JAW JAU 6:6 - Jinghpaw Common Language Bible 2009

⁶ Shi gaw dai Madu hpe htang jaw ai hkungga a matu kachyi mi mung ra n rawng ai sagu la shing n rai bainam hkinjawng wa hpang de la sa na rai wu ai. De a manu hpe chyawm gaw tara shang lang ai joi jang hte maren manu sawn la na rai nga ai.

Jinghpaw Hanson Version Bible

⁶ Shing rai dai wa gaw mara raw na hkungga a matu jahpu sawn nna hkrat ang ai made ging ai mara raw ai hkungga di na, ra n rawng ai sagu la Yehowa a man de hkinjawng wa kaw la sa lu na rai wu ai:

JAW JAU 6:6 ပူးပေါင်းရင်းမြစ်များ

EZRA 10:19

Shanhte gaw shanhte a madu jan ni hpe jahka kau na nga ga sadi jaw ma ai, shanhte shut kau ai yubak mara a matu sagu la langai mi shagu hkungga shatai let nawng ya ma ai.

NEHEMIA 10:35

Anhte gaw shawng shu la lu ai nsi naisi hte anhte a hpun ni hta na shawng myin ai namsi namsaw hkungga hpe Nawku Htingnu de shaning shagu la sa na ga ai.

EZEKELA 40:46

dingdung de man yawng ai gawk gaw tawn hkungri e daw jau ai hkinjawng ni a matu rai nga ai, nga nna ngai hpe tsun ai. Dai hkinjawng ni yawng mung Zadok a matu mara ni rai nhtawm, dai Madu a man e shang nna shi hpe daw jau na matu ahkang lu ai Lewi amyu hta na masha ni rai ma ai.

JAW JAU 14:12

Hkinjawng wa gaw sagu la langai mi la nna namman hpak mi hte hpawn mara raw hkungga a matu dai hpe nawng ya na rai wu ai. Shi gaw hkinjawng wa a matu dai Madu hpe laksan kumhpa shatai nna sak jaw wu ai.

JAW JAU 5:15

Kadai rai ti mung dai Madu a matu jaw shalai ra ai chyoi pra ai arai ni hpe n dum shami jaw dumhprut nna shut kau ai rai yang, dai Madu a matu htingrai hkungga shatai na ra n rawng ai sagu la shing n rai bainam la sa na rai nga ai. De a manu chyawm gaw tara shang lang ai joi jang hte maren daw dan sawn ya na rai nga ai.

JAW JAU 5:18

Shi gaw hkinjawng wa hpang de mara raw hkungga shatai na ra n rawng ai sagu la shing n rai bainam la langai mi la sa na rai wu ai. De a hkrat ang ai manu hpe chyawm gaw tara shang lang ai joi jang hte maren, manu sawn ya na rai nga ai. Hkinjawng wa gaw shi a n dum shami shut kau ai yubak mara a matu shagu hkungga nawng ya ai hte shi mung mara raw dat kau ya ai hkrum na ra ai.

JAW JAU 5:7

Masha langai ngai gaw sagu shing n rai bainam n lu jaw ai rai yang, shi a yubak raw hkungga shatai na hkrudu lahkawng shing n rai ura lahkawng hpe dai Madu hpang de la sa na rai wu ai; langai mi gaw mara raw hkungga a matu rai nna kaga gaw wan nat hkungga a matu rai na rai nga ai.