JAW JAU 5:6 - Jinghpaw Common Language Bible 2009

⁶ hkungga shatai na sagu yi shing n rai bainam yi hpe dai Madu hpang de la sa na rai wu ai. Hkinjawng wa gaw dai wa a yubak mara a matu shagu hkungga nawng ya na rai wu ai.

Jinghpaw Hanson Version Bible

⁶ dai shut kau sai mara a matu yubak raw ai hkungga di na, sagu yi kasha, shing n rai bainam yi kasha la sa nna, Yehowa a man de yubak raw ai hkungga matu sa jaw lu na rai wu ai; shing rai hkinjawng wa gaw, dai wa a mara matu htingrai htingrat ya na rai wu ai.

JAW JAU 5:6 ပူးပေါင်းရင်းမြစ်များ

EZEKELA 40:39

Ndai shawng du ai gawk hta kade nde ku lahkawng hkawng rai nga ai ku mali rawng ai gawk mung nga nga ai. Dai ku ntsa ni hta hkum ting nat nawng na shagu hkungga, mara raw hkungga hte htingrai htingrat hkungga ni a matu nawng jau na dusat ni hpe shanhte sat ma ai.

EZEKELA 42:13

Dai masha wa gaw ngai hpe, “Ndai nta lahkawng gaw chyoi pra nga ai. Madu a man de sit sa ai hkinjawng ni gaw chyoi pra htum ai hkungga lusha hpe dai shara ni hta sha ma ai. Dai gawk ni chyoi pra nga ai majaw, hkinjawng ni dai shara ni hta chyoi pra htum ai hkungga ni, shadung hkungga ni, mara raw shagu hkungga ni hte htingrai htingrat hkungga ni hpe tawn da na mara ai.

EZEKELA 44:27

dai hpang, Nawku Htingnu a kata wang de shi shang nna jasan jaseng ya na matu shagu hkungga nawng jau ya ra nga ai. Shaloi Nawku Htingnu hta shi bai daw jau lu nga ai. Tsaw Htum ai dai Madu ngai nan tsun ni ai.

JAW JAU 4:20

Shi gaw usu hte htingrai hkungga a matu nawng ya ai zawn ndai usu hpe mung dai hte maren nawng ya na rai wu ai. Ndai hku nna shi gaw amyu masha ni a tawt lai ai yubak a matu htingrai htingrat ya ai hte shanhte mung mara raw dat kau ya ai hkrum na rai ma ai.

JAW JAU 4:28

shi galaw shut kau sai yubak mara hpe shaloi jang chye ai shaloi, shi a hkungga a matu, ra n rawng ai bainam ayi la sa na rai wu ai.

JAW JAU 4:31

Dai hpang mahku hkungga a matu sat ai yam nga a sau la ai zawn de a sau yawng la nna tawn hkungri ntsa e nat na rai wu ai. Dai Madu gaw de a manam pyaw ai sangau hta awng sharawng nga na wu ai. Dai re ai majaw hkinjawng wa gaw ndai hku nna dai masha wa a matu shagu hkungga nawng ya ai hte shi mung yubak mara raw dat kau ya ai hkrum na rai wu ai.

JAW JAU 4:32

Masha langai ngai htingrai hkungga nawng ya na matu sagu la sa ai rai yang, dai gaw ra n rawng ai ayi rai lu na rai nga ai.

JAW JAU 4:35

Dai hpang shi gaw mahku hkungga a matu sat ai sagu a sau yawng hpe la nna, dai Madu a matu wan nat hkungga hpe lusha hkungga hte hpawn tawn hkungri hta nat na rai wu ai. Ndai lam hku nna hkinjawng wa gaw dai masha wa a shut hpyit yubak mara a matu shagu hkungga nawng ya ai hte shi mung mara raw dat kau ya ai hkrum na rai wu ai.

JAW JAU 6:6

Shi gaw dai Madu hpe htang jaw ai hkungga a matu kachyi mi mung ra n rawng ai sagu la shing n rai bainam hkinjawng wa hpang de la sa na rai wu ai. De a manu hpe chyawm gaw tara shang lang ai joi jang hte maren manu sawn la na rai nga ai.

BU HKAWM 6:12

Dai shani jang, shi a kara hpe Nazari tai nga yang na zawn dai Madu a matu bai ap nawng na rai wu ai. Shi ap nawng da ai kara wu sin mat ai majaw lai sai aten ladaw hpe sawn ya na n rai. Mara raw hkungga a matu laning mi ladu hkrum sai sagu la langai la sa na rai wu ai.