JAW JAU 3:2 - Jinghpaw Common Language Bible 2009

² Dai wa gaw hkungga shatai na yam nga a baw hta shi a lata mara nna dai Madu a hpung shingkang shanu nga ai Sum a shang wa chyinghka lam e dai hpe sat na rai wu ai. Arun a shadang sha hkinjawng ni gaw de a asai hpe tawn hkungri a man mali grup grup de lapri ai hte,

Jinghpaw Hanson Version Bible

² Shi a hkungga a baw hta tinang a lata mara nhtawm, shawa sum a chyinghka makau e sat na rai nna, Arun a shadang sha hkinjawng ni gaw, de a asai hpe tawn hkungri ntsa grup lapri na rai mu ai.

JAW JAU 3:2 ပူးပေါင်းရင်းမြစ်များ

PRU MAT 29:10

“Nye a hpung shingkang shanu nga ai Sum ndaw de usu dun sa nhtawm de a baw hta shanhte a lata mara na lam, Arun hte shi a shadang sha ni hpe tsun u.

PRU MAT 29:11

Nye a chyoi pra ai hpung shingkang shanu nga ai Sum chyinghka lam e dai usu hpe sat na rai ndai.

PRU MAT 29:15

“Sagu la langai mung la nna, dai sagu a baw hta shanhte a lata mara da na matu Arun hte shi a shadang sha ni hpe tsun u.

PRU MAT 29:16

Dai hpe sat nhtawm de a asai la nhtawm tawn hkungri a man mali grup grup de ru hkaw na rai ndai.

PRU MAT 29:19

“Kaga sagu la langai hpe mung ap nawng ai hta lang na matu la nna, de a baw hta shanhte a lata ni hpe mara na matu Arun hte shi a shadang sha ni hpe tsun u.

ESAIA 53:6

Anhte yawng gaw sagu ni zawn lam dam mat saga ai, anhte langai hte langai tinang lam hkan mat saga ai. Rai ti mung dai Madu gaw anhte yawng hkam la ging ai ari hpe shi a ntsa e mara da shangun nga nu ai.

JAW JAU 1:11

Dai wa gaw dai hpe tawn hkungri a dingdung maga e sat na rai wu ai. Hkinjawng ni gaw de a asai hpe tawn hkungri ntsa man mali shagu de lapri na rai ma ai.

JAW JAU 17:3

Israela amyu masha ni hta marai langai ngai dumsu, sagu hte bainam re ai ni hpe dai Madu a hpung shingkang shanu nga ai Sum a shang wa chyinghka lam hta nawng jau na matu kaga shara hta sat ai wa gaw tara jahten kau nga ai. Shanhte gaw sai jahkaw kau manu ai rai nna, Karai Kasang a amyu masha hta na sumri dan kau ai hkrum na rai ma ai.

JAW JAU 3:3

dai Madu a man e lusha hkungga shatai na dai yam nga kaw na sau rap hte pu kan hta na sau yawng,

JAW JAU 3:8

de a baw hta shi a lata mara nhtawm, dai hpe Sum a man e sat na rai wu ai. Hkinjawng ni gaw de a asai hte tawn hkungri a man mali grup grup de ru hkaw ai hte dai Madu a man e,

JAW JAU 8:22

Dai hpang Mawshe gaw hkinjawng aya dang la na matu nga, kaga san da ai sagu la hpe dun sa nna, de a baw hta Arun hte shi a shadang sha ni a lata mara da nga ma ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

BU HKAWM 18:17

Rai ti mung, sagu, bainam alat ni hpe chyawm gaw mari shaw la lu na myit dai n rai; dai ni gaw ngai hte tsep kawp seng nga ai rai nna ngai hpe shagu hkungga hku nawng ya na rai myit dai. Dai ni a asai hpe tawn hkungri hta lapri bun nhtawm sau man hpe mung nye a matu manam pyaw ai sangau shatai na lusha hkungga hku nat nawng na rai myit dai.

KASA 3:15

Nanhte gaw asak jaw ya lu ai wa hpe gaw sat kau myit dai, rai ti mung Karai Kasang gaw shi hpe si ai kaw na sharawt la nu ai rai nna anhte gaw dai lam a sakse ni rai nga ga ai.

KASA 3:26

Dai rai nna nanhte langai hte langai tinang a n hkru n shawp ai lam ni hta na myit malai kayin wa ai hte shaman chyeju hkam la lu mu ga nga Karai Kasang gaw shi a shangun ma hpe paw pru shangun ai hte nanhte hpang de shawng shangun dat ya sai,” ngu nna tsun mu ai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.