JAW JAU 4:26 - Jinghpaw Common Language Bible 2009

²⁶ Dai hpang tawn hkungri ntsa hta de a asau ni yawng mara nhtawm mahku hkungga a matu sat nawng ai yam nga sau nat nawng ai zawn nat na rai wu ai. Ndai hku nna hkinjawng wa gaw up hkang du wa a shut hpyit yubak mara a matu shagu hkungga nawng ya ai hte shi a yubak mara mung raw dat ai hkrum na rai wu ai.

Jinghpaw Hanson Version Bible

²⁶ De a asau yawng hpe shi la nna, mahku hkungga a sau nawng ai hku tawn hkungri hta nat na rai wu ai: shing rai hkinjawng wa gaw shi a yubak a matu htingrai htingrat ya na rai nna shi mara raw dat kau ya ai hkrum na ra ai.

JAW JAU 4:26 ပူးပေါင်းရင်းမြစ်များ

2 HKAWHKAM LABAU 29:24

Dai hpang amyu masha ni yawng a shut hpyit yubak mara htingrai ya na matu hkinjawng ni gaw bainam ni sat nhtawm dai ni a asai hpe tawn hkungri ntsa e shagu hkungga hku nna ru hkaw ma ai. Hpa majaw nga yang, hkawhkam wa gaw Israela yawng a matu wan nat hkungga hte htingrai hkungga nawng ya na hkang da wu ai.

EZEKELA 43:22

Hpang shani e, mara raw hkungga a matu ra n rawng ai bainam la hpe nang la nna, dai hpe nawng kau ra nga ndai. Nang gaw tawn hkungri hpe usu hte jasan jaseng ai zawn de a asai hte jasan jaseng na rai ndai.

JAW JAU 1:4

Dai wa gaw de a baw ntsa e shi a lata mara da na rai wu ai; dai gaw na a yubak mara ni la kau ya na matu nawng ya ai hkungga tai na ra ai.

JAW JAU 12:8

Dai numsha mahtang sagu kasha n dang shapraw ai rai yang, ura lahkawng, shing n rai hkrudu lahkawng hpe wan nat hkungga a matu langai, htingrai hkungga a matu langai mi di nna la sa na rai wu ai. Hkinjawng wa gaw shi a n san n seng ai a matu htingrai htingrat ya na rai wu ai; shing rai shi gaw san seng wa lu na rai wu ai.

JAW JAU 14:18

Shi a lata lahpan hta naw ngam ai namman hpe gaw dai masha wa a baw hta chya ya na rai wu ai. Ndai hku nna jasan jaseng ai amu hpe shi hkan shatsup ya na rai wu ai.

JAW JAU 15:15

Hkinjawng wa mung htingrai hkungga a matu langai, wan nat hkungga a matu langai shatai nna nawng ya na rai wu ai. Ndai hku nna dai wa a matu jasan jaseng ai amu shi hkan shatsup ya na rai wu ai.

JAW JAU 17:11

Hkrung mahkrung shagu a asak gaw asai hta rawng nga ai rai nna dai Madu hkang da sai hte maren amyu masha ni a yubak hpe htingrai na matu tawn hkungri ntsa e asai yawng ru hkaw na rai wu ai. Asak rawng ai asai chyu sha yubak mara ni hpe la kau ya lu nga ai.

JAW JAU 19:22

Hkinjawng wa gaw dai hte rau shi a yubak mara yeng seng kau ya na matu jasan jaseng ai amu galaw ya na rai wu ai. Karai Kasang mung shi hpe mara dat ya na rai wu ai.

JAW JAU 3:5

Dai hkinjawng ni gaw dai yawng hpe tawn hkungri ntsa nat da ai wan nat hkungga ni hte hpawn nat shalawm na rai ma ai. Dai lusha a manam pyaw ai sangau hpe dai Madu awng sharawng nga ai.

JAW JAU 4:19

Dai hpang usu sau yawng la nna tawn hkungri ntsa e dai hpe nat na rai wu ai.

JAW JAU 4:20

Shi gaw usu hte htingrai hkungga a matu nawng ya ai zawn ndai usu hpe mung dai hte maren nawng ya na rai wu ai. Ndai hku nna shi gaw amyu masha ni a tawt lai ai yubak a matu htingrai htingrat ya ai hte shanhte mung mara raw dat kau ya ai hkrum na rai ma ai.

JAW JAU 4:31

Dai hpang mahku hkungga a matu sat ai yam nga a sau la ai zawn de a sau yawng la nna tawn hkungri ntsa e nat na rai wu ai. Dai Madu gaw de a manam pyaw ai sangau hta awng sharawng nga na wu ai. Dai re ai majaw hkinjawng wa gaw ndai hku nna dai masha wa a matu shagu hkungga nawng ya ai hte shi mung yubak mara raw dat kau ya ai hkrum na rai wu ai.

JAW JAU 4:35

Dai hpang shi gaw mahku hkungga a matu sat ai sagu a sau yawng hpe la nna, dai Madu a matu wan nat hkungga hpe lusha hkungga hte hpawn tawn hkungri hta nat na rai wu ai. Ndai lam hku nna hkinjawng wa gaw dai masha wa a shut hpyit yubak mara a matu shagu hkungga nawng ya ai hte shi mung mara raw dat kau ya ai hkrum na rai wu ai.

JAW JAU 5:10

Dai hpang shi gaw hkan sa na tara ni hte maren, kaga u langai mi hpe mung wan nat hkungga shatai nna nawng ya na rai wu ai. Ndai hku nna hkinjawng wa gaw dai wa a yubak mara a matu shagu hkungga nawng ya ai hte mara raw dat kau ai hkrum na rai wu ai.

JAW JAU 5:13

Ndai hku nna hkinjawng wa gaw dai masha wa a yubak mara a matu shagu hkungga nawng jau na rai wu ai. Dai wa gaw yubak mara raw dat kau ya ai hkrum na ra ai. Ngam ai shadung mani gaw shadung hkungga zawn hkinjawng wa a matu rai nga ai.

JAW JAU 5:16

Shi jaw ra ai hpe shalai ya na matu dumhprut kau nga ai majaw dai shut ai a matu shawng e jaw ra ai hta tsa lam shadang 20% naw jat jaw na rai wu ai. Shi gaw dai hpe hkinjawng wa a lata hta ap ya nhtawm hkinjawng wa mung shi a shut hpyit ai yubak mara a matu shagu hkungga shatai ya na yam nga nawng jau ya ai hte shi gaw mara raw dat kau ya ai hkrum na ra ai.

JAW JAU 5:18

Shi gaw hkinjawng wa hpang de mara raw hkungga shatai na ra n rawng ai sagu la shing n rai bainam la langai mi la sa na rai wu ai. De a hkrat ang ai manu hpe chyawm gaw tara shang lang ai joi jang hte maren, manu sawn ya na rai nga ai. Hkinjawng wa gaw shi a n dum shami shut kau ai yubak mara a matu shagu hkungga nawng ya ai hte shi mung mara raw dat kau ya ai hkrum na ra ai.

JAW JAU 6:7

Hkinjawng wa gaw shi shut kau ai yubak mara a matu shagu hkungga nawng ya ai hte shi gaw mara raw dat kau ya ai hkrum na rai nga ai.

BU HKAWM 15:25

Shanhte n dum shami shut kau ai yubak mara a matu mung, dai Madu hpang de shanhte a htingrai hkungga hpe lusha hkungga zawn la sa ma ai majaw, hkinjawng wa gaw shawa hpung ting a matu jasan jaseng ai amu galaw ya ai hte shanhte mung mara raw dat ai hkrum na mara ai.

BU HKAWM 15:28

Hkinjawng wa gaw shi hpe yubak mara kaw na jasan jaseng la na matu htung hte maren jasan jaseng ai amu hpe tawn hkungri e galaw na rai wu ai. Shaloi shi mung mara raw dat kau ai hkrum na rai wu ai.