JAW JAU 4:21 - Jinghpaw Common Language Bible 2009

²¹ Dai hpang shi galaw shut ai yubak a matu nawng ya ai usu hpe nat wu ai zawn dai usu hpe dap shinggan de woi sa nna nat kau na rai wu ai. Dai gaw shawa hpung hku nna shut kau ai yubak la kau na matu htingrai ai hkungga rai nga ai.

Jinghpaw Hanson Version Bible

²¹ Shawng na usu hpe nat kau ai zawn, dai hpe mung dap shinggan de la sa nna nat kau na rai wu ai: dai gaw shawa hpung a matu htingrai hkungga rai nga ai.

JAW JAU 4:21 ပူးပေါင်းရင်းမြစ်များ

EZRA 8:35

Bawng dung ai kaw nna nhtang wa sai ni yawng gaw Israela Karai Kasang a matu shagu hkungga nat na nga, hkungga ni hpe la sa shajang ma ai. Shanhte gaw Israela amyu ting a matu usu 12, sagu la 96 hte sagu kasha 77 nawng ya ma ai. Shanhte gaw yubak kaw na tinang hkum hpe jasan jaseng na matu bainam 12 hpe mung nawng ya ma ai. Ndai yam nga yawng hte gaw dai Madu a matu wan nat hkungga hkrai rai nga ai.

PRU MAT 29:14

Rai ti mung dai usu a ashan, ahpyi hte ahkyi rawng ai pu kaba ni hpe dap shinggan e nat kau na rai ndai. Dai gaw hkinjawng ni a yubak mara hpe la kau ya ai hkungga rai nga ai.

EZEKELA 45:22

Dai ndat da ai poi shani e, up hkang du wa gaw shi a hkum hte amyu masha ni yawng a matu mara raw hkungga usu langai mi shapraw ya na ra ai.

JAW JAU 16:15

Dai hpang amyu masha ni a matu htingrai hkungga shatai na bainam hpe mung shi sat nna, de a asai hpe Chyoi Pra Htum ai Shara de la sa nhtawm magap a ntsa e mung, Ga Shaka Sumpu a man e mung, usu sai hpe galaw ai zawn dai hpe lapri bun na rai wu ai.

JAW JAU 16:21

Shi a lata lahkawng gaw dai bainam baw hta mara da nhtawm Israela amyu masha ni a n hkru n hkra ai yubak mara hte gumle gumlau ai lam yawng a matu hpyi nem tawngban ya nna bainam baw de dai ni hpe galai ap kau dat wu ai. Dai hpang lata san da hkrum ai wa gaw dai bainam hpe nam mali de gawt kau dat wu ai.

JAW JAU 16:27

Yubak a majaw htingrai na matu Chyoi Pra Htum ai Shara de la shawn ai asai a htingrai hkungga usu hte bainam hkum hpe dap shinggan de la shapraw nna ahpyi, ahkyi re ai ni hpe wan nat kau na rai wu ai.

JAW JAU 4:13

Israela shawa hpung ting gaw dai Madu hkang da ai lam lama ma hpe n dum shami shut hpyit tawt lai nna yubak galaw hkrup nhtawm dai mara dan dawng wa ai shaloi,

JAW JAU 4:20

Shi gaw usu hte htingrai hkungga a matu nawng ya ai zawn ndai usu hpe mung dai hte maren nawng ya na rai wu ai. Ndai hku nna shi gaw amyu masha ni a tawt lai ai yubak a matu htingrai htingrat ya ai hte shanhte mung mara raw dat kau ya ai hkrum na rai ma ai.

JAW JAU 6:11

Shi gaw hpun palawng ni galai kau nhtawm dap a shinggan na san da ai shara de dai wan wu sa sa kau na rai wu ai.

JAW JAU 6:23

Dai shadung hkungga hpe hkinjawng wa mung sha lu na n rai; dai yawng nat nawng kau lu na rai nga ai.

JAW JAU 8:17

Shi gaw dai Madu hkang da ai hte maren, usu hta na ngam ai ahpyi, ashan hte ahkyi re ai ni hpe magawn la nna dap shinggan de dai ni hpe nat kau wu ai.

BU HKAWM 15:24

masha hpung ting a hpa n nawn kau ai amu a majaw shut mat ai rai yang, shanhte gaw dai Madu a matu manam pyaw sangau shatai na wan nat hkungga a matu usu langai, htuk ai shadung hkungga hte sabyi hkungga nawng ya na rai ma ai. Dai sha n-ga, shanhte gaw htingrai hkungga a matu bainam la langai mi nawng jau na rai ma ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

HEBRE 13:11

Yuda hkinjawng Agyi kaba wa gaw dusat ni a asai hpe yubak mara raw ya ai hkungga hku nna Chyoi Pra Htum ai Shara de la jashawn shang wa ti mung, dai dusat hkungga hkum ni hpe gaw shinggan e nat kau wu ai.