gasat nna madu la wu ai. Dai hpang Yerusalem mare hpe mung gasat la na myit daw dan da wu ai.

JAW JAU 14:13

Shi gaw htingrai hkungga hte wan nat hkungga nawng ya na matu yam nga sat ai dai chyoi pra ai shara hta sagu la sat na rai wu ai. Hkinjawng wa gaw htingrai hkungga la lu ai zawn mara raw hkungga a majaw ndai amu hpe shi galaw lu na rai wu ai, dai gaw grai chyoi pra nga ai.

JAW JAU 2:10

Ngam ai gaw hkinjawng ni a matu rai nna, dai gaw dai Madu hpe lusha nawng ya ai hta na shaw la nga ai majaw grai chyoi pra nga ai.

JAW JAU 2:3

Ngam ai shadung hkungga gaw hkinjawng ni a matu rai nna dai Madu hpe lusha hkungga nawng ya ai hta na shaw la ai majaw dai gaw grai chyoi pra nga ai.

JAW JAU 7:8

Shagu hkungga nawng ya ai hkinjawng wa gaw wan nat hkungga nawng ya ai yam nga a ahpyi la na rai wu ai.

BU HKAWM 5:8

Rai ti mung dai wa si mat nna htingrai ja hkap la na jinghku mung n nga ai rai yang, hkinjawng wa a matu ngu nna dai Madu hpe jaw na rai wu ai. Mara kap ai wa a matu jasan jaseng ai a amu galaw na sagu la langai mi hpe mung jat jaw na rai wu ai.

1 KORINHTU 10:18

Israela amyu masha ni a jaw jau ai htung hpe myit sawn yu mu; Shagu hkungga nawng ai ashan hpe sha ai ni gaw dai tawn hkungri hta jawm nawku daw jau ai ni rai nga ma ai n rai ni?

1 KORINHTU 9:13

Nawku Htingnu kata hta chyoi pra ai bungli gun hpai ai ni gaw, Nawku Htingnu kaw na sha hpa lu la ma ai hpe mung, tawn hkungri hta hkungga nawng ai ni gaw, hkungga kaw na hkambum lu ma ai hpe mung, nanhte teng teng chye nga myit dai.