JAW JAU 4:7 - Jinghpaw Common Language Bible 2009

⁷ Dai hpang shi gaw Sum kata na manam pyaw ai baw nat nawng tawn ai hkungri jut na nrung ni hta asai loi mi hkan chya na rai wu ai. Naw ngam ai asai yawng hpe chyawm gaw Sum a shang wa chyinghka ang na wan nat hkungri lagaw nhpang e ru hkaw na rai wu ai.

Jinghpaw Hanson Version Bible

⁷ Bai hkinjawng wa gaw, dai sai hta na, shawa sum kata Yehowa a man na manam pyaw nat ai hkungri a nrung ni hta chya na rai wu ai: ngam ai asai yawng hpe gaw, shawa sum chyinghka ang na wan nat hkungri a lagaw ninghpang e ru hkaw na rai wu ai.

JAW JAU 4:7 ပူးပေါင်းရင်းမြစ်များ

SHAKAWN KUNGDAWN 118:27

Dai Madu gaw Karai Kasang rai nga ai, shi gaw anhte hpe chyeju jaw ya mani ai. Nanhte a lata ni hta hpun lakung ni hpe lang nna, poi hpang ai hte tawn hkungri hpe hkawm shinggrup nga mu.

PRU MAT 29:12

Usu sai nkau mi la nna, na a lata layung hte tawn hkungri nrung ni hta chya nhtawm naw ngam ai asai hpe mahtang tawn hkungri a ninghpang e ru hkaw na rai nga ai.

JAW JAU 1:5

Dai wa gaw dai yang e usu sat nna, Arun a shadang sha hkinjawng ni mahtang de a asai hpe dai Madu hpang de la nawng nhtawm Sum a shang wa chyinghka lam e nga ai tawn hkungri a man mali grup grup yawng de dai hpe ru hkaw bun na rai nga ai.

JAW JAU 16:18

wan nat hkungga a matu tawn hkungri de shi pru sa nhtawm dai hpe jasan jaseng na rai wu ai. Dai hpang shi gaw usu sai hte bainam sai loi mi la nhtawm tawn hkungri ntsa na jut shagu na nrung ni hta chya wu ai.

JAW JAU 4:18

Shi gaw Sum kata na manam pyaw ai baw nat nawng ai tawn hkungri a jut na nrung ni hta sai loi mi chya na rai wu ai. Naw ngam ai asai yawng hpe chyawm gaw Sum a shang wa chyinghka lam ang ang na wan nat hkungri a lagaw nhpang e ru hkaw na rai wu ai.

JAW JAU 4:25

Hkinjawng wa gaw yam nga asai hta shi a layung tsing la nna tawn hkungri a jut na nrung ni hta chya nhtawm ngam ai hpe tawn hkungri a lagaw nhpang e ru hkaw na rai wu ai.

JAW JAU 4:30

Hkinjawng wa gaw dai yam nga asai hta shi a layung tsing la nhtawm tawn hkungri a jut nrung ni hta chya nna, ngam ai hpe tawn hkungri a lagaw nhpang e ru hkaw na rai wu ai.

JAW JAU 4:34

Hkinjawng wa mung yam nga asai hta shi a layung tsing la nna tawn hkungri a jut nrung ni hta chya nhtawm ngam ai hpe tawn hkungri a lagaw nhpang hta ru hkaw na rai wu ai.

JAW JAU 5:9

dai hpang de a asai loi mi la nhtawm tawn hkungri a shakum grup de lapri bun na rai wu ai. Ngam ai asai hpe chyawm gaw tawn hkungri a lagaw nhpang e hkyen kau na rai wu ai. Dai gaw yubak mara la kau ya na htingrai hkungga rai nga ai.

JAW JAU 6:30

Rai ti mung chyoi pra ai shara hta yubak mara htingrai na matu, Sum kata de la shawn ai asai shagu hte ashan hpe chyawm gaw sha lu na n rai; dai hpe wan hta nat kau na rai nga ai.

JAW JAU 8:15

Dai hpe Mawshe sat nhtawm asai loi mi la nna dai hpe ap nawng na matu tawn hkungri a jut ni hta tu ai nrung ni hta shi a lata hte chya wu ai. Ngam ai asai hpe chyawm gaw tawn hkungri a lagaw nhpang e ru hkaw kau wu ai. Ndai hku nna dai hpe shi ap nawng ai hte jasan jaseng da wu ai.

JAW JAU 9:9

Shi a shadang sha ni mung de a asai hpe shi hpang de la wa ya ma ai; Arun gaw shi a layung hte dai sai hta kapruk nhtawm tawn hkungri a jut nrung ni hta sai loi mi chya wu ai; naw ngam ai asai ni hpe chyawm gaw tawn hkungri a lagaw nhpang e ru hkaw kau wu ai.

EHPESU 2:13

Rai ti mung ya chyawm gaw, Hkristu Yesu hta e kahkyin gumdin rai nga manit dai rai nna shawng e Karai Kasang hte tsan gang nga ai ni nanhte gaw Hkristu a si hkam ai a marang e Karai Kasang hte ni wa lu manit dai.

HEBRE 9:15

Ndai lam a majaw Karai Kasang e shaga la hkrum ai ni gaw Karai Kasang ga sadi jaw da sai htani htana shaman chyeju sali wunli hkam la lu mu ga nga, Hkristu gaw ga shaka ningnan hpe lajang ya sai. Shing rai hkam la na ahkaw ahkang lu la ai lam gaw, shawng na ga shaka kata e nga ai shaloi shut hpyit tawt lai kau ai yubak mara ni kaw na shalawt dat na matu si hkam ai lam langai mi byin pru wa sai majaw rai nga ai.

HEBRE 9:21

Dai hte maren Mawshe gaw nawku ai sum a ntsa e mung, nawku daw jau ai hta lang ai arai ni yawng a ntsa e mung, dai asai hte lapri bun wu ai.

SHINGRAN 6:9

Bai, Sagu Kasha gaw, manga ngu na dazik hpe hpaw dat wu yang, Karai Kasang a mungga hkaw tsun ai majaw mung, kangka sadi dung ai hte sakse hkam ai majaw mung, sat kau hkrum ai ni a Wenyi ni hpe tawn hkungri a npu e, ngai mu nngai.