JAW JAU 5:17 - Jinghpaw Common Language Bible 2009

¹⁷ Marai langai ngai gaw dai Madu hkang da ai lam lama ma hpe n dum shami yubak galaw hkrup kau ai rai yang, mara lu nga ai rai nna yubak ari gun lu na rai nga ai.

Jinghpaw Hanson Version Bible

¹⁷ Bai masha langai ngai Yehowa hkum da ai lam lama ma galaw hkrup ai rai yang, tinang shut n dum ai rai timung ra rawng nga ai rai nna, de a yubak gun lu na rai wu ai.

JAW JAU 5:17 ပူးပေါင်းရင်းမြစ်များ

SHAKAWN KUNGDAWN 19:12

Tinang nang a shut ai lam ni hpe kadai wa mung n mu lu nga ai; Madu e, makoi magap da ai yubak mara kaw na mung, ngai hpe hkrang shaw la e!

JAW JAU 4:13

Israela shawa hpung ting gaw dai Madu hkang da ai lam lama ma hpe n dum shami shut hpyit tawt lai nna yubak galaw hkrup nhtawm dai mara dan dawng wa ai shaloi,

JAW JAU 4:22

Up hkang du wa gaw dai Madu hkang da ai lam lama ma hpe n dum shami shut hpyit tawt lai nna yubak galaw hkrup ai hte shi a yubak hpe shaloi jang chye ai rai yang,

JAW JAU 4:27

Yu maya masha langai ngai dai Madu a hkang da ai lam lama ma hpe n dum shami shut hpyit tawt lai kau nna yubak galaw hkrup nhtawm,

JAW JAU 5:15

Kadai rai ti mung dai Madu a matu jaw shalai ra ai chyoi pra ai arai ni hpe n dum shami jaw dumhprut nna shut kau ai rai yang, dai Madu a matu htingrai hkungga shatai na ra n rawng ai sagu la shing n rai bainam la sa na rai nga ai. De a manu chyawm gaw tara shang lang ai joi jang hte maren daw dan sawn ya na rai nga ai.

JAW JAU 5:18

Shi gaw hkinjawng wa hpang de mara raw hkungga shatai na ra n rawng ai sagu la shing n rai bainam la langai mi la sa na rai wu ai. De a hkrat ang ai manu hpe chyawm gaw tara shang lang ai joi jang hte maren, manu sawn ya na rai nga ai. Hkinjawng wa gaw shi a n dum shami shut kau ai yubak mara a matu shagu hkungga nawng ya ai hte shi mung mara raw dat kau ya ai hkrum na ra ai.

JAW JAU 5:19

Dai gaw dai Madu hpe shi shut kau ai yubak mara a matu mara raw ai hkungga rai nga ai.

LUKA 12:48

Rai ti mung, tinang a madu hpa baw ra ai hpe n chye ai sha, anu kayat ging ai amu galaw ai shangun ma hpe gaw, loi mi sha anu kayat ai hkrum na ra ai. Chyeju galaw ai lam law law hkam la ai wa kaw na, law law hpyi na ra ai; grau nna kam ai hte ap ya da hkrum ai wa kaw na grau law hkra bai hpyi na ra ai.

ROMA 14:23

Rai ti mung mahkoi myit hte shahpa lama ma hpe sha ai wa hpe gaw, Karai Kasang e daw dan ai hkrum na ra ai; hpa majaw nga yang shi galaw ai lam gaw makam masham hta madung dat ai n rai; makam masham hte n seng ai hpa rai ti mung, yubak sha rai nga ai.