JAW JAU 6:2 - Jinghpaw Common Language Bible 2009

² Marai langai ngai gaw Israela manang wa ap da ai arai nhtang ap ya na ningdang kau let, shi kaw na arai lama ma lagu la ai, mawp sha ai,

Jinghpaw Hanson Version Bible

² Masha langai ngai, manang wa ap da ai arai, shing n rai tang da ai arai a lam masu la ai rai timung, manang wa a arai hpya lu hpya sha rai timung, manang wa hpe dip lu dip sha ai rai timung;

JAW JAU 6:2 ပူးပေါင်းရင်းမြစ်များ

NINGPAWT NINGHPANG 26:7

Dai yang na lasha ni shi a madu jan a lam hpe san mu ai rai nna, shi gaw ngai jan re, ngu wu ai, hpa majaw nga yang, Rebeka nachying ahpraw tsawm htap nga ai rai nna, dai yang na lasha ni Isak hpe sat kau nhtawm Rebeka hpe woi la kau ya na hpe shi hkrit tsang nga wu ai majaw shi a madu jan rai nga ai hpe shi n yin la gwi wu ai.

SHAKAWN KUNGDAWN 51:4

Ngai nang hpe yubak galaw shut kau ni ai- nang hpe chyu sha shut kau ni ai. Nang myit yu ai n hkru n shawp ai lam hpe ngai galaw shut kau ni ai. Dai majaw, ngai hpe tara jeyang ai hta nang gaw teng man nga ndai; ngai hpe daw dan jeyang ai hta nang ding hpring nga ndai.

GA SHAGAWP 24:28

Ra n rawng ai sha, marai langai ngai a lam hta sakse hkum hkam et; shi a lam hte seng nna numshe shang shangun ai ga hkum shaga et.

ESAIA 21:2

Ngai gaw mazut byin masa ni a shingran, gumle gumlau ai hte jahten shabyak ai shingran ni hpe mu se ai. Elam hpyen luksuk e, htim gasat mu! Medi hpyen luksuk e, mare ni hpe wang tawn mu! Karai Kasang gaw Babelon mung e shabyin nu ai nni nkri hpe jahtum kau na ra ai.

ESAIA 24:16

Anhte gaw mungkan ga a jahtum htum ai shara kaw nna ding hpring amyu baw rai nga ai Israela a shakawn kungdawn ai mahkawn mangoi ni hpe na wa na ga ai. Rai ti mung nye a matu myit mada shara hpa n nga nga ai! Ngai gaw n-gun lagaw angwi ngwi sha yawm mat wa nga nngai! Gumle gumlau ai ni gaw matut gumlau ai hte myit magaw ai ni gaw grau grau nna sawng wa nga ai.

ESAIA 33:1

Anhte a gumlau hpyen ni gaw dingnye hkrum nga ma ai! Shanhte hpe kadai e mung n hpya, gumle gumlau n galaw ti mung, shanhte mahtang hpya ai hte gumle gumlau di kau ma ai. Rai ti mung hpya kau na shanhte a aten hte gumle gumlau amu gaw htum mat na ra ai. Shanhte nan hpya lu hpya sha ai hte gumle gumlau ai amu a tsin-yam tsindam hkrum sha ai masha ni tai na mara ai.

YEREMIA 9:5

Shanhte yawng gaw shanhte a manang ni hpe lam woi shadam ma ai, kadai mung teng man ai ga n tsun ma ai; shanhte gaw shanhte a shinglet ni hpe masu ga tsun na matu sharin ya manu ai, shanhte gaw yubak galaw ai amu hpe kau da na ma ai n rai. Shanhte gaw kashun kashe du daw sai hkaw amu hpe langai hpang langai galaw ma ai, masu hkalem ai amu langai hpang langai galaw ma ai. Dai Madu gaw shi a amyu masha ni shi hpe ningdang kau nga ai ngu tsun ai.

EZEKELA 40:46

dingdung de man yawng ai gawk gaw tawn hkungri e daw jau ai hkinjawng ni a matu rai nga ai, nga nna ngai hpe tsun ai. Dai hkinjawng ni yawng mung Zadok a matu mara ni rai nhtawm, dai Madu a man e shang nna shi hpe daw jau na matu ahkang lu ai Lewi amyu hta na masha ni rai ma ai.

JAW JAU 1:3

Dai wa gaw shi a dumsu hpe wan nat hkungga nawng jau ai rai yang, ra n rawng ai usu langai la sa na rai wu ai. Dai hpe dai Madu a hpung shingkang shanu nga ai Sum a shang wa chyinghka lam hta tawn da lu na rai nga ai. Dai Madu gaw dai wa hpe hkap la na ra ai.

JAW JAU 19:11

“Masha arai hkum lagu; maw sha mawp sha ai hte masu magaw ga hkum tsun myit.

JAW JAU 5:15

Kadai rai ti mung dai Madu a matu jaw shalai ra ai chyoi pra ai arai ni hpe n dum shami jaw dumhprut nna shut kau ai rai yang, dai Madu a matu htingrai hkungga shatai na ra n rawng ai sagu la shing n rai bainam la sa na rai nga ai. De a manu chyawm gaw tara shang lang ai joi jang hte maren daw dan sawn ya na rai nga ai.

JAW JAU 5:19

Dai gaw dai Madu hpe shi shut kau ai yubak mara a matu mara raw ai hkungga rai nga ai.

JAW JAU 6:1

Dai Madu gaw Mawshe hpe lawu de na hkan sa na tara ni jaw ya wu ai.

AMO LAIKA (AMOS) 8:5

Nanhte gaw tinang hkum hpe, “Anhte a mam dut lu na matu chyoi pra ai nhtoi ni lai mat wa na anhte la nga ga ai. Bansa Nhtoi htum mat ai shaloi, anhte a arai mari la ai ni hpe n man ai joi jang ni lang nna, dang hpe kaji, joi hpe kaba shangun let manu kaba hte dut la lu na rai nga ga ai.

HABAKU 1:13

Rai ti mung, nang gaw ndai gumle gumlau rai nna n hkru ai masha ni hpe gara hku hkam sharang lu na rai nga n ta? Na a myi ni gaw n hkru ai hpe yu na matu naw san pra nga ai majaw shut hpyit amu galaw ai masha ni a man e, nang n hkam sharang lu nga ndai. Dai re ai majaw, shanhte gaw shanhte hta grau nna ding hpring nga ai masha ni hpe jahten shaza nga ma yang, nang hpa majaw atsin sha nga nga n ta?

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

KASA 5:4

Ga dachyawk hpe nang garai n dut yang na a rai nga ai, dut kau ai hpang mung dai gumhpraw gaw na a rai nga ai. Dai rai yang hpa majaw dai hku galaw na myit daw dan n ta? Nang gaw masha hpe masu ai n rai, Karai Kasang hpe masu kau nu ai,” ngu wu ai.

EHPESU 4:25

Dai majaw masu ai ga hkum tsun mu; langai hte langai gaw tinang a kam sham ai hpu nau wa hpe teng man ai ga sha tsun u ga, hpa majaw nga yang, anhte yawng gaw Hkristu ngu ai hkum hkrang a daw chyen ni rai nga ga ai.

KOLOSE 3:9

Shada da masu magaw ga hkum tsun myit; hpa majaw nga yang, dai gawng shingyan dingsa hte hpawn tinang a arawn alai ni hpe nanhte raw kau nna gawng shingyan ningnan hpe dagraw la manit dai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.