JAW JAU 4:3 - Jinghpaw Common Language Bible 2009

³ Hkinjawng Kaba wa nan yubak tawt lai nna amyu masha ni hpe mara kap hkra galaw ai rai yang, shi gaw ra n rawng ai usu hpe shi tawt lai kau ai yubak mara a matu dai Madu hpe shagu hkungga nawng jau na rai wu ai.

Jinghpaw Hanson Version Bible

³ Namman chya hkam sai hkinjawng wa nan, shawa masha ni hta mara kap hkra, shut hpyit tawt lai kau ai rai yang, shi shut hpyit ai lam a matu htingrai hkungga di na, Yehowa kaw ra n rawng ai usu uram sa jaw na rai wu ai.

JAW JAU 4:3 ပူးပေါင်းရင်းမြစ်များ

2 HKAWHKAM LABAU 29:21

Hkawhkam dinghku hte Yuda amyu masha ni a shut hpyit mara ni hpe yeng kau na matu hte Nawku Htingnu jasan jaseng na hkungga a matu usu sanit, sagu sanit sagu kasha sanit hte bainam sanit hte hpe shanhte la sa ma ai. Hkawhkam wa gaw tawn hkungri ntsa e yam nga shagu hkungga nawng ya na matu Arun a amyu matu hkinjawng ni hpe tsun wu ai.

EZRA 8:35

Bawng dung ai kaw nna nhtang wa sai ni yawng gaw Israela Karai Kasang a matu shagu hkungga nat na nga, hkungga ni hpe la sa shajang ma ai. Shanhte gaw Israela amyu ting a matu usu 12, sagu la 96 hte sagu kasha 77 nawng ya ma ai. Shanhte gaw yubak kaw na tinang hkum hpe jasan jaseng na matu bainam 12 hpe mung nawng ya ma ai. Ndai yam nga yawng hte gaw dai Madu a matu wan nat hkungga hkrai rai nga ai.

PRU MAT 29:14

Rai ti mung dai usu a ashan, ahpyi hte ahkyi rawng ai pu kaba ni hpe dap shinggan e nat kau na rai ndai. Dai gaw hkinjawng ni a yubak mara hpe la kau ya ai hkungga rai nga ai.

PRU MAT 29:21

Tawn hkungri ntsa na asai hte namman sau loi mi la nna Arun hte shi a hpun palawng hta mung, shi a shadang sha ni hte shanhte a hpun palawng ni hta mung lapri bun ya na rai ndai. Shi hte shi a shadang sha ni hte shanhte a hpun palawng ni gaw ngai hta ap nawng da hkrum na mara ai.

PRU MAT 29:7

Dai hpang namman sau la nhtawm shi a baw ntsa e ru bun let, shi hpe namman sau chya ya na rai nga ndai.

PRU MAT 30:10

Arun gaw laning mi hta kalang yubak mara a matu nawng jau ya ai yam nga asai hpe tawn hkungri a nrung mali hta chya nhtawm tawn hkungri jasan jaseng na rai wu ai. Ndai amu hpe shaning shagu prat mi hte prat mi galaw na rai nga ai. Dai tawn hkungri gaw tsep kawp chyoi pra mat nna, nye a matu ap nawng da na rai nga ai,” ngu nna tsun wu ai.

EZEKELA 40:39

Ndai shawng du ai gawk hta kade nde ku lahkawng hkawng rai nga ai ku mali rawng ai gawk mung nga nga ai. Dai ku ntsa ni hta hkum ting nat nawng na shagu hkungga, mara raw hkungga hte htingrai htingrat hkungga ni a matu nawng jau na dusat ni hpe shanhte sat ma ai.

EZEKELA 43:19

Ngai hpe daw jau na matu nye a man de shang na ni gaw Lewi amyu bawsang, Zadok a matu mara hkinjawng ni rai lu na lam, Tsaw Htum ai dai Madu ngai nan hkang da ni ai. Nanhte gaw mara raw hkungga a matu nawng jau ya na usu uram langai mi shanhte hpe ap ya na rai myit dai.

EZEKELA 44:27

dai hpang, Nawku Htingnu a kata wang de shi shang nna jasan jaseng ya na matu shagu hkungga nawng jau ya ra nga ai. Shaloi Nawku Htingnu hta shi bai daw jau lu nga ai. Tsaw Htum ai dai Madu ngai nan tsun ni ai.

JAW JAU 1:10

Sagu hte bainam langai ngai nawng jau ai rai yang, dai hta lang ai hkungga gaw ra n rawng ai ala rai lu na rai nga ai.

JAW JAU 1:3

Dai wa gaw shi a dumsu hpe wan nat hkungga nawng jau ai rai yang, ra n rawng ai usu langai la sa na rai wu ai. Dai hpe dai Madu a hpung shingkang shanu nga ai Sum a shang wa chyinghka lam hta tawn da lu na rai nga ai. Dai Madu gaw dai wa hpe hkap la na ra ai.

JAW JAU 16:11

Arun gaw shi hte shi a dinghku a matu htingrai hkungga shatai na usu nawng ya ai shaloi,

JAW JAU 16:3

Shi gaw htingrai hkungga a matu usu langai, wan nat hkungga a matu sagu la langai la sa ngut ai hpang chyu sha dai Chyoi Pra Htum ai Shara de shi shang mai na rai wu ai,” ngu nna tsun wu ai.

JAW JAU 16:5

Israela shawa hpung ting gaw htingrai hkungga a matu bainam la lahkawng, wan nat hkungga a matu sagu la langai, Arun hpe sa ap ya na rai ma ai.

JAW JAU 16:6

Shi gaw shi hte shi a dinghku masha ni a yubak mara ni hpe la kau ya na matu usu hpe shagu hkungga shatai nna nawng jau na rai wu ai.

JAW JAU 4:14

htingrai hkungga shatai na matu shawa hpung gaw usu langai shapraw na rai ma ai. Shanhte gaw dai hpe dai Madu a hpung shingkang shanu nga ai Sum de la sa na rai ma ai;

JAW JAU 4:23

shi a hkungga shatai na matu ra n rawng ai bainam la langai mi la sa na rai wu ai.

JAW JAU 4:28

shi galaw shut kau sai yubak mara hpe shaloi jang chye ai shaloi, shi a hkungga a matu, ra n rawng ai bainam ayi la sa na rai wu ai.

JAW JAU 4:5

Dai hpang Hkinjawng Kaba wa gaw usu sai loi mi la nna Sum kata de la shang wa na rai wu ai.

JAW JAU 5:6

hkungga shatai na sagu yi shing n rai bainam yi hpe dai Madu hpang de la sa na rai wu ai. Hkinjawng wa gaw dai wa a yubak mara a matu shagu hkungga nawng ya na rai wu ai.

JAW JAU 6:18

Arun a lakung lama na lasha ni kadai mung dai Madu hpe nawng jau ai lusha kamhtaw dai hpe prat mi hte prat mi sha lu na rai ma ai. Dai lusha hkungga hpe sa jum ai ni kadai mung de a chyoi pra ai daru magam n-gun a majaw machyi shoi chyum hkrum na rai nga ai.

JAW JAU 8:12

Shi gaw namman sau loi mi la nhtawm Arun a baw hta ru jaw ya nna aya dang ya wu ai.

JAW JAU 9:2

Arun hpe, “Ya nang htingrai hkungga a matu ra n rawng ai usu kasha langai mi hte wan nat hkungga a matu sagu la langai mi la nna dai Madu hpe nawng jau na rai ndai.

JAW JAU 9:3

Dai hpang Israela amyu masha ni hpe htingrai hkungga a matu bainam la langai mi, wan nat hkungga a matu ra n rawng ai hte laning mi ladu hkrum sai sagu la langai mi,

BU HKAWM 16:22

Rai ti mung Mawshe yan Arun gaw ga de dingnyawm dagup let, “O Karai Kasang e, nang gaw asak yawng a hka hpawk rai nga ndai; marai langai shut ai a majaw shawa hpung ting hpe masin pawt nga n ni?,” ngu nna tsun ma ai.

BU HKAWM 8:8

Dai hpang shanhte gaw tsanlun sau hte kayau gumrin ai mani ai muk shadung ngu ai shadung hkungga hte hpawn usu uram langai la sa na rai ma ai. Nang gaw htingrai hkungga a matu usu uram langai mi hpe la sa na rai ndai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

HEBRE 5:3

Shi nan gawng kya nga ai majaw, masha kaga ni a yubak mara a matu sha n rai, shi nan a yubak mara a matu mung hkungga nawng la ra nga ai.

HEBRE 9:12

Hkristu gaw Chyoi Pra Htum ai Shara kata de kalang mi hte ngut hkra shang ai shaloi, hkungga nawng na matu bainam sai, usu sai n la shang ai sha, shi nan a asai hte shang nna anhte a matu htani htana hkye hkrang la ai lam lu la nu ai.