JAW JAU 7:30 - Jinghpaw Common Language Bible 2009

³⁰ Shi gaw yam nga sau hte hpawn sinda hpe dai Madu a matu laksan kumhpa shatai na sak jaw na rai wu ai.

Jinghpaw Hanson Version Bible

³⁰ Yehowa a matu wan hte nawng ai hkungga hpe shi hkum nan la sa na rai wu ai: Yehowa a man e dai sinda hpe nwat hkungga di na matu, sau man hte hpawn la sa na rai wu ai.

JAW JAU 7:30 ပူးပေါင်းရင်းမြစ်များ

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

JAW JAU 10:14

Rai ti mung hkinjawng ni a matu ngu nna dai Madu hpe laksan kumhpa hku nawng jau ai sinda hte hpang lagaw hpe nang hte na a dinghku masha ni sha mai nga ai. Dai hkungga ni gaw Israela amyu masha ni jaw jau ai mahku hkungga ni hta na nang hte na a kashu kasha ni hpe jaw da sai kamhtaw rai nga ai.

JAW JAU 10:15

Dai Madu hpe lusha hkungga hku nawng ya ai sau man hte hpawn, hpang lagaw hte sinda hpe mung shanhte la sa na rai ma ai. Dai gaw dai Madu hkang da ai hte maren nang hte na a kashu kasha ni prat dingsa madu lu na kamhtaw rai nga malit dai,” ngu nna tsun wu ai.

JAW JAU 3:14

dai Madu a man e lusha hkungga shatai na dai yam nga a pu kan na sau yawng,

JAW JAU 3:9

lusha hkungga shatai na dai yam nga kaw na sau man, marung jahtum na nmai pawt, pu kan hta na sau yawng,

JAW JAU 8:27

Arun hte shi a shadang sha ni a lata hta dai lusha yawng tawn da ya wu ai rai nna shanhte mung laksan kumhpa langai zawn dai Madu hpe nawng ya ma ai.

JAW JAU 8:29

Dai hpang Mawshe gaw sinda hpe mung la nna dai Madu hpe laksan kumhpa hku nawng jau ya wu ai. Dai aya dang ai sagu sinda gaw Mawshe a kamhtaw rai nga ai. Mawshe gaw dai Madu hkang da ai hte maren lam shagu galaw wu ai.

JAW JAU 9:20

mara nna tawn hkungri de dai ni yawng hpai sa wa wu ai. Shi gaw tawn hkungri ntsa hta sau nat nna,

JAW JAU 9:21

Mawshe hpe hkang da nu ai hte maren, sinda hte hkra magyi ni hpe hkinjawng ni a matu nga nna dai Madu hpe laksan kumhpa sak jaw ya nga ai.

BU HKAWM 6:20

Dai hpang hkinjawng wa gaw dai ni hpe laksan kumhpa shatai nna dai Madu hpe sak jaw na rai wu ai. Dai ni gaw hkinjawng wa a matu chyoi pra ai hkungga rai nga ai. Dai hta kaga, tara hte maren sinda hte sagu la a lagaw hpe mung hkinjawng wa madu la lu na rai wu ai. Dai hpang mahtang Nazari wa sabyi ntsin lu mai na rai wu ai.

BU HKAWM 8:11

Arun gaw dai Lewi masha ni hpe Israela amyu masha ni hta na laksan kumhpa langai zawn nye a matu ap nawng na rai wu ai; shaloi nye a magam amu hpe shanhte galaw mai na rai ma ai.

YAWHAN 10:18

Gade e mung nye a asak hpe nawng kau shangun ai n rai. Nye a myit hte ngai nawng ya kau nngai. Nawng ya kau na ahkang hte bai la na ahkang ngai lu nngai. Shing rai galaw na matu nye Wa gaw ngai hpe hkang da ni ai,” ngu mu ai.

2 KORINHTU 8:12

Nanhte hta jaw ya mayu ai shawang myit rawng ai rai yang, Karai Kasang gaw nanhte a rai lu ai made jaw ya ai kumhpa hpe hkap la na ra ai. Nanhte n rai lu ai hpe Karai Kasang hpyi na n rai.

TARA JAHPRANG 18:3

Sagu dumsu ni hpe shagu hkungga hku nawng ya shagu, hkinjawng wa hpe lahpa, shabyi hte pu kan ni jaw na rai myit dai.