JAW JAU 7:18 - Jinghpaw Common Language Bible 2009

¹⁸ Masum ya nhtoi hta dai kaw na kachyi sha mi sha ai rai yang, dai masha wa a hkungga hpe Karai Kasang hkap la ya na wu ai n rai. Dai hkungga gaw n sharawng mai ai hte n san n seng ai hku sawn kau hkrum nga sai majaw, dai sha ai wa kadai mung de a nni nkri hkam sha lu na rai wu ai.

Jinghpaw Hanson Version Bible

¹⁸ Rai timung dai mahku hkungga ashan hpe masum ya nhtoi hta sha ai wa gaw sharawng awng ya ai hkrum na n rai: jau ai wa mung chyeju lu la na n rai; dai gaw matsat shabat rai na ra ai rai nna, sha ai wa gaw tinang a yubak hkrum lu na rai wu ai.

JAW JAU 7:18 ပူးပေါင်းရင်းမြစ်များ

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

ESAIA 65:4

Shanhte gaw shana e si mat sai masha ni a tsu minla ni hte ga shaga na matu lungpu hku ni hte lupwa ni de sa ma ai. Shanhte gaw wa shan sha nna, tara maigan shagu hkungga nawng jau ai hta na shan shapyaw si mai ntsin ni hpe lu ma ai.

ESAIA 66:3

“Dai amyu masha ni gaw shanhte awng sharawng ai hte maren galaw ma ai. Shanhte gaw dumsu usu hpe shagu hkungga shatai na matu mung, shinggyim masha hpe shagu hkungga shatai na matu mung sat ma ai; shanhte gaw sagu kasha hpe shagu hkungga nawng nna gwi a du hpe gang daw ma ai; shanhte gaw shadung hkungga nawng ya ma ai, wa asai hpe mung nawng ya ma ai; shanhte gaw manam pyaw ai baw hkungga nawng ma ai, hpara sumla kaw akyu hpyi ma ai. Shanhte gaw matsat shabat re ai nawku lai ni hta sharawng awng ma ai. Dai ni yawng gaw shanhte a matu maren sha rai nga ai.

YEREMIA 14:10

Dai Madu gaw ndai amyu masha ni hte seng nna, “Shanhte gaw ngai kaw nna hprawng mat wa na ra sharawng ma ai; shanhte gaw tinang hkum ni hpe hkang lu na mara ai n rai. Dai majaw, ngai gaw shanhte hpe awng sharawng nga nngai n rai. Shanhte galaw shut kau sai mara ni hpe ngai dum nga nna shanhte a yubak ni a majaw shanhte hpe ari jaw na we ai,” nga nna ngai hpe tsun ai.

YEREMIA 14:12

Shanhte lusha gam tim pyi, ngai gaw karum la na matu shanhte a hpyi jahtau ai nsen hpe madat ya na n rai; shanhte gaw ngai hpe wan nat hkungga hte lusha hkungga ni hpe nawng jau yang pyi gaw, dai ni hta ngai awng sharawng nga na nngai n rai. Shing rai na malai, ngai gaw shanhte hpe majan, kawsi hpang gara ai hte ana zinli ni hte sat kau na we ai,” ngu nna tsun ai.

EZEKELA 18:20

Yubak galaw ai wa gaw si na ra ai. Kawa galaw ai yubak ni a majaw kasha hkam ra na n rai, kasha galaw ai yubak ni a majaw kawa hkam na ra ai n rai. Mai kaja ai masha wa gaw shi galaw ai mai kaja ai amu a majaw shagrau sha-a hkrum nna, n hkru ai masha wa gaw shi galaw ai n hkru ai amu a shabrai hpe hkam la na ra ai.

HOSEA 8:13

Shanhte gaw nye a matu shagu hkungga ni nawng ya ai hte hkungga shan ni sha ma ai. Rai ti mung dai Madu ngai nan dai ni hpe awng sharawng ai n rai; ya chyawm gaw shanhte a yubak ni hpe ngai dum nga nna, de a matu shanhte hpe ari jaw na nngai; ngai gaw shanhte hpe Egutu mung de nhtang kau dat na we ai!

JAW JAU 10:17

shi gaw, “Hpa majaw chyoi pra ai shara hta htingrai hkungga hpe nan sha myit ni? Dai gaw grai chyoi pra ai rai nna shawa hpung ting a yubak mara la kau ya na matu nanhte hpe dai Madu jaw da manit dai.

JAW JAU 10:19

Arun gaw, “Dai ni ngai htingrai hkungga sha kau ai rai yang, dai Madu ra sharawng na nu ai kun? Ndai amyu masha ni dai Madu hpe dai ni htingrai hkungga nawng ya ai hte wan nat hkungga la sa ma ti mung, dai hkrit hpa amu ni ngai hta naw byin nga ai,” ngu nna htan wu ai.

JAW JAU 11:41

Ga ntsa e hkawm ai dusat kaji ngu na lagaw n tu ai sha

JAW JAU 17:16

Shi gaw dai lam hpe n hkan n sa ai rai yang, tinang galaw ai mara hte maren hkam sha na rai ma ai.

JAW JAU 19:5

“Mahku hkungga a matu yam nga sat myit dai shaloi nanhte hpe ngai jaw da sai tara ni hpe hkan shatup mu; shaloi hkungga ni hpe ngai hkap la na nngai.

JAW JAU 20:17

Masha langai ngai shi a kajan shing n rai kanu kaga ga rai tim kawa pawng ai kajan hpe la ai rai yang, dai gaw shawa man e kaya kahpa lam rai nga ai majaw shawa hpung kaw na gawt shapraw kau hkrum na rai ma ai. Shi mahtang shi a kajan hte nga sha kau nu ai majaw de a mara hpe hkam sha lu na rai wu ai.

JAW JAU 20:19

Marai langai ngai gaw shi a kamoi hte kanawn ai rai yang shan lahkawng jauwawng wawng ai majaw de a mara hkam sha lu na rai wu ai.

JAW JAU 22:16

shing re ai wa chyawm gaw mara lu nna ari hkam la na rai wu ai. Ngai gaw dai hkungga ni hpe shachyoi shapra ai dai Madu rai nga nngai.”

JAW JAU 22:23

Jaw mayu hkungga a matu hkum kadun ai yam nga rai ti mung, hkum hkrang n hkum ai yam nga rai ti mung, nawng ya mai nga ai; rai ti mung dai gaw ga shaka hpe shatup ai shaloi hkap la nga ai n rai.

JAW JAU 22:25

Maigan wa a lata kaw na lu la ai yam nga hpa hpe mung lusha hkungga shatai nna nawng ya lu na myit dai n rai; dai zawn re ai yam nga ni gaw ra rawng nga ai hte n mai hkap la ai baw rai nga ai ngu, myit la ra na myit dai.

JAW JAU 5:17

Marai langai ngai gaw dai Madu hkang da ai lam lama ma hpe n dum shami yubak galaw hkrup kau ai rai yang, mara lu nga ai rai nna yubak ari gun lu na rai nga ai.

JAW JAU 7:19

N san n seng ai ngu nna masat da ai arai hte hkra ai rai yang, dai hkungga shan sha lu na n rai; wan hta nat kau na rai wu ai. Kadai rai ti mung htung hte maren san seng ai wa gaw dai ashan sha mai nga ai.

AMO LAIKA (AMOS) 5:22

Nanhte nye a matu wan nat hkungga hte shadung hkungga ni nawng jau ai shaloi, dai ni hpe ngai hkap la na n rai; nanhte kaw tawn da ai yam nga ni hte hkungga nawng jau ti mung ngai hkap la na n rai.

MALAHKI 1:10

Chyahtum Chyalai N-gun rawng ai dai Madu gaw, “Nye a tawn hkungri ntsa e akyu n rawng ai wan n sa shachyi lu myit ga, nanhte hta na marai langai ngai Nawku Htingnu chyinghka ni hpe la kau wu ga, ngai ra sharawng nga nngai. Ngai nanhte hpe n ra nngai; nanhte ngai hpang de la sa ai shagu hkungga ni hpe ngai hkap la na n rai.

MALAHKI 1:13

Nanhte gaw, ‘Ndai lam yawng mayawng a majaw anhte kade sha hki ba saga a hka!,’ ngu nna tsun let ngai hpe ladi sharawt dan myit dai. Lagu la ai, shing n rai lagaw hten ai, shing n rai machyi ai dusat langai ngai nanhte la sa nna ngai hpe nawng ya myit yang, nanhte kaw na dai hpe ngai hkap la na re ngu, myit nawn da myit ni?

BU HKAWM 18:27

Dai laksan kumhpa mahtang sun hkauna galaw ai wa nai mam hte sabyi nnan galaw shapraw nna nawng ya ai hkungga hte maren nawng ya nga na rai myit dai.

LUKA 16:15

Yesu gaw, “Nanhte gaw masha ni a man e, tinang a hkum hpe teng man ai masha ni re ngu ai hku mu shangun nga myit dai; rai ti mung, Karai Kasang gaw myit masin ni hpe chye ya nga ai. Hpa majaw nga yang, masha e jahpu shareng nna shagrau ai arai ni gaw Karai Kasang a man e manu n rawng nga ai.

ROMA 4:11

Shi gaw Karai Kasang e ding hpring ai ngu nna sawn ya ai hpe hkam la ngut ai hpang e she matu gadoi ai hking hpe hkam la wu ai. Dai matu gadoi ai hking gaw, Abraham a makam masham a majaw matu gadoi hking garai n hkam la ai kaw nna Karai Kasang e ding hpring ai ngu ya hkrum ai hpe madun dan ai masat dazik kumla nan rai nga ai. Dai re ai majaw Abraham gaw matu gadoi ai hking n hkam la ti mung, Karai Kasang hpe kam sham ai a marang e ding hpring ai ngu ya hkrum wu ai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.