JAW JAU 5:7 - Jinghpaw Common Language Bible 2009

⁷ Masha langai ngai gaw sagu shing n rai bainam n lu jaw ai rai yang, shi a yubak raw hkungga shatai na hkrudu lahkawng shing n rai ura lahkawng hpe dai Madu hpang de la sa na rai wu ai; langai mi gaw mara raw hkungga a matu rai nna kaga gaw wan nat hkungga a matu rai na rai nga ai.

Jinghpaw Hanson Version Bible

⁷ Sagu kasha jaw na n lu jang gaw, dai shut ai mara a matu, yubak raw ai hkungga di na langai mi, wan nat hkungga di na langai mi di nna, hkrudu kasha lahkawng, shing n rai u ra kasha lahkawng Yehowa a man de la sa lu na rai wu ai.

JAW JAU 5:7 ပူးပေါင်းရင်းမြစ်များ

JAW JAU 12:6

Shadang sha shing n rai shayi sha shangai ai rai ti mung jasan jaseng ai nhtoi gu jang, wan nat hkungga a matu hkrudu shing n rai ura langai mi, dai Madu a hpung shingkang shanu nga ai Sum a shang wa chyinghka lam de hkinjawng wa kaw la sa na rai nga ai.

JAW JAU 12:8

Dai numsha mahtang sagu kasha n dang shapraw ai rai yang, ura lahkawng, shing n rai hkrudu lahkawng hpe wan nat hkungga a matu langai, htingrai hkungga a matu langai mi di nna la sa na rai wu ai. Hkinjawng wa gaw shi a n san n seng ai a matu htingrai htingrat ya na rai wu ai; shing rai shi gaw san seng wa lu na rai wu ai.

JAW JAU 14:30

Dai hpang shi gaw hkrudu shing n rai ura lahkawng hpe shadung hkungga hte hpawn,

JAW JAU 14:31

htingrai hkungga a matu langai mi, wan nat hkungga a matu langai mi nawng ya na rai wu ai. Ndai hku nna jasan jaseng ai amu hpe hkan shatsup lu na rai wu ai.

JAW JAU 15:30

Hkinjawng wa mung htingrai hkungga a matu langai mi, wan nat hkungga a matu langai mi shatai nna nawng na rai wu ai. Ndai hku nna shi a matu jasan jaseng ai amu hkan shatsup ya na rai wu ai.

JAW JAU 16:5

Israela shawa hpung ting gaw htingrai hkungga a matu bainam la lahkawng, wan nat hkungga a matu sagu la langai, Arun hpe sa ap ya na rai ma ai.

JAW JAU 27:8

Ga shaka tawn ai wa mahtang nau matsan nna tawn da ai manu hku n dang hkan ai rai yang, shi hpe hkinjawng wa hpang de woi sa nna hkinjawng wa mung dai wa lu jaw na atsam hte maren nem ai manu tawn da ya na rai wu ai.

JAW JAU 5:11

Hkrudu lahkawng shing n rai ura lahkawng mung n jaw lu ai rai n yang, shi gaw htingrai hkungga shatai na mani ai shadung pawng lahkawng la sa na rai wu ai. Dai gaw shadung hkungga n re ai sha htingrai hkungga rai nga ai majaw de a ntsa e tsanlun sau hte manam pyaw ai baw lawban hpa mung bang mai na n rai.

JAW JAU 7:1

Ndai gaw mara raw hkungga a matu hkan sa na tara ni rai nna dai gaw grai chyoi pra nga ai.

JAW JAU 9:3

Dai hpang Israela amyu masha ni hpe htingrai hkungga a matu bainam la langai mi, wan nat hkungga a matu ra n rawng ai hte laning mi ladu hkrum sai sagu la langai mi,

BU HKAWM 5:6

Dai Madu hta sadi sahka myit n rawng ai wa kadai mung marai langai ngai hpe shut hpyit ai shaloi,

BU HKAWM 6:10

Matsat ya ngu na nhtoi hta hkrudu lahkawng shing n rai ura lahkawng dai Madu a hpung shingkang shanu nga ai Sum a chyinghka lam de hkinjawng wa kaw la sa na rai wu ai.

BU HKAWM 6:11

Si mang hpe sa hkra wu ai majaw hkinjawng wa gaw htingrai hkungga a matu langai, wan nat hkungga a matu langai nawng ya nhtawm shi a matu san seng ai amu galaw ya na rai wu ai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

MAHTE 21:12

Yesu gaw Nawku Htingnu de shang nna, dai Nawku Htingnu kata e rai dut rai mari rai nga ai ni yawng hpe shaden shapraw kau mu ai rai nna, gumhpraw galai byan ya ai ni a ku ni hte hkrudu dut ai ni a punghkum ni hpe kanawng kadawng shagum kau ya nhtawm,

MAHTE 3:16

Ya, Yesu hkalup hkam la ngut ai hte rau, dai hka hta na byawn hprang rai lung wa ai. Dai shaloi lamu hpaw malang wa nhtawm, Karai Kasang a Wenyi gaw hkrudu langai mi zawn yu hkrat wa nna shi a ntsa e dung nga ai hpe shi mu wu ai.

LUKA 2:24

Dai Madu a tara hta tsun da ai hte maren, hkrudu lahkawng, shing n rai ura kasha lahkawng, hkungga nawng ya na matu, shan gaw ma hpe Yerusalem mare de woi sa mu ai.

2 KORINHTU 8:12

Nanhte hta jaw ya mayu ai shawang myit rawng ai rai yang, Karai Kasang gaw nanhte a rai lu ai made jaw ya ai kumhpa hpe hkap la na ra ai. Nanhte n rai lu ai hpe Karai Kasang hpyi na n rai.