JAW JAU 4:13 - Jinghpaw Common Language Bible 2009

¹³ Israela shawa hpung ting gaw dai Madu hkang da ai lam lama ma hpe n dum shami shut hpyit tawt lai nna yubak galaw hkrup nhtawm dai mara dan dawng wa ai shaloi,

Jinghpaw Hanson Version Bible

¹³ Bai Israela a shawa hpung nlang hte, Yehowa hkum da ai n galaw mai ai lam lama ma hta shut hpyit tawt lai hkrup nna, shanhte n dum n mi timung mara rawng nga ai rai yang;

JAW JAU 4:13 ပူးပေါင်းရင်းမြစ်များ

EZRA 10:19

Shanhte gaw shanhte a madu jan ni hpe jahka kau na nga ga sadi jaw ma ai, shanhte shut kau ai yubak mara a matu sagu la langai mi shagu hkungga shatai let nawng ya ma ai.

SHAKAWN KUNGDAWN 19:13

Myit shadang ai yubak mara ni kaw na mung, ngai hpe shim hkra bau sin ya e; dai ni gaw ngai hpe n up lu mu ga. Shing rai, ngai gaw hkum tsup wa nna n hkru ai yubak kaw na mung lawt lu na nngai.

EZEKELA 45:22

Dai ndat da ai poi shani e, up hkang du wa gaw shi a hkum hte amyu masha ni yawng a matu mara raw hkungga usu langai mi shapraw ya na ra ai.

HOSEA 5:15

“Ngai gaw shanhte shut kau ai yubak ni a matu law ram hkra re ai nni nkri hkam sha ai hte ngai hpe hkan tam wa ai aten du hkra, nye a amyu masha ni hpe kau da na nngai. Shanhte hkam sha ai nni nkri a majaw shanhte ngai hpe mahkoi tam shakut wa na ma ai nhten.”

JAW JAU 16:5

Israela shawa hpung ting gaw htingrai hkungga a matu bainam la lahkawng, wan nat hkungga a matu sagu la langai, Arun hpe sa ap ya na rai ma ai.

JAW JAU 4:21

Dai hpang shi galaw shut ai yubak a matu nawng ya ai usu hpe nat wu ai zawn dai usu hpe dap shinggan de woi sa nna nat kau na rai wu ai. Dai gaw shawa hpung hku nna shut kau ai yubak la kau na matu htingrai ai hkungga rai nga ai.

JAW JAU 5:17

Marai langai ngai gaw dai Madu hkang da ai lam lama ma hpe n dum shami yubak galaw hkrup kau ai rai yang, mara lu nga ai rai nna yubak ari gun lu na rai nga ai.

JAW JAU 6:4

shing re ai lam langai ngai hpe shi yubak galaw hkrup ai rai yang, dai zawn n ding n man ai hku lu la ai arai shi bai jaw lu na rai nga ai. Shi galaw shut kau ai mara dan dawng wa ai shani chyawm gaw arai madu hpe tsa lam shadang 20% bai kahtap jaw nna jahpring ya na rai wu ai.

BU HKAWM 15:22

Rai ti mung marai langai ngai mahtang dai Madu Mawshe hpe jaw da sai hkan sa na tara ni hpe n dum shami tawt lai kau nna

1 KORINHTU 11:27

Dai rai nna, kadai rai ti mung, n ging n dan ai hte dai Madu a muk sha nna gawm hta na lu a yang gaw, dai Madu a hkum hte asai hpe shut kau da wu ai.

1 TIMOHTI 1:13

Ngai chyawm gaw lai wa sai ten hta Madu hpe n kaja ai hku mara shagun tsun shatan ai zingri zingrat ai hte roi asawng re ai wa rai nngai. Rai ti mung Karai Kasang gaw ngai hpe matsan dum nga ai; hpa majaw nga yang, ngai hta makam masham garai n rawng ai rai nna ngai hpa galaw nga ai hpe ngai n chye we ai.

YAWSHU 7:11

Israela chyawm gaw yubak galaw shut masai! Shanhte hkan shatup na matu ngai hkang da ai dai ngai hte tawn da ai ga shaka hpe shanhte run kau manu ai. Jahten sharun kau na matu daw dan da ai arai nkau mi hpe mung shanhte hta la manu ai; shanhte gaw arai mung lagu, masu mung masu, shanhte a arai ni hta dai ni hpe bang la rai ma ai.