JAW JAU 7:25 - Jinghpaw Common Language Bible 2009

²⁵ Kadai rai ti mung dai Madu hpe nawng jau ai lusha hkungga ngu na yam nga asau sha ai wa gaw Karai Kasang a amyu masha hta na sumri dan kau ai hkrum na rai nga ai.

Jinghpaw Hanson Version Bible

²⁵ Kadai rai timung, Yehowa hpe wan hte nawng jau ai hkungga hta na sau man sha ai wa gaw, shi a amyu hta na sumri dan kau ya ai hkrum lu na wu ai.

JAW JAU 7:25 ပူးပေါင်းရင်းမြစ်များ

NINGPAWT NINGHPANG 17:14

Matu gadoi n hkam ai lasha kadai rai ti mung nye a amyu masha hta na sumri dan kau ai hkrum na rai nga ai; hpa majaw nga yang ngai hte shaka tawn ai ga shaka hpe shi n hkan shatup ai majaw rai nga ai,” ngu nna tsun wu ai.

PRU MAT 29:25

Dai hpe shanhte a lata na la nhtawm ngai hpe malu masha hkungga nawng jau ai zawn, tawn hkungri na wan nat hkungga a ntsa e nat na rai nga ai. Dai manam pyaw ai hkungga sangau gaw ngai hpe awng sharawng shangun na ra ai.

JAW JAU 3:17

Israela amyu masha ni kadai mung sau man hte asai sha lu na n rai; dai gaw Israela amyu masha ni yawng shanu nga ai shara shagu hta prat tup hkan galaw shadik shatup na hkang da ai ga matsun rai nga ai.

JAW JAU 7:20

Rai ti mung, n san n seng ai wa kadai mung dai hpe sha ai rai yang, shi gaw Karai Kasang a amyu masha hta na sumri dan kau ai hkrum na rai wu ai.

JAW JAU 7:21

Masha hta na mung, yam nga hta na mung, htung hte maren n san n seng ai arai hpa baw hpe mung shi hkra kau ai hpang ndai hkungga ashan hpe sha hkrup ai rai yang, shi gaw Karai Kasang a amyu masha hta na sumri dan kau ai hkrum na rai wu ai.

JAW JAU 7:24

shi hkrai si ai hte matse labye e kawa sat ai yam nga a sau hpe kaga lam a matu lang lu ti mung, sha lu na myit dai n rai.

JAW JAU 7:26

Israela amyu masha ni shanu nga ai shara shagu hkan lusha a matu u sai hte yam nga asai galoi mung lang lu na myit dai n rai.

JAW JAU 7:27

Ndai tara hpe jahten sharun ai wa kadai mung Karai Kasang a amyu hta na sumri dan kau ai hkrum na rai wu ai.