JAW JAU 4:6 - Jinghpaw Common Language Bible 2009

⁶ Shi gaw sai hta shi a layung kapruk la nhtawm chyoi pra ai nba grang a man e sanit lang lapri bun na rai wu ai.

Jinghpaw Hanson Version Bible

⁶ sai dai hta hkinjawng wa gaw shi a layung kapruk la nhtawm, chyoi pra ai shara a nba shinggang shinggan, Yehowa a man e sanit lang lapri na rai wu ai.

JAW JAU 4:6 ပူးပေါင်းရင်းမြစ်များ

PRU MAT 40:21

Dai hpang, shi gaw Sum kata e dai Sumpu hpe tawn nna nba grang hte grang da wu ai. Ndai zawn dai Madu hkang da sai hte maren, Ga Shaka Sumpu hpe shinggang da wu ai.

PRU MAT 40:26

Shi gaw ja hkungri hpe mung Sum kata nba grang a man e tawn da nna,

JAW JAU 14:16

dai hpe shi a hkra layung hte tsing la let dai Madu a man e sanit lang lapri bun na rai wu ai.

JAW JAU 14:18

Shi a lata lahpan hta naw ngam ai namman hpe gaw dai masha wa a baw hta chya ya na rai wu ai. Ndai hku nna jasan jaseng ai amu hpe shi hkan shatsup ya na rai wu ai.

JAW JAU 14:27

dai hpe shi a hkra lata layung hte dai Madu a man e sanit lang lapri bun na rai wu ai.

JAW JAU 14:7

Shi gaw hpyi shan ana jasan jaseng hkrum ai wa hpe sanit lang sai lapri bun ai hte dai wa hpe san seng sai ngu nna tsun na rai wu ai. Hkrung ai u hpe chyawm gaw pa layang de dat kau dat na rai wu ai.

JAW JAU 16:14

Shi gaw usu sai loi mi la nhtawm magap a man e shi a layung hte lapri bun nhtawm Ga Shaka Sumpu a man e sanit lang lapri bun na rai wu ai.

JAW JAU 16:19

Shi gaw sai loi mi la nna tawn hkungri ntsa e shi a layung hte sanit lang lapri bun wu ai. Ndai hku nna Israela amyu masha ni a yubak mara ni hpe jasan jaseng nna shachyoi shapra ya wu ai.

JAW JAU 25:8

Sanit ning sanit lang ngu na yawng hpawn mali shi jahku ning hpe hti u.

JAW JAU 26:18

“Ndai lam ni yawng hpe nanhte hkrum sha nga myit tim, nye a ga n madat nga myit yang gaw, yubak ari htam sanit naw kahtap jaw na made ai.

JAW JAU 26:24

ngai mung nanhte hte nhtan jashai nna shawng na hta grau laja ai ari htam sanit jaw na made ai.

JAW JAU 26:28

nanhte hpe ngai pawt sindawng ai hte nhtan shai ai hku galaw nna shawng na hta grau sawng ai yubak ari htam sanit bai jaw na made ai.

JAW JAU 4:17

dai hta shi layung kapruk la nhtawm nba grang a man e sanit lang lapri bun na rai nga ai.

JAW JAU 4:25

Hkinjawng wa gaw yam nga asai hta shi a layung tsing la nna tawn hkungri a jut na nrung ni hta chya nhtawm ngam ai hpe tawn hkungri a lagaw nhpang e ru hkaw na rai wu ai.

JAW JAU 4:30

Hkinjawng wa gaw dai yam nga asai hta shi a layung tsing la nhtawm tawn hkungri a jut nrung ni hta chya nna, ngam ai hpe tawn hkungri a lagaw nhpang e ru hkaw na rai wu ai.

JAW JAU 4:34

Hkinjawng wa mung yam nga asai hta shi a layung tsing la nna tawn hkungri a jut nrung ni hta chya nhtawm ngam ai hpe tawn hkungri a lagaw nhpang hta ru hkaw na rai wu ai.

JAW JAU 8:11

Shi gaw namman sau loi mi la nna tawn hkungri a ntsa e sanit lang lapri bun let dai hte seng ai arai nlang hte hpe mung, ntsin htung hte de a shadun ni hpe mung dai Madu a matu ap nawng da wu ai.

JAW JAU 8:15

Dai hpe Mawshe sat nhtawm asai loi mi la nna dai hpe ap nawng na matu tawn hkungri a jut ni hta tu ai nrung ni hta shi a lata hte chya wu ai. Ngam ai asai hpe chyawm gaw tawn hkungri a lagaw nhpang e ru hkaw kau wu ai. Ndai hku nna dai hpe shi ap nawng ai hte jasan jaseng da wu ai.

JAW JAU 9:9

Shi a shadang sha ni mung de a asai hpe shi hpang de la wa ya ma ai; Arun gaw shi a layung hte dai sai hta kapruk nhtawm tawn hkungri a jut nrung ni hta sai loi mi chya wu ai; naw ngam ai asai ni hpe chyawm gaw tawn hkungri a lagaw nhpang e ru hkaw kau wu ai.

BU HKAWM 19:4

Dai hpang Eleaza gaw shi a layung hte de a asai loi mi la nna Sum maga de sanit lang lapri bun na rai wu ai.

YAWSHU 6:4

Pahtau langai hpra lang ai hkinjawng sanit gaw Ga Shaka Sumpu a shawng e sa wa na rai ma ai. Nang hte na a hpyenla ni gaw sanit ya ngu na shani hta dai mare hpe sanit lang hkawm shinggrup nga yang, hkinjawng ni pahtau dum nga na rai ma ai.

YAWSHU 6:8

Yawshu hkang dat ai hte maren, lam shawng sin langa dap gaw pahtau dum ai hkinjawng ni a shawng e sa wa ma ai; dai ni a hpang e Ga Shaka Sumpu hpai ai hkinjawng ni sa wa nhtawm hpang hkan ai sin langa dap bai hkan nang nga ai. Shing rai hkawm nga ai aten tup pahtau dum garu nga sai.