JAW JAU 4:19 - Jinghpaw Common Language Bible 2009

¹⁹ Dai hpang usu sau yawng la nna tawn hkungri ntsa e dai hpe nat na rai wu ai.

Jinghpaw Hanson Version Bible

¹⁹ Dai usu a asau mahkra shi la nna, hkungri hta nat na rai wu ai.

JAW JAU 4:19 ပူးပေါင်းရင်းမြစ်များ

SHAKAWN KUNGDAWN 22:14

Ga ntsa e, hka hpe ru kau ai zawn, nye a n-gun hkoi mat sali ai. Nye a nra hkrihkraw ni mahkra kashai mat sai, nye a myit masin mung shabyawng da ai gitbaw zawn rai nga li ai.

JAW JAU 12:8

Dai numsha mahtang sagu kasha n dang shapraw ai rai yang, ura lahkawng, shing n rai hkrudu lahkawng hpe wan nat hkungga a matu langai, htingrai hkungga a matu langai mi di nna la sa na rai wu ai. Hkinjawng wa gaw shi a n san n seng ai a matu htingrai htingrat ya na rai wu ai; shing rai shi gaw san seng wa lu na rai wu ai.

JAW JAU 14:18

Shi a lata lahpan hta naw ngam ai namman hpe gaw dai masha wa a baw hta chya ya na rai wu ai. Ndai hku nna jasan jaseng ai amu hpe shi hkan shatsup ya na rai wu ai.

JAW JAU 4:26

Dai hpang tawn hkungri ntsa hta de a asau ni yawng mara nhtawm mahku hkungga a matu sat nawng ai yam nga sau nat nawng ai zawn nat na rai wu ai. Ndai hku nna hkinjawng wa gaw up hkang du wa a shut hpyit yubak mara a matu shagu hkungga nawng ya ai hte shi a yubak mara mung raw dat ai hkrum na rai wu ai.

JAW JAU 4:31

Dai hpang mahku hkungga a matu sat ai yam nga a sau la ai zawn de a sau yawng la nna tawn hkungri ntsa e nat na rai wu ai. Dai Madu gaw de a manam pyaw ai sangau hta awng sharawng nga na wu ai. Dai re ai majaw hkinjawng wa gaw ndai hku nna dai masha wa a matu shagu hkungga nawng ya ai hte shi mung yubak mara raw dat kau ya ai hkrum na rai wu ai.

JAW JAU 4:35

Dai hpang shi gaw mahku hkungga a matu sat ai sagu a sau yawng hpe la nna, dai Madu a matu wan nat hkungga hpe lusha hkungga hte hpawn tawn hkungri hta nat na rai wu ai. Ndai lam hku nna hkinjawng wa gaw dai masha wa a shut hpyit yubak mara a matu shagu hkungga nawng ya ai hte shi mung mara raw dat kau ya ai hkrum na rai wu ai.

JAW JAU 5:6

hkungga shatai na sagu yi shing n rai bainam yi hpe dai Madu hpang de la sa na rai wu ai. Hkinjawng wa gaw dai wa a yubak mara a matu shagu hkungga nawng ya na rai wu ai.

JAW JAU 6:7

Hkinjawng wa gaw shi shut kau ai yubak mara a matu shagu hkungga nawng ya ai hte shi gaw mara raw dat kau ya ai hkrum na rai nga ai.

BU HKAWM 15:25

Shanhte n dum shami shut kau ai yubak mara a matu mung, dai Madu hpang de shanhte a htingrai hkungga hpe lusha hkungga zawn la sa ma ai majaw, hkinjawng wa gaw shawa hpung ting a matu jasan jaseng ai amu galaw ya ai hte shanhte mung mara raw dat ai hkrum na mara ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.