JAW JAU 5:4 - Jinghpaw Common Language Bible 2009

⁴ Masha langai ngai gaw hpa n ra ai nga nna n myit yu ai sha, dagam ai hte ga shaka da kau ai hpang, shi hpa galaw kau hkrup sai lam hpe shaloi jang chye na wa ai rai yang, shi mara lu nga ai.

Jinghpaw Hanson Version Bible

⁴ Bai masha langai ngai, shing di na nga nna, kaja ai amu n kaja ai amu a lam n myit yu ai sha, dagam ai hte ga shaka da kau nna, dai hpe hpang e bai dum jang, shing rai dagam ga shaka ai lam ni hta shut ai rawng nga la yang gaw shi mara lu nu ai.

JAW JAU 5:4 ပူးပေါင်းရင်းမြစ်များ

2 SAMUELA 21:7

Rai ti mung shi hte Yonahtan a lapran chyoi pra ai ga sadi hpe shada da shagrin da nga manu ai majaw, Shawlu a kashu, Yonahtan a kasha Mehpiboshet hpe shalawt da ya wu ai.

2 HKAWHKAM 6:31

Shi gaw, “Elisha a baw hpe dai ni n lu daw kau ya ai rai yang, Karai Kasang ngai hpe si hkra adup nu ga law!,” ngu nna tsun wu ai.

SHAKAWN KUNGDAWN 106:33

Shanhte gaw Mawshe hpe ahkup ahka nga hkra, myit machyi shangun mu ai majaw, shi n myit yu ai sha, ga shaga kau nu ai.

JAW JAU 5:13

Ndai hku nna hkinjawng wa gaw dai masha wa a yubak mara a matu shagu hkungga nawng jau na rai wu ai. Dai wa gaw yubak mara raw dat kau ya ai hkrum na ra ai. Ngam ai shadung mani gaw shadung hkungga zawn hkinjawng wa a matu rai nga ai.

JAW JAU 5:3

Masha langai ngai gaw shinggyim masha hta mi kaw na kap ai n san n seng ai hpa hpe mung n dum shami hkra kau ai hte dai gaw hpa mi rai rai shi hpa galaw kau hkrup sai lam hpe shaloi jang shi chye ai rai yang, dai wa mara lu nga ai.

BU HKAWM 30:6

Dinghku garai n shang ai numsha gaw ga shaka hpe atsawm sha myit yu nna mung, ndum nmi re ai hku nna mung tawn da nhtawm arai lama ma hpe koi gam na nga, ga sadi jaw ngut ai hpang dinghku de ai rai yang, shi a madu wa dai ga shaka a lam hpe na nna hkum shadang ai lam n nga ai rai yang shi tawn da ai

BU HKAWM 30:8

Rai ti mung shi a madu wa dai lam hpe na nna ga shaka shatup na matu hkum shadang da ai rai yang, dai ga shaka hpe shatup ra na n rai. Dai Madu mung shi hpe mara dat ya na rai wu ai.

MAHTE 14:7

Dai rai nna Herod gaw, numsha hpe, “Nang hpyi mahpyi jaw na de ai!,” ngu nna dagam ai hte ga sadi jaw wu ai.

MAHTE 14:9

Dai shaloi Hkawhkam wa gaw, yawn la ti mung, manam shawa ni yawng a man e, shi jaw kau sai ga sadi a majaw, “Jaw sana,” ngu dat wu ai.

MARKU 6:23

Dai hta n-ga, “Nang ngai kaw hpyi mahpyi, nye a mungdan ka-ang hkup du hkra pyi ngai nang hpe jaw na de ai,” ngu nna law law dagam tsun wu ai.

KASA 23:12

Hpang jahpawt Yuda masha ni jawm hpawng nna, Pawlu hpe garai n sat lu dingsa gaw hpa mung n lu n sha na ga ai, ngu nna dagam shaka ma ai.

YAWSHU 2:14

Dai yan mung numsha hpe, “An tsun ai hte maren n galaw shatup ai rai yang, Karai Kasang an a asak dawm la kau ya u ga! An galaw ai amu kadai hpe mung nang n shabrawng ai rai yang, dai Madu anhte hpe ndai mungdan jaw ya mi ai shaloi, na a ngamu ngamai lam hpe an chyeju htang lu na ga ai, ngu nang hpe ga sadi jaw ga ai,” ngu nna tsun ma ai.

YAWSHU 9:15

Yawshu gaw Gibeon masha ni hte jinghku ga shaka shagrin da nhtawm nga lu na ahkang mung shanhte hpe jaw mu ai. Israela shawa hpung a ningbaw ni mung ga shaka hkan shatup na matu dagam sadi jaw mu ai.

TARA AGYI 11:31

awng padang hte majan pa kaw nna ngai nhtang wa ai shaloi, ngai hpe shawng hkap tau la na matu nta kaw na pru sa wa ai wa hpe wan nat hkungga shatai nna nawng jau na we ai. Dai wa hpe shagu hkungga zawn ngai nang hpe nawng ya na de ai,” ngu nna ga sadi tawn da wu ai.

TARA AGYI 21:18

rai ti mung anhte a shayi sha ni hta na langai ngai hte Benyamin masha hkungran na ahkang jaw ai kadai hta mung dagam dala hkrum u ga ngu nna anhte tsun kau saga ai majaw shanhte hpe anhte a shayi sha ni hte hkungran la lu na ahkang n jaw lu ga ai,” ngu nna tsun ma ai.

TARA AGYI 21:7

Naw ngam nga ai Benyamin lasha ni a matu madu jan tai ya na ni hpe anhte kaning rai jaw ya lu na rai nga ga ta? Anhte a shayi sha ni kadai hpe mung shanhte hpe n ya sha na lam mung, dai Madu hta anhte dagam let ga sadi tawn kau saga ai,” ngu nna tsun ma ai.

TARA AGYI 9:19

Dai rai nna nanhte dai ni Gidon hte shi a dinghku hpe ding man ai hte kang ka re ai hku galaw kau manit dai rai yang gaw, Abimelek hta kabu gara nga mu, shi mung nanhte hta kabu gara nga u ga.

1 SAMUELA 1:11

Hana chyawm gaw dagam ga sadi hte ning ngu tawn da wu ai: “Chyahtum Chyalai N-gun rawng ai Madu e, na a shangun ma rai nga ai ngai hpe mada yu e law! Nye a ru yak tsin-yam tsindam hpe mu ya nna ngai hpe dum nga u law! Ngai hpe hkum malap kau et! Nang ngai hpe shadang sha jaw n yang gaw shi a kara galoi mung n doi kau ya ai sha, shi a prat dingsa, nang hpe ap ya na nngai, ngu nna ngai ga sadi jaw nngai.”

1 SAMUELA 25:22

Jahpawt de garai n du rau yang, ndai masha ni hpe ngai n sat kau ai sha ngam da hkrup ai rai yang, Karai Kasang mahtang ngai hpe adup nu ga,” ngu nna myit sumru yu wu ai.