JAW JAU 7:1 - Jinghpaw Common Language Bible 2009

¹ Ndai gaw mara raw hkungga a matu hkan sa na tara ni rai nna dai gaw grai chyoi pra nga ai.

Jinghpaw Hanson Version Bible

¹ Da ndai gaw mara raw hkungga a tara rai nga ai: dai gaw chyoi pra htum ai rai nga ai.

JAW JAU 7:1 ပူးပေါင်းရင်းမြစ်များ

2 HKAWHKAM LABAU 31:14

Nawku Htingnu a Sinpraw Chyinghka sin ai du Lewi masha Imna a kasha Kore gaw dai Madu a matu sak jaw ai kumhpa ni hkap la nna bai garan jaw ya ai hpareng wa rai nga ai.

EZEKELA 40:39

Ndai shawng du ai gawk hta kade nde ku lahkawng hkawng rai nga ai ku mali rawng ai gawk mung nga nga ai. Dai ku ntsa ni hta hkum ting nat nawng na shagu hkungga, mara raw hkungga hte htingrai htingrat hkungga ni a matu nawng jau na dusat ni hpe shanhte sat ma ai.

EZEKELA 44:29

Shadung hkungga, mara raw hkungga hte hka bai wa ai hkungga ashan ni mung hkinjawng ni a lusha rai nna, nye a matu ngu nna san da ai yawng mayawng mung shanhte lu la na mara ai.

EZEKELA 46:20

“Ndai shara gaw hkinjawng ni htingrai htingrat hkungga hte mara raw hkungga shan ni hpe shadu nna, shadung hkungga ni hpe kabaw ai shara rai nga ai; chyoi pra ai arai hpa hpe mung shinggan wang de shapraw lu na n rai, shing n rai yang dai gaw amyu masha ni hpe nni nkri jahkrum mai nga ai,” ngu nna tsun ai.

JAW JAU 21:22

Dai zawn re ai wa gaw ngai hpe nawng ya ai dai chyoi pra ai hkungga hte chyoi pra htum ai lusha hkungga yan hpe sha mai nga ai.

JAW JAU 5:11

Hkrudu lahkawng shing n rai ura lahkawng mung n jaw lu ai rai n yang, shi gaw htingrai hkungga shatai na mani ai shadung pawng lahkawng la sa na rai wu ai. Dai gaw shadung hkungga n re ai sha htingrai hkungga rai nga ai majaw de a ntsa e tsanlun sau hte manam pyaw ai baw lawban hpa mung bang mai na n rai.

JAW JAU 5:14

Dai Madu gaw Mawshe hpe lawu de na hkan sa na tara ni jaw ya wu ai.

JAW JAU 5:15

Kadai rai ti mung dai Madu a matu jaw shalai ra ai chyoi pra ai arai ni hpe n dum shami jaw dumhprut nna shut kau ai rai yang, dai Madu a matu htingrai hkungga shatai na ra n rawng ai sagu la shing n rai bainam la sa na rai nga ai. De a manu chyawm gaw tara shang lang ai joi jang hte maren daw dan sawn ya na rai nga ai.

JAW JAU 5:7

Masha langai ngai gaw sagu shing n rai bainam n lu jaw ai rai yang, shi a yubak raw hkungga shatai na hkrudu lahkawng shing n rai ura lahkawng hpe dai Madu hpang de la sa na rai wu ai; langai mi gaw mara raw hkungga a matu rai nna kaga gaw wan nat hkungga a matu rai na rai nga ai.

JAW JAU 5:8

Shi gaw dai hpe hkinjawng wa hpang de la sa nna hkinjawng wa mung htingrai hkungga a matu u shawng nawng jau na rai wu ai. Shi gaw u baw hpe n gang di ai sha de a du mahti daw na rai wu ai;

JAW JAU 6:25

Wan nat hkungga a matu yam nga sat ai shara dai tawn hkungri a dingdung maga hta htingrai hkungga a matu yam nga sat na rai ma ai. Dai gaw chyoi pra htum ai hkungga rai nga ai.

BU HKAWM 6:12

Dai shani jang, shi a kara hpe Nazari tai nga yang na zawn dai Madu a matu bai ap nawng na rai wu ai. Shi ap nawng da ai kara wu sin mat ai majaw lai sai aten ladaw hpe sawn ya na n rai. Mara raw hkungga a matu laning mi ladu hkrum sai sagu la langai la sa na rai wu ai.