JAW JAU 5:16 - Jinghpaw Common Language Bible 2009

¹⁶ Shi jaw ra ai hpe shalai ya na matu dumhprut kau nga ai majaw dai shut ai a matu shawng e jaw ra ai hta tsa lam shadang 20% naw jat jaw na rai wu ai. Shi gaw dai hpe hkinjawng wa a lata hta ap ya nhtawm hkinjawng wa mung shi a shut hpyit ai yubak mara a matu shagu hkungga shatai ya na yam nga nawng jau ya ai hte shi gaw mara raw dat kau ya ai hkrum na ra ai.

Jinghpaw Hanson Version Bible

¹⁶ shing rai chyoi pra ai lam shut hpyit tawt lai hkrup ai hte maren, dai lam hpe bai galaw mye nhtawm, dai shut ai a htam manga hta na htammi naw kahtap jaw nna, hkinjawng wa hpe ap ya na rai wu ai: hkinjawng wa mung dai wa a matu mara raw ai sagu la hte htingrai htingrat ya na rai nna, shi yubak raw dat ai hkrum na ra ai.

JAW JAU 5:16 ပူးပေါင်းရင်းမြစ်များ

SHAKAWN KUNGDAWN 69:4

Mara kata e, ngai hpe n ju n dawng nga ai ni gaw nye a baw na kara singgawng ni hta grau law nga ma ai; Nye a gumlau hpyen ni ngai hpe masu magaw shatan nhkan ga tsun nna, gumlang nga ma ai; Shanhte gaw n-gun ja nga ma ai rai nna, ngai hpe sat kau mayu nga ma ai. Ngai n lagu la ai arung arai ni hpe bai nhtang jaw shangun ma ai.

PRU MAT 22:1

“Marai langai ngai dumsu kanu shing n rai sagu langai ngai lagu la nna sat kau ai shing n rai dut kau ai rai yang, dumsu kanu langai mat ai a matu dumsu kanu manga, sagu langai mi a matu sagu mali bai wa lu na rai nga ai.

JAW JAU 22:14

“Hkinjawng dinghku hta na n re ai masha langai ngai n dum shami dai chyoi pra ai lusha hkungga sha hkrup ai rai yang, de a manu tup hte hpawn tsa lam shadang 20% bai jat ya nna hkinjawng wa hpe wa lu na rai wu ai.

JAW JAU 27:13

Dai wa dai yam nga bai nhtang mari la mayu ai rai yang, mi tawn da ai manu hta tsa lam shadang 20% jat jaw lu na rai wu ai.

JAW JAU 27:15

Dai nta nawng ya ai wa bai nhtang mari la mayu ai rai yang, mi tawn da ai manu hta tsa lam shadang 20% jat nna jaw lu na rai wu ai.

JAW JAU 27:27

rai ti mung n san n seng ai yam nga hta na shawng hkrat ai chyawm gaw tawn da ai manu shadang hte maren mari nhtang la nna tsa lam shadang 20% bai jat jaw na rai wu ai. Dai hpe n mari la mayu yang gaw tawn da ai manu hte maren marai langai ngai hpe dut ya lu na rai wu ai.

JAW JAU 27:31

Masha langai ngai de a lama ma hpe nhtang mari la mayu ai rai yang, tawn da ai manu shadang hta tsa lam shadang 20% jat jaw lu na rai wu ai.

JAW JAU 4:20

Shi gaw usu hte htingrai hkungga a matu nawng ya ai zawn ndai usu hpe mung dai hte maren nawng ya na rai wu ai. Ndai hku nna shi gaw amyu masha ni a tawt lai ai yubak a matu htingrai htingrat ya ai hte shanhte mung mara raw dat kau ya ai hkrum na rai ma ai.

JAW JAU 4:26

Dai hpang tawn hkungri ntsa hta de a asau ni yawng mara nhtawm mahku hkungga a matu sat nawng ai yam nga sau nat nawng ai zawn nat na rai wu ai. Ndai hku nna hkinjawng wa gaw up hkang du wa a shut hpyit yubak mara a matu shagu hkungga nawng ya ai hte shi a yubak mara mung raw dat ai hkrum na rai wu ai.

JAW JAU 5:10

Dai hpang shi gaw hkan sa na tara ni hte maren, kaga u langai mi hpe mung wan nat hkungga shatai nna nawng ya na rai wu ai. Ndai hku nna hkinjawng wa gaw dai wa a yubak mara a matu shagu hkungga nawng ya ai hte mara raw dat kau ai hkrum na rai wu ai.

JAW JAU 5:13

Ndai hku nna hkinjawng wa gaw dai masha wa a yubak mara a matu shagu hkungga nawng jau na rai wu ai. Dai wa gaw yubak mara raw dat kau ya ai hkrum na ra ai. Ngam ai shadung mani gaw shadung hkungga zawn hkinjawng wa a matu rai nga ai.

JAW JAU 5:6

hkungga shatai na sagu yi shing n rai bainam yi hpe dai Madu hpang de la sa na rai wu ai. Hkinjawng wa gaw dai wa a yubak mara a matu shagu hkungga nawng ya na rai wu ai.

JAW JAU 7:2

Ndai hkungga a matu yam nga ni hpe tawn hkungri a dingdung maga nga ai yam nga sat shara hta yam nga sat na rai nga ai. De a asai hpe tawn hkungri a man mali grup grup de lapri na rai wu ai.

BU HKAWM 5:7

shi a mara a matu hpyi nem lu nna htingrai htingrat na rai wu ai; shut kau ai mara a majaw shi shut kau ai wa hpe ang ai manu hta tsa lam shadang hkun mung jat jaw na rai wu ai.

BU HKAWM 5:8

Rai ti mung dai wa si mat nna htingrai ja hkap la na jinghku mung n nga ai rai yang, hkinjawng wa a matu ngu nna dai Madu hpe jaw na rai wu ai. Mara kap ai wa a matu jasan jaseng ai a amu galaw na sagu la langai mi hpe mung jat jaw na rai wu ai.

LUKA 19:8

Zake rawt tsap nna, “Madu e, nye a sut rai ka-ang hkup matsan mayan ni hpe ngai garan jaw na we ai; bai langai ngai hpe ngai mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

1 SAMUELA 6:3

Shanhte gaw, “Ndai Israela a Karai Kasang a Ga Shaka Sumpu hpe nanhte nhtang ya na rai yang, nanhte a yubak a matu mara kumhpa hte hpawn teng teng shagun dat ya lu na rai myit dai. Dai Ga Shaka Sumpu hpe kumhpa n lawm ai sha dat dat lu na myit dai n rai. Ndai hku nna nanhte shamai shatsai ai hkrum nhtawm hpa majaw shi nanhte hpe ari ahpri sha ajaw kau nga myit dai hpe nanhte mu chye na rai myit dai,” ngu nna htan ma ai.